Sushant Singh: ಆಸ್ಟ್ರೇಲಿಯಾದ ಬೆಂಚ್ ಮೇಲೆ ಸುಶಾಂತ್​​ ಹೆಸರು! ಭಾವುಕ ಪೋಸ್ಟ್ ಶೇರ್​ ಮಾಡಿದ SSR ಸಹೋದರಿ!

ಫೋಟೋವನ್ನ ಇನ್​ಸ್ಟಾಗ್ರಾಂನಲ್ಲಿ ಶೇರ್​ ಮಾಡಿದ ಸುಶಾಂತ್​ ಸಿಂಗ್​ ರಜಪೂತ್​ ಸಹೋದರಿ ಶ್ವೇತಾ ಸಿಂಗ್​ ಕೀರ್ತಿ

ಬಾಲಿವುಡ್​ ನಟ ದಿವಂಗತ ಸುಶಾಂತ್​ ಸಿಂಗ್​ ರಜಪೂತ್​ ಸಹೋದರಿ ಶ್ವೇತಾ ಸಿಂಗ್​ ಕೀರ್ತಿ ಆಸ್ಟ್ರೇಲಿಯಾದಲ್ಲಿ ಸುಶಾಂತ್​ ಸಿಂಗ್​ ಸ್ಮರಣಾರ್ಥ ನಿರ್ಮಿಸಲಾದ ಬೆಂಚ್​ ಒಂದರ ಫೋಟೋವನ್ನ ಇನ್​ಸ್ಟಾಗ್ರಾಂನಲ್ಲಿ ಶೇರ್​ ಮಾಡಿದ್ದಾರೆ.

ಬೆಂಚ್​ ಮೇಲೆ ಅಂಟಿಸಲಾದ ನಾಮಫಲಕದಲ್ಲಿ ಸುಶಾಂತ್​​ ಸಿಂಗ್​(Sushant Singh Rajput)ರನ್ನ ಖಗೋಳ ವಿಜ್ಞಾನಿ, ಪರಿಸರ ಪ್ರಿಯ ಹಾಗೂ ಮಾನವೀಯ ಗುಣವುಳ್ಳ ವ್ಯಕ್ತಿ ಎಂದು ಬಣ್ಣಿಸಲಾಗಿದೆ.

ಈ ಫೋಟೋಗಳನ್ನ ಶೇರ್​ ಮಾಡಿರುವ ಶ್ವೇತಾ ಸಿಂಗ್(Shweta Sing)​, ಅವನು ಇನ್ನು ಜೀವಂತವಾಗಿದ್ದಾನೆ. ಆತನ ಹೆಸರು ಜೀವಂತವಾಗಿದೆ. ಆತನ ಕಂಪು ಇನ್ನೂ ಜೀವಂತವಾಗಿದೆ. ಇದು ಶುದ್ಧ ಆತ್ಮವಿರುವವರಿಗೆ ಸಿಗುವ ಫಲಶ್ರುತಿಯಾಗಿದೆ. ನೀವು ದೇವರ ಮಗು. ನೀನು ಎಂದಿಗೂ ಜೀವಂತವಾಗಿರುತ್ತೀಯಾ ಎಂದು ಶೀರ್ಷಿಕೆ ನೀಡಿದ್ದಾರೆ.

ಇತ್ತೀಚಿಗೆ ದಿವಂಗತ ನಟ ಸುಶಾಂತ್ ಸಿಂಗ್ ನಟನೆಯ 'ಚಿಚೋರೆ' ಸಿನಿಮಾ(Chhichhore Movie)ಗೆ 67ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯನ್ನ ಬೆಸ್ಟ್ ಹಿಂದಿ ಫಿಲ್ಮ್ ವಿಭಾಗದಲ್ಲಿ ಪ್ರಶಸ್ತಿ ಪಡೆದಿದೆ.

View this post on Instagram

A post shared by Shweta Singh kirti (SSK) (@shwetasinghkirti)

2020ರ ಜೂನ್ 14ರಂದು ಮುಂಬೈ(Mumbai)ನ ಬಾಂದ್ರಾ ಅಪಾರ್ಟ್ ಮೆಂಟ್ ನಲ್ಲಿ ಮೃತಪಟ್ಟ ಸ್ಥಿತಿಯಲ್ಲಿ ಕಂಡುಬರುವ ಮೊದಲು ಸುಶಾಂತ್ ಅಭಿನಯದ ಕೊನೆಯ ಚಿತ್ರ 'ಚಿಚೋರೆ'.

'ಚಿಚೋರೆ' ಚಿತ್ರವನ್ನು ನಿತೇಶ್ ತಿವಾರಿ ನಿರ್ದೇಶಿಸಿದ್ದು, ತಿವಾರಿ ಹಾಗೂ ಪಿಯೂಷ್ ಗುಪ್ತಾ ಹಾಗೂ ನಿಖಿಲ್ ಮೆಹ್ರೋತ್ರಾ ಚಿತ್ರಕಥೆ ಬರೆದಿದ್ದರು. ಚಿತ್ರದಲ್ಲಿ ಸುಶಾಂತ್ ಸಿಂಗ್ ರಜಪೂತ್, ಶ್ರದ್ಧಾ ಕಪೂರ್(Khraddha Kapoor), ವರುಣ್ ಶರ್ಮಾ, ತಾಹಿರ್ ರಾಜ್ ಭಾಸಿನ್, ನವೀನ್ ಪೊಲಿಶೆಟ್ಟಿ, ತುಷಾರ್ ಪಾಂಡೆ ಹಾಗೂ ಸಹರ್ಷ್ ಕುಮಾರ್ ಶುಕ್ಲಾ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು.