Dubai: ദുബായില്‍ വിമാനങ്ങള്‍ ലാന്‍ഡ് ചെയ്യുന്നതിന് 2 ദിവസം നിയന്ത്രണം

ദുബായിൽ വിമാനങ്ങൾ ലാൻഡ് ചെയ്യുന്നതിന് രണ്ടുദിവസം നിയന്ത്രണം ഏർപ്പെടുത്തി. ഇന്ന് വെള്ളിയാഴ്ച ഉച്ചയ്ക്ക് 12 മണി മുതൽ ആരംഭിക്കുന്ന നിയന്ത്രണം ഏപ്രിൽ 21 ഞായറാഴ്ച ഉച്ചയ്ക്ക് 12 മണി വരെ നീണ്ടുനിൽക്കും. മഴ കാരണം ഉണ്ടായ പ്രശ്നങ്ങൾ പരിഹരിക്കുന്നതിന്റെ ഭാഗമായാണ് നിയന്ത്രണം ഏർപ്പെടുത്തിയിരിക്കുന്നത്. എന്നാൽ ഈ 48 മണിക്കൂറിലെ നിയന്ത്രണം വിമാനങ്ങൾ പുറപ്പെടുന്നതിന് തടസ്സമാകില്ല. എയർ ഇന്ത്യ ദുബായ് സർവീസുകളും റദ്ധാക്കിയിട്ടുണ്ട്.

എയർ ഇന്ത്യ എക്സ്പ്രസ്സ് സർവീസുകളുടെ നിയന്ത്രണം ബാധിച്ചേക്കില്ല. ഈ മാസം 21 വരെ ടിക്കറ്റ് എടുത്തവർക്ക് മാറ്റി നൽകുന്നതായിരിക്കും. കേരളത്തിൽ കൊച്ചിയിൽ നിന്ന് മാത്രമാണ് എയർ ഇന്ത്യ ദുബായ് സർവീസ് നടത്തുന്നത് സ്പൈസ് ജെറ്റ് ദുബായ് സർവീസുകൾഫുജൈറയിലേക്ക് മാറ്റിയിട്ടുണ്ട്. ഡൽഹി അഹമ്മദാബാദ് പോകുന്നതിനു മുമ്പേ വിമാനങ്ങൾ ദുബായിക്ക് പകരം ഫുജൈറ വഴിയാകും.

അതേസമയം ദുബായ് വഴിയുള്ള വിമാനയാത്ര ഇന്ത്യക്കാർ മാറ്റിവയ്ക്കണമെന്ന് യുഎഇ ഇന്ത്യൻ എംബസി അറിയിച്ചു. ദുബായ് വിമാനത്താവളത്തിൽ കുടുങ്ങിയവർക്ക് ഇന്ത്യൻ എംബസിയുടെ സഹായത്തിന് വിളിക്കാം. ഫോൺ 00971 50 1205172, 0097156 9950590, 00971 50 7347676, 00971 58 5754213.