ಭುಜದಲ್ಲಿ ಕಾಣಿಸಿಕೊಳ್ಳುವ ನೋವನ್ನು ಎಂದಿಗೂ ಕಡೆಗಣಿಸಬೇಡಿ , ಈ ನಾಲ್ಕು ರೋಗದ ಲಕ್ಷಣವಾಗಿ ರಬಹುದು

ಭುಜದ ನೋವು ಸಾಮಾನ್ಯವಾಗಿರುತ್ತದೆ. ಆದರೆ ಕೆಲವೊಮ್ಮೆ ಇದು ಗಂಭೀರ ಸಮಸ್ಯೆಯ ಸಂಕೇತವಾಗಿಯೂ ಇರಬಹುದು. ಇದು ಹೃದಯಾಘಾತ ಮತ್ತು ಸಂಧಿವಾತದಂತಹ ಕಾಯಿಲೆಗಳ ಮುನ್ಸೂಚನೆ ಕೂಡಾ ಆಗಿರಬಹುದು. ಭುಜ ನೋವು ಯಾವ ಗಂಭೀರ ಕಾಯಿಲೆಗಳ ಸಂಕೇತವಾಗಬಹುದು ಮತ್ತು ಅಂತಹ ಪರಿಸ್ಥಿತಿಯಲ್ಲಿ ಏನು ಮಾಡಬೇಕು ಎನ್ನುವುದನ್ನು ಈ ಲೇಖನದಲ್ಲಿ ಹೇಳಲಾಗಿದೆ.

shoulder pain (file poto)

ಬೆಂಗಳೂರು : ನಮ್ಮ ದೇಹದ ಕೆಲವು ಭಾಗಗಳನ್ನು ನಾವು ದಿನವಿಡೀ ಬಳಸುತ್ತೇವೆ.  ಈ ಕಾರಣದಿಂದಾಗಿ ಕೆಲವೊಮ್ಮೆ ಅತಿಯಾದ ಕೆಲಸ ಅಥವಾ ಸ್ನಾಯು ಸೆಳೆತ ಇತ್ಯಾದಿಗಳಿಂದ ಆ ಭಾಗದಲ್ಲಿ ನೋವು ಪ್ರಾರಂಭವಾಗುತ್ತದೆ. ಭುಜ ಕೂಡಾ ಅಂಥಹ ಒಂದು ಅಂಗ. ನಾವು ಮಾಡುವ ಪ್ರತಿಯೊಂದು ಕೆಲಸದಲ್ಲಿಯೂ ಭುಜವನ್ನು ಬಳಸುತ್ತೇವೆ. ಹೆಚ್ಚಿನ ಸಂದರ್ಭಗಳಲ್ಲಿ ಭುಜದ ನೋವು ಸ್ನಾಯು ಸೆಳೆತ ಅಥವಾ ಸೆಳೆತಕ್ಕೆ ಸಂಬಂಧಿಸಿದ ಸಮಸ್ಯೆ ಎದುರಾಗುತ್ತದೆ. ಇನ್ನು ಕೆಲವೊಮ್ಮೆ ಮೂಳೆ ಸಂಬಂಧಿತ ಸಮಸ್ಯೆ ಭುಜದ ನೋವನ್ನು ಉಂಟುಮಾಡಬಹುದು. ಆದರೆ  ಪದೇ ಪದೇ ಕಾಣಿಸಿಕೊಳ್ಳುವ ಭುಜದ ನೋವಿಗೆ ಬೇರೆ ಕಾರಣಗಳು ಇರಬಹುದು. ಭುಜದ ನೋವು ಹೃದ್ರೋಗದಿಂದ ಹಿಡಿದು ಅನೇಕ ಪ್ರಮುಖ ಕಾಯಿಲೆಗಳ ಸಂಕೇತವಾಗಿರಲೂ ಬಹುದು. 

ಈ ರೋಗಗಳ ಲಕ್ಷಣವಾಗಿರಬಹುದು : 
ದೀರ್ಘಕಾಲದವರೆಗೆ ಭುಜದ ನೋವನ್ನು ಅನುಭವಿಸುತ್ತಿದ್ದರೆ,  ಔಷಧಿಗಳನ್ನು ತೆಗೆದುಕೊಂಡ  ಬಳಿಕವೂ ಮಾತ್ರೆ ಮತ್ತೆ ಮರುಕಳಿಸುತ್ತಿದ್ದರೆ, ಅದು ಈ ಕೆಳಗಿನ ರೋಗಗಳ ಸಂಕೇತವಾಗಿರಬಹುದು:

ಹೃದ್ರೋಗ : ಎಡ ಭುಜದಲ್ಲಿ ಹಠಾತ್ ನೋವು ಕಾಣಿಸಿಕೊಳ್ಳುವುದು ಎಂದಿಗೂ ಒಳ್ಳೆಯ ಲಕ್ಷಣವಲ್ಲ.  ಏಕೆಂದರೆ ಇದು ಕೆಲವೊಮ್ಮೆ ಕೆಲವರಲ್ಲಿ ಹೃದಯಾಘಾತಕ್ಕೆ ಮುನ್ನುಡಿಯಾಗಬಹುದು. ಕೆಲವರಿಗೆ ಎಡ ಭುಜದ ಜೊತೆಗೆ ಬಲಭಾಗದಲ್ಲಿಯೂ ನೋವು ಉಂಟಾಗುತ್ತದೆ. ಭುಜದ ನೋವಿನ ಜೊತೆಗೆ ಎದೆಯಲ್ಲಿ ನೋವು ಅಥವಾ ಒತ್ತಡ ಕಾಣಿಸಿಕೊಂಡರೆ ಸಾಧ್ಯವಾದಷ್ಟು ಬೇಗ ವೈದ್ಯರನ್ನು ಸಂಪರ್ಕಿಸಿ.

ಇದನ್ನೂ ಓದಿ : ಹೃದಯಾಘಾತಕ್ಕೂ ಮುನ್ನ ಶರೀರ ನೀಡುತ್ತದೆ ಈ ಲಕ್ಷಣಗಳನ್ನು .! ನಿರ್ಲಕ್ಷಿಸಿದರೆ ಪ್ರಾಣಕ್ಕೇ ಆಪತ್ತು

ಸಂಧಿವಾತ : ಭುಜದ ನೋವು ಕೆಲವೊಮ್ಮೆ ರುಮಟಾಯ್ಡ್ ಸಂಧಿವಾತದ ಸಂಕೇತವಾಗಿರಬಹುದು. ಇದು ದೇಹದ ಕೀಲುಗಳ ಮೇಲೆ ಪರಿಣಾಮ ಬೀರುವ  ಆಟೋ ಇಮ್ಯುನ್  ಕಾಯಿಲೆಯಾಗಿದ್ದು, ಇದಕ್ಕೆ ಶಾಶ್ವತ ಚಿಕಿತ್ಸೆ ಇಲ್ಲ. ಕುಟುಂಬದಲ್ಲಿ ಯಾರಾದರೂ ಈ ಹಿಂದೆ ರುಮಟಾಯ್ಡ್ ಸಂಧಿವಾತ ಅಥವಾ ಯಾವುದೇ ಇತರ  ಆಟೋ ಇಮ್ಯುನ್  ಕಾಯಿಲೆ ಹೊಂದಿದ್ದರೆ, ಭುಜದ ನೋವನ್ನು ನಿರ್ಲಕ್ಷಿಸಬಾರದು.

ಶೋಲ್ದರ್ ತೆಂಡ್ನೈಸೀಸ್ :  ಶೋಲ್ದರ್ ತೆಂಡ್ನೈ ಸೀಸ್  ಎನ್ನುವುದು ಎಂದು ಗಂಭೀರ ಸಮಸ್ಯೆಯಾಗಿದೆ. ಇದರಲ್ಲಿ ಅತಿಯಾದ ನೋವು ಕಾಣಿಸಿಕೊಳ್ಳುತ್ತದೆ. ಇದರಲ್ಲಿ ಸ್ನಾಯುಗಳನ್ನು ಮೂಳೆಗಳಿಗೆ ಸಂಪರ್ಕಿಸುವ ಸ್ಥಳದಲ್ಲಿ ಊತ ಕಾಣಿಸಿಕೊಳ್ಳುತ್ತದೆ. ಭುಜದ ಜಂಟಿಯಲ್ಲಿರುವ ಸ್ನಾಯುರಜ್ಜುಗಳಲ್ಲಿ ಊತ ಮತ್ತು ಕೆಂಪು ಇದ್ದರೆ, ಆ ಸ್ಥಿತಿಯನ್ನು ಭುಜದ ಸ್ನಾಯುರಜ್ಜು ಎಂದು ಕರೆಯಲಾಗುತ್ತದೆ.

ವೈದ್ಯರನ್ನು ಯಾವಾಗ ನೋಡಬೇಕು : 
ಭುಜ ನೋವು ಕಾಣಿಸಿಕೊನದ ಕೂಡಲೇ ಅದು ಪ್ರಮುಖ ರೋಗವನ್ನು ಸೂಚಿಸುತ್ತದೆ ಎಂದಲ್ಲ.   ಸಾಮಾನ್ಯವಾಗಿ ಭುಜಕ್ಕೆ ಏನಾದರೂ ತಾಗಿದರೂ ಅಥವಾ ಉಳುಕಿದರೂ ನೋವು ಕಾಣಿಸಿಕೊಳ್ಳಬಹುದು.  ಹೀಗಾದಾಗ ಮನೆಯಲ್ಲಿಯೇ ಇರುವ ನೋವು ನಿವಾರಕಗಳು ಮತ್ತು ಇತರ ಮನೆಮದ್ದುಗಳನ್ನು ಬಳಸಿ ಇದನ್ನು ನಿವಾರಿಸಿಕೊಳ್ಳಬಹುದು.   ಆದರೆ ಇವುಗಳಿಂದ ಪ್ರಯೋಜನವಾಗುತ್ತಿಲ್ಲ ಎನ್ನುವುದು ಅರಿವಾದರೆ ಖಂಡಿತವಾಗಿಯೂ ವೈದ್ಯರನ್ನು ಸಂಪರ್ಕಿಸಬೇಕು.

ಇದನ್ನೂ ಓದಿ : Breakfast, ಲಂಚ್ ಹಾಗೂ ಡಿನ್ನರ್ ನ ಈ ವೇಳಾಪಟ್ಟಿ ಪಾಲಿಸಿದರೆ ತೂಕ ಎಂದಿಗೂ ಹೆಚ್ಚಾಗುವುದಿಲ್ಲ

 ( ಸೂಚನೆ : ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ಅದನ್ನು ಅಳವಡಿಸಿಕೊಳ್ಳುವ ಮೊದಲು, ಖಂಡಿತವಾಗಿಯೂ ವೈದ್ಯಕೀಯ ಸಲಹೆಯನ್ನು ತೆಗೆದುಕೊಳ್ಳಿ. ZEE NEWS ಇದನ್ನು ಖಚಿತಪಡಿಸುವುದಿಲ್ಲ.)