തിരുവനന്തപുരം: ഭരണത്തില് തുടര്ന്ന കഴിഞ്ഞ മൂന്നു വര്ഷങ്ങള് കൊണ്ട് പ്രധാനമന്ത്രി നരേന്ദ്രമോദിയിലുള്ള വിശ്വാസം ജനങ്ങള്ക്ക് നഷ്ടപ്പെട്ടുവെന്ന് പുതിയ കോണ്ഗ്രസ് അധ്യക്ഷന് രാഹുല്ഗാന്ധി. പ്രതിപക്ഷ നേതാവ് രമേശ് ചെന്നിത്തല നയിച്ച 'പടയൊരുക്ക'ത്തിന്റെ സമാപന സമ്മേളനത്തില് സംസാരിക്കവേയായിരുന്നു രാഹുലിന്റെ അഭിപ്രായ പ്രകടനം.
മോദിയില് ജനങ്ങള്ക്ക് വളരെയധികം പ്രതീക്ഷയുണ്ടായിരുന്നു. എന്നാല് കഴിഞ്ഞ മൂന്ന് വര്ഷത്തെ പ്രവര്ത്തനത്തിലൂടെ ജനങ്ങളുടെ പ്രതീക്ഷയെല്ലാം അദ്ദേഹം നഷ്ടപ്പെടുത്തി. കേരളത്തിലെ സര്ക്കാരിനും ജനങ്ങളുടെ പ്രതീക്ഷയ്ക്കൊത്ത് ഉയരാന് കഴിയുന്നില്ല.
ഓഖി ദുരന്തത്തിന് ഇരയായ ജനങ്ങളുടെ പരാതികള് താന് കേട്ടു. വിഷയം പാര്ലമെന്റില് ഉന്നയിച്ച് ജനങ്ങളുടെ ദുരിതത്തിന് പരിഹാരം കണ്ടെത്താന് ശ്രമിക്കുമെന്ന് അദ്ദേഹം പറഞ്ഞു. കോണ്ഗ്രസിലാണ് സംസ്ഥാനത്തെ ജനങ്ങള് പ്രതീക്ഷയര്പ്പിക്കുന്നത്.
അസുഖംമൂലം 'പടയൊരുക്ക'ത്തിന്റെ സമാപന സമ്മേളനത്തില് പങ്കെടുക്കാന് കഴിയാതെപോയ മുതിര്ന്ന കോണ്ഗ്രസ് നേതാവ് എ.കെ ആന്റണിക്ക് വേഗം സുഖം പ്രാപിക്കാന് കഴിയട്ടെയെന്ന് ആശംസിക്കുന്നുവെന്നും രാഹുല് പറഞ്ഞു.