രാജ്യത്തെ 5 സംസ്ഥാനങ്ങളിലെ നിയമസഭാ തിരഞ്ഞെടുപ്പുകളുടെ എക്സിറ്റ് പോൾ ഫലങ്ങൾ പുറത്തുവന്നു. രാജസ്ഥാൻ, മധ്യപ്രദേശ്, ഛത്തീസ്ഗഡ്, തെലങ്കാന, മിസോറാം എന്നീ സംസ്ഥാനങ്ങളിലെ പോരാട്ടച്ചൂടാറും മുമ്പേ എത്തിയ ഈ ഫലങ്ങൾ മുന്നണികളിൽ ചിലർക്ക് നെഞ്ചിടിപ്പ് കൂട്ടുകയും മറ്റു ചിലർക്ക് ആശ്വാസം നൽകുകയും ചെയ്തു. ഞായറാഴ്ച നടക്കാനിരിക്കുന്ന വോട്ടെണ്ണലിന് മുമ്പ്, പാർട്ടികൾക്ക് കിട്ടാൻ സാധ്യതയുള്ള സീറ്റുകളുടെ കണക്കാണ് സർവ്വേകൾ സൂചിപ്പിക്കുന്നത്. അതേസമയം ഇതുവരെയുള്ള എക്സിറ്റ് പോൾ പ്രവചനങ്ങൾ ശരിയായിരുന്നോ..? ഇതിലെ കൃത്യത എത്രയെന്ന് പരിശോധിക്കാം.
എന്താണ് എക്സിറ്റ് പോളുകൾ
വോട്ടെടുപ്പ് അവസാനിച്ചയുടനെ നടത്തുന്നതാണ് എക്സിറ്റ് പോൾ. വോട്ട് ചെയ്തതിന് ശേഷം വോട്ടർമാർ അവരുടെ ബൂത്തിൽ നിന്ന് പുറത്തുപോകുമ്പോൾ, വിവിധ ചാനലുകൾ ആർക്കാണ് വോട്ട് ചെയ്തതെന്ന് അവരോട് ചോദിക്കുന്നു. വ്യത്യസ്‌ത ബൂത്തുകളിൽ നിന്ന് ശേഖരിച്ച ഉത്തരങ്ങളുടെ ഒരു സർവേ നടത്തുന്നു, ഫലം സാധാരണയായി ഏത് പാർട്ടിക്ക് ഭൂരിപക്ഷം ലഭിക്കുമെന്നോ അല്ലെങ്കിൽ ഏതെങ്കിലും പാർട്ടിക്ക് സർക്കാർ രൂപീകരിക്കാൻ ഭൂരിപക്ഷം ലഭിക്കുമോയെന്നോ സൂചിപ്പിക്കുന്നു. ഇന്ത്യയിൽ നിരവധി സംഘടനകൾ എക്സിറ്റ് പോളുകൾ നടത്തുന്നുണ്ട്. എക്സിറ്റ് പോൾ ഫലങ്ങൾ ഒരു തിരഞ്ഞെടുപ്പിന്റെ ശരിയായ ഫലം പ്രവചിക്കുന്നവയാണ് എന്ന് തീർത്ത് പറയാൻ സാധിക്കില്ല എന്നതാണ് യാഥാർത്ഥ്യം. ചിലപ്പോൾ ശരിയാകാം, എന്നാൽ മറ്റ് ചില സാഹചര്യങ്ങളിൽ എക്സിറ്റ് പോൾ ഫലങ്ങൾ എല്ലാം കാറ്റിൽ പറത്തുന്ന ഫലമാണ് യഥാർത്ഥ വോട്ടെണ്ണലിന് ശേഷം എത്തുക.
ALSO READ: താഴ്വരയുടെ മനസ്സെങ്ങോട്ട്..? മിസോറാമിൽ എംഎൻഎഫിനെ ഞെട്ടിച്ചോ സോറം പീപ്പിൾസ്..!
എക്സിറ്റ് പോളുകളും അഭിപ്രായ പോളുകളും തമ്മിലുള്ള വ്യത്യാസം എന്താണ്?
എക്സിറ്റ് പോളിൽ, ഒരു വോട്ടറോട് താൻ ഏത് പാർട്ടിക്ക് അല്ലെങ്കിൽ സ്ഥാനാർത്ഥിക്കാണ് വോട്ട് ചെയ്തുവെന്ന് നേരിട്ട് ചോദിക്കുന്നു, അതേസമയം ഒരു അഭിപ്രായ വോട്ടെടുപ്പിൽ, ഏത് സ്ഥാനാർത്ഥിക്ക് അല്ലെങ്കിൽ പാർട്ടിക്കാണ് വോട്ട് ചെയ്യാൻ ഉദ്ദേശിക്കുന്നതെന്ന് വോട്ടറോട് ചോദിക്കുന്നു.
എക്സിറ്റ് പോളുകൾ വിശ്വസനീയമാണോ?
2014ൽ ലോക്‌സഭാ തെരഞ്ഞെടുപ്പിൽ ബിജെപി പൂർണ്ണ ഭൂരിപക്ഷം നേടിയപ്പോൾ മിക്ക എക്സിറ്റ് പോളുകളും കൃത്യമായ കണക്കുകൾ നൽകിയിരുന്നു. എക്സിറ്റ് പോൾ ഫലങ്ങൾ എല്ലായ്‌പ്പോഴും കൃത്യമാകണമെന്നില്ല. 2004ൽ ബിജെപിയുടെ നേതൃത്വത്തിലുള്ള എൻഡിഎ സഖ്യം വീണ്ടും അധികാരത്തിലെത്തുമെന്ന് എക്സിറ്റ് പോളുകൾ പറഞ്ഞിരുന്നുവെങ്കിലും ആത്യന്തികമായി സർക്കാർ രൂപീകരിച്ചത് കോൺഗ്രസാണ്. 2009ലും തെരഞ്ഞെടുപ്പിൽ ട്രെൻഡുകൾ തെറ്റി. ഇത് വോട്ടർമാർ നൽകുന്ന പ്രതികരണങ്ങളെ ആശ്രയിച്ചിരിക്കുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
