'ಭಾರತದ ಕೊರೊನಾ ಲಸಿಕೆ Covaxin ಜಗತ್ತಿನ ಗಮನ ಸೆಳೆದಿದೆ'

ಸಾಂದರ್ಭಿಕ ಚಿತ್ರ

ನವದೆಹಲಿ: ಕೋವಿಕ್ಸಿನ್ ಎಂಬ ಕೊರೊನಾ ಭಾರತೀಯ ಲಸಿಕೆ ಜಾಗತಿಕ ಗಮನ ಸೆಳೆದಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ಹೇಳಿದೆ.

'ಐಸಿಎಂಆರ್-ಭಾರತ್ ಬಯೋಟೆಕ್ ಸಹಯೋಗದ ಉತ್ಪನ್ನವಾದ ಕೊವಾಕ್ಸಿನ್ ಲಸಿಕೆ ದತ್ತಾಂಶವು ಕೊವಾಕ್ಸಿನ್‌ನ ಪ್ರಭಾವಶಾಲಿ ಸುರಕ್ಷತೆ ಮತ್ತು ಇಮ್ಯುನೊಜೆನೆಸಿಟಿ ಪ್ರೊಫೈಲ್ ಅನ್ನು ಒತ್ತಿ ಹೇಳುತ್ತದೆ ಮತ್ತು ಅವುಗಳನ್ನು ಪ್ರಕಟಿಸುವಲ್ಲಿ ಲ್ಯಾನ್ಸೆಟ್‌ನ ಆಸಕ್ತಿಯನ್ನು ಹುಟ್ಟುಹಾಕುತ್ತದೆ' ಎಂದು ಐಸಿಎಂಆರ್ ಟ್ವೀಟ್ ನಲ್ಲಿ ಉಲ್ಲೇಖಿಸಿದೆ.

'ಹಂತ 1 ಮತ್ತು ಎರಡನೇ ಹಂತದ ಕೋವಾಕ್ಸಿನ್ ಪ್ರಯೋಗ ಫಲಿತಾಂಶಗಳು ಭಾರತದಲ್ಲಿ ಮೂರನೇ ಹಂತದ ಕ್ಲಿನಿಕಲ್ ಪ್ರಯೋಗಕ್ಕೆ ದಾರಿ ಮಾಡಿಕೊಟ್ಟಿವೆ, ಇದು ಪ್ರಸ್ತುತ 22 ತಾಣಗಳಲ್ಲಿ ನಡೆಯುತ್ತಿದೆ"ಎಂದು ಹೇಳಿದೆ.ದೆಹಲಿಯ ಏಮ್ಸ್ ಆಸ್ಪತ್ರೆ ಗುರುವಾರ 'ಕೋವಾಕ್ಸಿನ್ ನ ಮೂರನೇ ಹಂತದ ಕ್ಲಿನಿಕಲ್ ಪ್ರಯೋಗಕ್ಕೆ ಸ್ವಯಂಸೇವಕರನ್ನು ಆಹ್ವಾನಿಸಿದೆ.

ಕೋವಾಕ್ಸಿನ್ ಮೂರನೇ ಹಂತದ ಕ್ಲಿನಿಕಲ್ ಪ್ರಯೋಗಕ್ಕಾಗಿ 'ಏಮ್ಸ್ ಪ್ರಮುಖ ತಾಣವಾಗಿದೆ. ಇದು ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ (ಐಸಿಎಂಆರ್) ಮತ್ತು ಭಾರತ್ ಬಯೋಟೆಕ್ ಸಹ-ಪ್ರಾಯೋಜಿಸಿದ ಸಂಪೂರ್ಣ-ವೈರಿಯನ್ ನಿಷ್ಕ್ರಿಯ ಲಸಿಕೆಯಾಗಿದೆ" ಎಂದು ಏಮ್ಸ್ ಜಾಹೀರಾತಿನಲ್ಲಿ ತಿಳಿಸಿದೆ.

ಏಮ್ಸ್ ಸೆಂಟರ್ ಫಾರ್ ಕಮ್ಯುನಿಟಿ ಮೆಡಿಸಿನ್, ಡಾ. ಸಂಜಯ್ ಕೆ ರೈ ಅವರು ಮೊದಲ ಹಂತದ ಪರೀಕ್ಷೆಗಳು (ಸುರಕ್ಷತೆ ಮತ್ತು ಇಮ್ಯುನೊಜೆನೆಸಿಟಿ) ಈಗಾಗಲೇ ಪೂರ್ಣಗೊಂಡಿದೆ ಎಂದು ಜಾಹೀರಾತಿನ ಮೂಲಕ ಮಾಹಿತಿ ನೀಡಿದರು.