Indian Economy: IMF ನಂತರ, ವಿಶ್ವಬ್ಯಾಂಕಿನಿಂದಲೂ ಸಿಕ್ಕಿದೆ ಉತ್ತಮ ಸಂಕೇತ!

Indian Economy: ಇತ್ತೀಚೆಗೆ ಭಾರತೀಯ ಆರ್ಥಿಕತೆಯ ಕುರಿತು ಮಾತನಾಡಿರುವ ವಿಶ್ವಬ್ಯಾಂಕ್ ಅಧ್ಯಕ್ಷರು ಈಗ ಭಾರತದ ಆರ್ಥಿಕತೆಯು ಬಿಕ್ಕಟ್ಟಿನಿಂದ ಚೇತರಿಸಿಕೊಳ್ಳುವ ಸ್ಥಿತಿಯಲ್ಲಿದೆ ಮತ್ತು ವಿಶ್ವಬ್ಯಾಂಕ್ ಅದನ್ನು ಸ್ವಾಗತಿಸುತ್ತದೆ ಎಂದು ಹೇಳಿದರು.

Indian economy is recovering from Covid-19 crisis; World Bank

Indian Economy: ವಾಷಿಂಗ್ಟನ್:  ಕೋವಿಡ್ -19 ಸಾಂಕ್ರಾಮಿಕ ರೋಗದಿಂದ ತೀವ್ರವಾಗಿ ಹಾನಿಗೊಳಗಾದ ಭಾರತೀಯ ಆರ್ಥಿಕತೆಯು (Indian Economy) ಈಗ ಚೇತರಿಕೆಯ ಕ್ರಮದಲ್ಲಿದೆ ಮತ್ತು ವಿಶ್ವ ಬ್ಯಾಂಕ್ ಅದನ್ನು ಸ್ವಾಗತಿಸುತ್ತದೆ ಎಂದು ಅದರ ಅಧ್ಯಕ್ಷ ಡೇವಿಡ್ ಮಾಲ್ಪಾಸ್ ಬುಧವಾರ ಹೇಳಿದರು.

ಔಪಚಾರಿಕ ವಲಯದ ಆರ್ಥಿಕತೆಗೆ ಹೆಚ್ಚಿನ ಜನರನ್ನು ಸಂಯೋಜಿಸುವ ಮತ್ತು ಜನರ ಗಳಿಕೆಯನ್ನು ಹೆಚ್ಚಿಸುವ ದೊಡ್ಡ ಸವಾಲುಗಳನ್ನು ಎದುರಿಸುತ್ತಿರುವ ಭಾರತವು ಸ್ವಲ್ಪ ಪ್ರಗತಿ ಸಾಧಿಸಿದೆ ಆದರೆ ಅದು ಸಾಕಾಗುವುದಿಲ್ಲ ಎಂದು ವಿಶ್ವ ಬ್ಯಾಂಕ್ ಅಧ್ಯಕ್ಷ ಡೇವಿಡ್ ಮಾಲ್ಪಾಸ್ (World Bank president David Malpass) ಹೇಳಿದ್ದಾರೆ.

COVID ತರಂಗಗಳಿಂದ ಭಾರತೀಯರು ತೀವ್ರವಾಗಿ ತತ್ತರಿಸಿದ್ದಾರೆ ಮತ್ತು ಅದು ದುರದೃಷ್ಟಕರ. ಅವರು ಲಸಿಕೆಗಳ (Vaccine) ಬೃಹತ್ ಉತ್ಪಾದನೆಯೊಂದಿಗೆ ಪ್ರತಿಕ್ರಿಯಿಸಿದರು ಮತ್ತು ಲಸಿಕೆ ಪ್ರಯತ್ನದಲ್ಲಿ ಪ್ರಗತಿ ಕಂಡುಬಂದಿದೆ. ಆದರೆ ಭಾರತೀಯ ಆರ್ಥಿಕತೆಯ ಮೇಲೆ ಮತ್ತು ವಿಶೇಷವಾಗಿ ಭಾರತದ ಆರ್ಥಿಕತೆಯ ಅನೌಪಚಾರಿಕ ವಲಯದ ಮೇಲೆ ಕೋವಿಡ್ ಸಾಂಕ್ರಾಮಿಕದಿಂದ ಉಂಟಾದ ಹಾನಿಯ ಬಗ್ಗೆ ನಾವು ಗುರುತಿಸಬೇಕು ಎಂದು ವಿಶ್ವ ಬ್ಯಾಂಕ್ ಅಧ್ಯಕ್ಷರು ತಿಳಿಸಿದ್ದಾರೆ.

ಇದನ್ನೂ ಓದಿ- FD :ನೀವು ಎಫ್‌ಡಿಗಳಲ್ಲಿ ಹೂಡಿಕೆ ಮಾಡಿದ್ದೀರಾ? ಹಾಗಿದ್ರೆ ನಿಮಗಿಲ್ಲಿದೆ ಬ್ಯಾಡ ನ್ಯೂಸ್!

ಭಾರತವು ಹಣದುಬ್ಬರದಿಂದ ಪ್ರಭಾವಿತವಾಗುತ್ತಿದೆ:
ಕಳೆದ ವಾರ, ವಿಶ್ವಬ್ಯಾಂಕ್ (World Bank) ಭಾರತದ ಆರ್ಥಿಕತೆಯು ಈ ವರ್ಷ ಶೇಕಡಾ 8.3 ರಷ್ಟು ಬೆಳವಣಿಗೆಯಾಗಲಿದೆ ಎಂದು ಅಂದಾಜಿಸಿದೆ. ಭಾರತೀಯ ಆರ್ಥಿಕತೆಯು ಚೇತರಿಸಿಕೊಳ್ಳುತ್ತಿದೆ, ಮತ್ತು ನಾವು ಅದನ್ನು ಸ್ವಾಗತಿಸುತ್ತೇವೆ. ಇದು ಇತ್ತೀಚಿನ ತರಂಗವಾದ ಕೋವಿಡ್‌ನ ಇನ್ನೊಂದು ಬದಿಗೆ ಹೋಗುತ್ತಿದೆ. ಅದು ಒಳ್ಳೆಯ ಸಂಕೇತ. ಆದರೆ ಇತರ ದೇಶಗಳಂತೆ ಭಾರತವು ಈಗ ಪೂರೈಕೆ ಸರಪಳಿ ಅಡಚಣೆಯಿಂದ ಮತ್ತು ಪ್ರಪಂಚದಲ್ಲಿ ಹೆಚ್ಚುತ್ತಿರುವ ಹಣದುಬ್ಬರದಿಂದ ತೀವ್ರವಾಗಿ ತತ್ತರಿಸಿದೆ ಎಂದು ಮಾಲ್ಪಾಸ್ ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು.

ಭಾರತೀಯ ಆರ್ಥಿಕತೆಯಲ್ಲಿ (Indian Economy) ಪ್ರಗತಿ ಇದೆ ಎಂದು ನಾನು ಸಾಮಾನ್ಯ ಮಿಶ್ರ ದೃಷ್ಟಿಕೋನವನ್ನು ನೀಡುತ್ತಿದ್ದೇನೆ, ಆದರೆ ಅದು ಸಾಕಾಗುವುದಿಲ್ಲ. ಔಪಚಾರಿಕ ವಲಯದ ಆರ್ಥಿಕತೆಗೆ ಹೆಚ್ಚಿನ ಜನರನ್ನು ತಮ್ಮ ಆರ್ಥಿಕತೆಯಲ್ಲಿ ಸಂಯೋಜಿಸುವ ಮತ್ತು ಜನರ ಗಳಿಕೆಯನ್ನು ಹೆಚ್ಚಿಸುವ ದೊಡ್ಡ ಸವಾಲುಗಳನ್ನು ಭಾರತ ಎದುರಿಸುತ್ತಿದೆ. ಭಾರತ ಸರ್ಕಾರವು ಅದರ ಮೇಲೆ ಕೇಂದ್ರೀಕರಿಸಿದೆ ಎಂದು ಅವರು ಹೇಳಿದರು.

ಇದನ್ನೂ ಓದಿ-  Indian Economy: ಆರ್ಥಿಕತೆಯ ವಿಷಯದಲ್ಲಿ ಡ್ರ್ಯಾಗನ್ ಹಿಂದಿಕ್ಕಿದ ಭಾರತ

ಐಎಂಎಫ್ ಕೂಡ ಉತ್ತಮ ಸಂಕೇತಗಳನ್ನು ನೀಡಿದೆ:
ಮಂಗಳವಾರ, ಅಂತಾರಾಷ್ಟ್ರೀಯ ಹಣಕಾಸು ನಿಧಿ ( ಐಎಂಎಫ್ ) ಭಾರತೀಯ ಆರ್ಥಿಕತೆಗೆ ಶುಭ ಸುದ್ದಿ ನೀಡಿದೆ. ಭಾರತೀಯ ಆರ್ಥಿಕತೆಯ ಬೆಳವಣಿಗೆ ದರವು ಈ ವರ್ಷ 9.5 ಪ್ರತಿಶತದಷ್ಟು ಬೆಳೆಯಲಿದೆ ಎಂದು ಐಎಂಎಫ್ ಅಂದಾಜಿಸಿದೆ. ಇದರೊಂದಿಗೆ, ಮುಂದಿನ ವರ್ಷ ಅಂದರೆ 2022 ರಲ್ಲಿ ಬೆಳವಣಿಗೆ ದರವು 8.5 ಶೇಕಡಾ ದರದಲ್ಲಿ ಹೆಚ್ಚಾಗಬಹುದು ಎಂದು ಐಎಂಎಫ್ ಹೇಳಿದೆ. ಗಮನಾರ್ಹವಾಗಿ, ಕರೋನಾದಿಂದಾಗಿ, 2020-21ರ ಆರ್ಥಿಕ ವರ್ಷದಲ್ಲಿ ದೇಶದ ಆರ್ಥಿಕತೆಯಲ್ಲಿ 7.3% ಇಳಿಕೆಯಾಗಿದೆ.