വേദ ജ്യോതിഷത്തിൽ, ശുക്രനെ സന്തോഷത്തിന്റെയും ആഡംബരത്തിന്റെയും ഒക്കെ ഘടകമായി കണക്കാക്കുന്നു. ശുക്രൻ ജൂലൈ 7 ന് സൂര്യന്റെ രാശിയായ ചിങ്ങം രാശിയിൽ പ്രവേശിക്കുന്നു. തുടർന്ന് ഓഗസ്റ്റ് 7 ന് പിന്നോക്കാവസ്ഥയിൽ വീണ്ടും കർക്കടക രാശിയിലേക്ക് വരികയും ചെയ്യും. ചിങ്ങത്തിലെ ശുക്രന്റെ ഈ സംക്രമ സമയത്ത് 3 രാശിക്കാർ വളരെ ശ്രദ്ധിക്കേണ്ടതുണ്ട്. ഏതൊക്കെയാണ് ആ 3 രാശികൾ എന്ന് നോക്കാം.
കന്നി - ശുക്രന്റെ സംക്രമണം നിങ്ങളുടെ പന്ത്രണ്ടാം ഭാവത്തിൽ ആയിരിക്കും. കന്നി രാശിക്കാർക്ക് ശുക്രന്റെ സംക്രമം മൂലം അപ്രതീക്ഷിത ചെലവുകൾ നേരിടേണ്ടി വന്നേക്കാം. ഈ സമയത്ത്, നിങ്ങളുടെ ഭൗതിക സൗകര്യങ്ങളുടെ വർദ്ധനവിനായി നിങ്ങൾ ധാരാളം പണം ചെലവഴിക്കും. അതിനാൽ സമ്പത്ത് കുറഞ്ഞേക്കാം. ഈ സമയത്ത് നിങ്ങളുടെ ഭാഗ്യം അൽപ്പം ദുർബലമായിരിക്കും. ഈ സമയത്ത്, സ്ത്രീകൾ അവരുടെ ആരോഗ്യത്തെക്കുറിച്ച് അൽപ്പം ശ്രദ്ധിക്കേണ്ടതുണ്ട്. നിങ്ങളുടെ കോപം നിയന്ത്രിക്കേണ്ടിവരും. പ്രമേഹ രോഗികൾ കൂടുതൽ ജാഗ്രത പാലിക്കണം. ഈ സമയത്ത് നിങ്ങളുടെ കുടുംബത്തിലെ ഏതൊരു അംഗത്തിനും വിലപ്പെട്ട സമ്മാനം നൽകാം. നിങ്ങളുടെ പിതാവിനോടും ഗുരുക്കന്മാരോടും ഒരു തരത്തിലുള്ള അഭിപ്രായവ്യത്യാസവും വരാതെ നോക്കണം.
Also Read: Shukra-Mangal Yuti: ഈ 3 രാശിക്കാർക്ക് ലഭിക്കും ധനലാഭവും വൻ പുരോഗതിയും!
മകരം - മകരം രാശിക്കാർക്ക് ശുക്രൻ എട്ടാം ഭാവത്തിൽ സഞ്ചരിക്കും. ശുക്രന്റെ ഈ സംക്രമം മൂലം മകരം രാശിക്കാർക്ക് പഠനത്തിൽ തടസ്സങ്ങൾ നേരിടാം. ഈ സമയത്ത്, സർക്കാർ ജോലിക്ക് തയ്യാറെടുക്കുന്ന ആളുകൾക്ക് പ്രതികൂല ഫലങ്ങൾ ലഭിക്കാൻ സാധ്യതയുണ്ട്. ജോലിസ്ഥലത്തും സമയം നിങ്ങൾക്ക് അനുകൂലമാണെന്ന് പറയാനാവില്ല. ഈ സമയത്ത് നിങ്ങളുടെ സ്ത്രീ സഹപ്രവർത്തകരുമായുള്ള അഭിപ്രായവ്യത്യാസങ്ങൾ വർദ്ധിച്ചേക്കാം. ഈ സമയത്ത്, നിങ്ങളുടെ സംസാരം വളരെ സമതുലിതമായി ഉപയോഗിക്കുക. കയ്പേറിയ വാക്കുകൾ ഉപയോഗിക്കാതിരിക്കാൻ ശ്രമിക്കുക. ദാമ്പത്യ ജീവിതത്തിൽ ചില പിരിമുറുക്കങ്ങളുണ്ടായേക്കാം.
മീനം - ശുക്രൻ ഇപ്പോൾ നിങ്ങളുടെ ആറാമത്തെ ഭവനത്തിലൂടെ അതായത് ശത്രുസ്ഥാനത്തിലൂടെ സഞ്ചരിക്കും. ശുക്രന്റെ ഈ സംക്രമം കാരണം, ഈ സമയത്ത് നിങ്ങളുടെ സഹോദരങ്ങളുമായി തർക്കമുണ്ടാകാം. കുടുംബ സ്വത്തുമായി ബന്ധപ്പെട്ട് എന്തെങ്കിലും തർക്കമുണ്ടെങ്കിൽ അത് കോടതിക്ക് പുറത്ത് പരിഹരിക്കാൻ ശ്രമിക്കുക. വിഷയം കോടതിയിൽ പോയാൽ വരും കാലങ്ങളിൽ നിങ്ങൾക്ക് പ്രശ്‌നങ്ങൾ ഉണ്ടായേക്കാം. ഈ സമയത്ത്, മീനം രാശിക്കാർ അവരുടെ ആരോഗ്യകാര്യത്തിലും ശ്രദ്ധിക്കേണ്ടതുണ്ട്. ഉദര സംബന്ധമായ അസുഖങ്ങൾ ഉണ്ടെങ്കിൽ തീർച്ചയായും ഡോക്ടറെ കാണുക. ജോലിയിൽ പോലും നിങ്ങൾക്ക് അനുകൂലമായ ഫലങ്ങൾ ലഭിക്കില്ല. ജോലി മാറണമെങ്കിൽ ഈ സമയം അനുകൂലമല്ല. ഇറക്കുമതി-കയറ്റുമതിയുമായി ബന്ധപ്പെട്ട ബിസിനസ്സ് വിഭാഗത്തിനും പണത്തിന്റെ ക്ഷാമം നേരിടേണ്ടി വന്നേക്കാം.
(Disclaimer: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്)
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
