![Manvita Kamath : "ಮೇ ಮೆಂಟಲ್ ಹೊ ಜಾವಾ " ಎಂದ ಕೆಂಡಸಂಪಿಗೆ ಹುಡುಗಿಯ ಫೋಟೋಸ್ ಇಲ್ಲಿವೆ ನೋಡಿ](https://kannada.cdn.zeenews.com/kannada/sites/default/files/styles/zm_350x200/public/2024/04/22/400420-manvith-kamath.jpg?itok=C8n7aAr7 "Manvita Kamath : "ಮೇ ಮೆಂಟಲ್ ಹೊ ಜಾವಾ " ಎಂದ ಕೆಂಡಸಂಪಿಗೆ ಹುಡುಗಿಯ ಫೋಟೋಸ್ ಇಲ್ಲಿವೆ ನೋಡಿ")
ನವದೆಹಲಿ : ಟಿವಿಎಸ್ ಮೋಟಾರ್ ಕಂಪನಿ ತನ್ನ ಗ್ರಾಹಕರಿಗಾಗಿ ಅಪ್ಲಿಕೇಶನ್ ಅನ್ನು ಪರಿಚಯಿಸಿದೆ. ಇದು ಗ್ರಾಹಕರು ಆನ್‌ಲೈನ್‌ನಲ್ಲಿ ಯಾವುದೇ ಮಾದರಿಯ ಬೈಕ್‌ಗಳ ಮಾಹಿತಿಯನ್ನು ಸಂಗ್ರಹಿಸಲು ಮತ್ತು ಖರೀದಿಸಲು ಅನುವು ಮಾಡಿಕೊಡುತ್ತದೆ. ಟಿವಿಎಸ್ ಆಗ್ಮೆಂಟೆಡ್ ರಿಯಾಲಿಟಿ ಇಂಟರ್ಯಾಕ್ಟಿವ್ ವೆಹಿಕಲ್ ಎಕ್ಸ್‌ಪೀರಿಯೆನ್ಸ್ (ARIVP) ಆ್ಯಪ್ ಮೂಲಕ ಗ್ರಾಹಕರು ಉತ್ಪನ್ನದ ವೈಶಿಷ್ಟ್ಯಗಳನ್ನು ತಿಳಿಯಲು ಸಾಧ್ಯವಾಗುತ್ತದೆ ಎಂದು ಕಂಪನಿ ಹೇಳಿಕೆಯಲ್ಲಿ ತಿಳಿಸಿದೆ.
ಈ ಅಪ್ಲಿಕೇಶನ್ ಆರಂಭದಲ್ಲಿ ಕಂಪನಿಯ ಪ್ರಮುಖ ಮಾದರಿಗಳಾದ ಟಿವಿಎಸ್ ಅಪಾಚೆ ಆರ್ಆರ್ 310 (TVS Apache RR 310) ಮತ್ತು ಟಿವಿಎಸ್ ಅಪಾಚೆ ಆರ್ಟಿಆರ್ 200 4 ವಿ ಬಗ್ಗೆ ಮಾಹಿತಿಯನ್ನು ಒದಗಿಸುತ್ತದೆ ಮತ್ತು ನಂತರದ ದಿನಗಳಲ್ಲಿ ಟಿವಿಎಸ್ನ ಎಲ್ಲಾ ಉತ್ಪನ್ನಗಳ ಮಾಹಿತಿ ಇದರಲ್ಲಿ ಲಭ್ಯವಾಗಲಿದೆ ಎಂದು ಕಂಪನಿ ಹೇಳಿದೆ.
ದೇಶದ ಹೆದ್ದಾರಿಗಳಲ್ಲಿ ಚಲಿಸಲಿವೆ Electric ವಾಹನಗಳು
2020 ರ ಆರಂಭದಲ್ಲಿ ಟಿವಿಎಸ್ ಮೋಟಾರ್ (TVS Motor) ಕಂಪನಿ ತಮ್ಮ ಅಪಾಚೆ ಆರ್ಆರ್ 310 (TVS Apache RR 310) ಮೋಟಾರ್ಸೈಕಲ್ನ ಬಿಎಸ್-ವಿ ಎಂಜಿನ್ ರೂಪಾಂತರವನ್ನು ಪರಿಚಯಿಸಿತು. ದೆಹಲಿ ಶೋ ರೂಂನಲ್ಲಿ ಇದರ ಬೆಲೆ 2.4 ಲಕ್ಷ ರೂಪಾಯಿಗಳು. ಅಪಾಚೆ ಆರ್ಆರ್ 310 ಮೋಟಾರ್ಸೈಕಲ್ ಥ್ರೊಟಲ್-ಬೈ-ವೈರ್ ನಂತಹ ಹೊಸ ತಂತ್ರಜ್ಞಾನವನ್ನು ಹೊಂದಿದೆ, ಇದು ಸಾಂಪ್ರದಾಯಿಕ ಕೇಬಲ್ ಬದಲಿಗೆ ಥ್ರೊಟಲ್ ಹಿಡಿತವನ್ನು ವಾಹನಕ್ಕೆ ವಿದ್ಯುನ್ಮಾನವಾಗಿ ಸಂಪರ್ಕಿಸುತ್ತದೆ.
ವೈಶಿಷ್ಟ್ಯಗಳು ಯಾವುವು?
ಅಪಾಚೆ ಆರ್ಆರ್ 310 ಕಂಟ್ರೋಲ್ ಕ್ಯೂಬ್‌ಗಳೊಂದಿಗೆ ಸಂವಾದಾತ್ಮಕ 5-ಇಂಚಿನ ಲಂಬ ಟಿಎಫ್‌ಟಿ ಬಹು ಮಾಹಿತಿ ರೇಸ್ ಕಂಪ್ಯೂಟರ್ ಅನ್ನು ಸಹ ಹೊಂದಿದೆ. ಇದಲ್ಲದೆ ಇದು ಬ್ಲೂಟೂತ್ -ಸುಸಜ್ಜಿತ ಸ್ಮಾರ್ಟ್ ಎಕ್ಸ್ ಕನೆಕ್ಟ್ ಅನ್ನು ಹೊಂದಿದೆ. ಇದು ನಗರ ಪ್ರದೇಶ, ಮಳೆ, ಕ್ರೀಡೆ ಮತ್ತು ಟ್ರ್ಯಾಕ್ ಗಳಲ್ಲಿ ಯಾವುದೇ ಅಡೆತಡೆ ಇಲ್ಲದೆ ಚಲಿಸುತ್ತದೆ ಎಂದು ಕಂಪನಿ ತಿಳಿಸಿದೆ. ವಾಹನದ ಚಾಲಕನು ವಿವಿಧ ಸಂದರ್ಭಗಳಿಗೆ ಅನುಗುಣವಾಗಿ ವಾಹನದ ಕಾರ್ಯಕ್ಷಮತೆಯನ್ನು ಆಯ್ಕೆ ಮಾಡಬಹುದು ಎನ್ನಲಾಗಿದೆ.
ಎಲೆಕ್ಟ್ರಿಕ್ ಸ್ಕೂಟರ್ ತಯಾರಿಕೆಗೆ ಮುಂದಾದ OLA
ಬೈಕ್ ಪ್ರಿಯರಲ್ಲಿ ಜನಪ್ರಿಯ:
ಅಪಾಚೆ ಆರ್ಆರ್ 310 ಅನ್ನು 2017 ರಲ್ಲಿ ಮಾರುಕಟ್ಟೆಯಲ್ಲಿ ಪರಿಚಯಿಸಿದಾಗಿನಿಂದ ಮೋಟಾರ್ಸೈಕಲ್ (Motorcycle) ಉತ್ಸಾಹಿಗಳಲ್ಲಿ ಬಹಳ ಜನಪ್ರಿಯವಾಗಿದೆ ಎಂದು ಟಿವಿಎಸ್ ಮೋಟಾರ್ ಕಂಪನಿಯ ಪ್ರೀಮಿಯಂ ಮೋಟಾರ್ಸೈಕಲ್ ಮುಖ್ಯಸ್ಥ (ಮಾರ್ಕೆಟಿಂಗ್) ಮೇಘಶ್ಯಾಮ್ ಡಿಘೋಲ್ ಹೇಳಿದ್ದಾರೆ.
ಟಿವಿಎಸ್ ರೇಡಿಯನ್ ರೆಕಾರ್ಡ್ :
ಟಿವಿಎಸ್ ಮೋಟಾರ್‌ನ ಪ್ರಯಾಣಿಕರ ಮೋಟಾರ್ಸೈಕಲ್ ಟಿವಿಎಸ್ ರೇಡಿಯನ್ ಬಿಡುಗಡೆಯಾದ ಕೇವಲ 7 ತಿಂಗಳಲ್ಲಿ ಒಂದು ಲಕ್ಷ ಯುನಿಟ್‌ಗಳ ಮಾರಾಟವನ್ನು ದಾಟಿದೆ. ಟಿವಿಎಸ್ ರೇಡಿಯನ್ 10 ಲೀಟರ್ ಟ್ಯಾಂಕ್‌ನೊಂದಿಗೆ ಬರುತ್ತದೆ ಮತ್ತು ಉತ್ತಮ ಇಂಧನ ದಕ್ಷತೆಯನ್ನು ನೀಡುತ್ತದೆ. ಇದು ಬಿಳಿ, ಬೀಜ್, ನೇರಳೆ ಮತ್ತು ಕಪ್ಪು ಬಣ್ಣಗಳಲ್ಲಿ 5 ವರ್ಷಗಳ ಖಾತರಿಯೊಂದಿಗೆ ಲಭ್ಯವಿದೆ.
![Lok Sabha Election 2024: "ರಾಜಕೀಯ ಸ್ವಾರ್ಥಕ್ಕಾಗಿ ನೆರೆ ರಾಜ್ಯಕ್ಕೆ ಕಾವೇರಿ ನೀರು ಮಾಡಿಕೊಂಡ ಕಾಂಗ್ರೆಸ್..!"](https://kannada.cdn.zeenews.com/kannada/sites/default/files/styles/zm_175x100/public/2024/04/23/400750-hdk.png?itok=z6iy9ayI "Lok Sabha Election 2024: "ರಾಜಕೀಯ ಸ್ವಾರ್ಥಕ್ಕಾಗಿ ನೆರೆ ರಾಜ್ಯಕ್ಕೆ ಕಾವೇರಿ ನೀರು ಮಾಡಿಕೊಂಡ ಕಾಂಗ್ರೆಸ್..!"")