ಹಾವೇರಿ: ಹಾವು ಅಂದ್ರೆ ಸಾಕು ಮಾರುದ್ದ ದೂರ ಓಡಿ ಹೋಗೋರೆ ಜಾಸ್ತಿ. ಆದರೆ ಕೆಲವು ಧೈರ್ಯಶಾಲಿಗಳು ಹಾವಿನ ಜೊತೆಗೂ ಆಟ ಆಡ್ತಾರೆ. ಆದರೆ ಹಾವೇರಿಯಲ್ಲಿ ಹೀಗೆ ಹಾವಿನ ಜೊತೆ ಆಟ ಆಡಲು ಹೋದವ ಆಸ್ಪತ್ರೆ ಸೇರಿದ್ದಾನೆ.
ಹೌದು, ಹಾವು (Snake) ಹಿಡಿಯಲು ಹೋದ ವ್ಯಕ್ತಿಗೆ ವಿಷ ನಾಗರ ಕಚ್ಚಿದೆ. ಹಾವೇರಿ (Haveri) ಜಿಲ್ಲೆಯ ಶಿಗ್ಗಾವಿ ತಾಲೂಕಿನ ತಡಸ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ವಿಷ ನಾಗರ ಕಚ್ಚಿದ ಪರಿಣಾಮ ಗಾಯಾಳು ಸಾವು-ಬದುಕಿನ ನಡುವೆ ಹೋರಾಡುವಂತಾಗಿದೆ.
ಇದನ್ನೂ ಓದಿ- Snake Viral Video: 3 ನಾಗರ ಹಾವುಗಳು ಒಟ್ಟಿಗೆ ಸೇರಿದಾಗ ಏನಾಗುತ್ತೆ, ಇಲ್ಲಿದೆ ವೈರಲ್ ವಿಡಿಯೋ
ರೊಚ್ಚಿಗೆದ್ದ ಹಾವು..!
ಅಂದಹಾಗೆ ತಡಸ ಗ್ರಾಮದ ಇಟ್ಟಿಗೆ ಗೂಡಿನಲ್ಲಿ ನಾಗರ ಹಾವು (Cobra) ಅಡಗಿ ಕುಳಿತಿತ್ತು. ವಿಷಯ ತಿಳಿದು ರಾಜು ಕೌದಿ ಎಂಬಾತ ಯಾವುದೇ ಮುನ್ನೆಚ್ಚರಿಕೆ ಇಲ್ಲದೆ ಹಾವು ಹಿಡಿಯಲು ಹೋಗಿದ್ದ. ಈ ವೇಳೆ ಕೋಲಿನಿಂದ ತಿವಿದು ಹಾವನ್ನು ರೊಚ್ಚಿಗೆಬ್ಬಿಸಿ ಹಲ್ಲೆ ಮಾಡಿದ್ದ. ಹೀಗೆ ನಾಗರ ಹಾವಿಗೆ ಸಿಟ್ಟು ತರಿಸಿ ಹಾವಿನ ತಲೆಗೆ ಕೈ ಹಾಕಿದಾಗ 'ನಾಗಪ್ಪ' ಕುಟುಕಿದ್ದಾನೆ ಎಂದು ಸ್ಥಳೀಯರು ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ- ನದಿಯ ತಟದಲ್ಲಿತ್ತು 100 ಅಡಿ ಉದ್ದದ ದೈತ್ಯ ಹಾವು, ಇಲ್ಲಿದೆ ಎದೆ ಝಲ್ಲೆನಿಸುವ ವಿಡಿಯೋ
ಕೂಡಲೇ ಸ್ಥಳೀಯರ ನೆರವಿನಿಂದ ಗಾಯಾಳು ರಾಜು ಕೌದಿಯನ್ನ (Raju Koudi) ಹುಬ್ಬಳ್ಳಿಯ ಕೀಮ್ಸ್ ಗೆ ದಾಖಲಿಸಲಾಗಿದ್ದು, ಚಿಕಿತ್ಸೆ ಮುಂದುವರಿದಿದೆ. ಹೀಗೆ ನಾಗರ ಹಾವಿನಿಂದ ಕಚ್ಚಿಸಿಕೊಂಡಿರುವ ರಾಜು ಈಗ ಆಸ್ಪತ್ರೆಯಲ್ಲಿ ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದಾನೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
