എല്ലാവർക്കും അവരുടെ ഡയറ്റിൽ ഉൾപ്പെടുത്താൻ കഴിയുന്ന ഒന്നാണ് വാഴപ്പഴം. ശരീരത്തിന് ഊർജം നൽകാൻ സഹായിക്കുന്നവയാണ് വാഴപ്പഴം. ഏറെ ആരോഗ്യ ഗുണങ്ങൾ അടങ്ങിയ വാഴപ്പഴം ദിവസവും കഴിക്കാവുന്നതാണ്. വാഴപ്പഴത്തിൽ ധാരാളം പോഷകഗുണങ്ങൾ അടങ്ങിയിട്ടുണ്ട്. പോഷകമൂല്യം ഉണ്ടെങ്കിലും കാർബോഹൈഡ്രേറ്റും ഉയർന്ന അളവിൽ പഞ്ചസാര അടങ്ങിയതുമാണ് വാഴപ്പഴം. ഈ രണ്ട് കാരണങ്ങളാൽ, വാഴപ്പഴം കഴിച്ചാൽ ശരീരഭാരം വർധിക്കുമെന്ന് കണക്കാക്കപ്പെടുന്നു. എന്നാൽ അതൊരു മിഥ്യയാണോ? വാഴപ്പഴം കഴിച്ചാൽ ശരീരഭാരം കൂടും എന്ന് പറയുന്നതിലെ വസ്തുതയെന്ത് എന്നത് ആർക്കും അറിവുണ്ടാകില്ല. കാരണം ചിലർ പറയുന്നത് വാഴപ്പഴം കഴിക്കുന്നത് ശരീരഭാരം കുറയ്ക്കാൻ സഹായിക്കുമെന്നാണ്.
ശരീരഭാരം കുറയ്ക്കാൻ വാഴപ്പഴം: മിഥ്യയോ സത്യമോ?
വാഴപ്പഴം കഴിക്കുന്നത് ശരീരഭാരം കുറയ്ക്കാൻ സഹായിക്കുന്നുവെന്നാണ് വിദഗ്ധ പോഷകാഹാര വിദഗ്ധരുടെ അഭിപ്രായം. കാർബോഹൈഡ്രേറ്റുകളാൽ സമ്പുഷ്ടമാണ് വാഴപ്പഴം എന്നത് ശരിയാണ്. എന്നാൽ അവ ശരീരത്തിന് ആവശ്യമായ നല്ല കാർബോഹൈഡ്രേറ്റുകളാണ്. ആരോഗ്യം മെച്ചപ്പെടുത്തുന്നതിന് നല്ല കാർബോഹൈഡ്രേറ്റുകൾ വളരെ അത്യാവശ്യമാണ്. വാഴപ്പഴത്തിലെ നല്ല കാർബോഹൈഡ്രേറ്റുകൾ പ്രതിരോധശേഷിയുള്ള അന്നജം, നാരുകൾ എന്നിവയിൽ നിന്നാണ് വരുന്നത്. അത് കൊണ്ട് തന്നെ വാഴപ്പഴം കഴിച്ചാൽ ദീർഘനേരത്തേക്ക് നിങ്ങൾക്ക് വിശപ്പുണ്ടാകില്ല. വയർ നിറഞ്ഞിരിക്കും. ഇത് വിശപ്പും ആസക്തിയും നിയന്ത്രിക്കും. പോഷകാഹാരം കുറഞ്ഞ ജങ്ക് ഫുഡ് കഴിക്കുന്നതിനുപകരം, ഒരു വാഴപ്പഴം കഴിച്ചാൽ അത് വളരെയധികം ആരോഗ്യകരവും ശരീരഭാരം കുറയ്ക്കാൻ സഹായിക്കുകയും ചെയ്യും. അമിതമായി ഭക്ഷണം കഴിക്കുന്നത് പോലുള്ള ശീലങ്ങൾ തടയാനും ഇതിന് കഴിയും.
Also Read: Belly fat: കുടവയർ ഒതുക്കണോ? ഈ നാടൻ പാനീയം ഒന്ന് പരീക്ഷിച്ച് നോക്കൂ!
മധുരത്തോടുള്ള ആസക്തി കുറയ്ക്കാനും വാഴപ്പഴം സഹായിക്കും. നമ്മുടെ ഭക്ഷണത്തിൽ ചേർക്കാൻ കഴിയുന്ന ഏറ്റവും സംതൃപ്തമായ പഴങ്ങളിൽ ഒന്നാണ് ഇവ. ഇതിൽ മഗ്നീഷ്യം, പൊട്ടാസ്യം, വിറ്റാമിൻ സി, ധാതുക്കൾ തുടങ്ങിയ പോഷകങ്ങളും അടങ്ങിയിട്ടുണ്ട്. ഇവയെല്ലാം നമ്മുടെ ശരീരത്തിന് വളരെ പ്രധാനമാണ്. എല്ലാ ദിവസവും കഴിക്കാൻ സാധിക്കുന്ന ഏറ്റവും അനുയോജ്യമായ ലഘുഭക്ഷണമാണ് വാഴപ്പഴം.
വയറിലെ കൊഴുപ്പ് കുറയ്ക്കാൻ സഹായിക്കും
കൊഴുപ്പ് അടിഞ്ഞുകൂടുന്നതിനും അരക്കെട്ടിന് ചുറ്റും വീർക്കുന്നതിനുമുള്ള പ്രധാന കാരണങ്ങളിലൊന്നാണ് വെള്ളം നിലനിർത്തുന്നത്. വാഴപ്പഴത്തിൽ പൊട്ടാസ്യം ധാരാളമായി അടങ്ങിയിട്ടുണ്ട്. ഇത് വെള്ളം നിലനിർത്തുന്നത് കുറയ്ക്കാൻ സഹായിക്കുന്നു. കൂടാതെ, വാഴപ്പഴത്തിലെ പ്രതിരോധശേഷിയുള്ള അന്നജം കാർബോഹൈഡ്രേറ്റുകൾ ശരീരം ആഗിരണം ചെയ്യുന്നത് തടയുന്നു. ഉയർന്ന അളവിൽ ഫൈബർ അടങ്ങിയിരിക്കുന്ന ദഹനം എളുപ്പമാക്കുന്നു. അതിലൂടെ വയറിലെ കൊഴുപ്പ് കുറയ്ക്കുന്നു.
ദിവസവും എത്ര വാഴപ്പഴം കഴിക്കണം?
വാഴപ്പഴം ആരോഗ്യത്തിന് നല്ലതാണെങ്കിലും അതിൽ ധാരാളം കാർബോഹൈഡ്രേറ്റുകളും പഞ്ചസാരയും അടങ്ങിയിട്ടുണ്ടെന്നുള്ളത് ഓർമ്മിക്കുക. ദിവസേനയുള്ള ഡയറ്റിൽ ഇവ ഉൾപ്പെടുത്തുന്നുവെങ്കിൽ അത് മിതമായി കഴിക്കാൻ ശ്രദ്ധിക്കണം. ഒരു ദിവസം ഒന്നോ രണ്ടോ വാഴപ്പഴം കഴിക്കുന്നതാണ് ഏറ്റവും നല്ലത്. ശരീരഭാരം കുറയ്ക്കാൻ ശ്രമിക്കുന്നയാളാണ് നിങ്ങളെങ്കിൽ ദിവസവും വാഴപ്പഴം കഴിക്കുന്നത് നല്ല ഒരു ഓപ്ഷനാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
