close

News WrapGet Handpicked Stories from our editors directly to your mailbox

'കാവൽക്കാരൻ കള്ളൻ' പരാമർശത്തില്‍ രാഹുല്‍ ഗാന്ധിക്ക് കോടതി അലക്ഷ്യ നോട്ടീസ്

റാഫേല്‍ വിവാദത്തില്‍ ബിജെപി നല്‍കിയ കോടതി അലക്ഷ്യ ഹര്‍ജിയില്‍ രാഹുല്‍ ഗാന്ധിക്കെതിരെ സുപ്രീംകോടതി നോട്ടീസ്. കാവൽക്കാരൻ കള്ളൻ തന്നെയെന്ന്​ സുപ്രീംകോടതി കണ്ടെത്തിയെന്നായിരുന്നു രാഹുൽ ഗാന്ധിയുടെ വിവാദ പരാമർശം.

Updated: Apr 15, 2019, 01:54 PM IST
'കാവൽക്കാരൻ കള്ളൻ' പരാമർശത്തില്‍ രാഹുല്‍ ഗാന്ധിക്ക് കോടതി അലക്ഷ്യ നോട്ടീസ്

ന്യൂഡല്‍ഹി: റാഫേല്‍ വിവാദത്തില്‍ ബിജെപി നല്‍കിയ കോടതി അലക്ഷ്യ ഹര്‍ജിയില്‍ രാഹുല്‍ ഗാന്ധിക്കെതിരെ സുപ്രീംകോടതി നോട്ടീസ്. കാവൽക്കാരൻ കള്ളൻ തന്നെയെന്ന്​ സുപ്രീംകോടതി കണ്ടെത്തിയെന്നായിരുന്നു രാഹുൽ ഗാന്ധിയുടെ വിവാദ പരാമർശം.

സുപ്രീംകോടതി നോട്ടീസ് അനുസരിച്ച് ഏപ്രില്‍ 22ന് മുമ്പ് രാഹുല്‍ മറുപടി നല്‍കണം. ഏപ്രില്‍ 22നാണ് വീണ്ടും ഹര്‍ജി പരിഗണിക്കുക. രാ​ഹു​ല്‍ പ​റ​ഞ്ഞ ത​ര​ത്തി​ല്‍ ഒ​രു പ​രാ​മ​ര്‍​ശം കോ​ട​തി ന​ട​ത്തി​യി​ട്ടി​ല്ലെ​ന്നും രേ​ഖ​ക​ള്‍ പ​രി​ശോ​ധി​ക്ക​ണോ എ​ന്ന കാ​ര്യ​ത്തി​ല്‍ തീ​രു​മാ​ന​മെ​ടു​ക്കു​ക മാ​ത്ര​മാ​ണു ചെ​യ്ത​തെ​ന്നും ചീ​ഫ് ജ​സ്റ്റീ​സ് വ്യ​ക്ത​മാ​ക്കി. 

റാഫേല്‍ യു​ദ്ധ​വി​മാ​ന ഇ​ട​പാ​ട് സം​ബ​ന്ധി​ച്ച്‌ ക​ഴി​ഞ്ഞ ദി​വ​സം സു​പ്രീംകോ​ട​തി പു​റ​പ്പെ​ടു​വി​ച്ച വി​ധി തെ​റ്റാ​യി ഉ​പ​യോ​ഗി​ച്ചു എ​ന്നു ചൂ​ണ്ടി​ക്കാ​ട്ടി ബി​ജെ​പി നേ​താ​വ് മീ​നാ​ക്ഷി ലേ​ഖി സ​മ​ര്‍​പ്പി​ച്ച ഹ​ര്‍​ജി​യി​ലാ​ണ് രാഹുല്‍ ഗാന്ധിയില്‍ നിന്നും വി​ശ​ദീക​ര​ണം തേ​ടാ​ന്‍ ചീ​ഫ് ജ​സ്റ്റീ​സ് ര​ഞ്ജ​ന്‍ ഗോ​ഗോയ് അദ്ധ്യക്ഷനായ ബെ​ഞ്ച് നി​ര്‍​ദേ​ശി​ച്ച​ത്. 

കാവൽക്കാരൻ കള്ളൻ തന്നെയെന്ന്​ സുപ്രീംകോടതി കണ്ടെത്തിയെന്നായിരുന്നു രാഹുൽ ഗാന്ധിയുടെ വിവാദ പരാമർശം. ബി.ജെ.പി എം.പി മീനാക്ഷി ലേഖിയാണ് ഇതിനു എതിരെ കോടതിയെ സമീപിച്ചത്. പറയാത്ത കാര്യം രാഹുൽ കോടതിയുടെ പേരിൽ കെട്ടി വയ്ക്കുന്നതായി മീനാക്ഷി ലേഖിയ്ക്ക് വേണ്ടി ഹാജരായ അഭിഭാഷകൻ മുകുൾ റോത്തഗി ചൂണ്ടിക്കാട്ടി. പ്രധാനമന്ത്രിക്ക് എതിരെ സുപ്രീം കോടതി പരാമർശമൊന്നും നടത്തിയിട്ടില്ലെന്ന് ചീഫ് ജസ്റ്റിസ് പറഞ്ഞു. പിന്നെ ഏതു സാഹചര്യത്തിലാണ് പ്രസംഗമെന്നു രാഹുൽ വിശദീകരിക്കണമെന്നും കോടതി നിര്‍ദ്ദേശിച്ചു.