 "VD Satheesan: അധികാരത്തിൽ കടിച്ച് തൂങ്ങാൻ നാണമില്ലേ? അന്വേഷണം വെറും പുകമറ സൃഷ്ടിക്കാൻ; മുഖ്യമന്ത്രിക്കെതിരെ പ്രതിപക്ഷ നേതാവ്")
)
മുഖ്യമന്ത്രിയെ രൂക്ഷമായി വിമര്ശിച്ച് പ്രതിപക്ഷ നേതാവ് വി.ഡി സതീശന്. മുഖ്യമന്ത്രിയുടെ ഓഫീസിന് നേരെ വരുന്ന ആരോപണങ്ങള് കേരളത്തിന് അപമാനമാണെന്ന് അദ്ദേഹം പറഞ്ഞു. ഗുരുതര ആരോപണങ്ങള് ഉയര്ന്നിട്ടും അധികാരത്തില് കടിച്ച് തൂങ്ങാന് നാണമില്ലെയെന്ന് ചോദിച്ച പ്രതിപക്ഷ നേതാവ് അന്വേഷണം സിബിഐക്ക് വിട്ട് മുഖ്യമന്ത്രി രാജി വയ്ക്കണമെന്നും ആവശ്യപ്പെട്ടു.
ഇപ്പോൾ പുറത്ത് വന്നിരിക്കുന്നത് മഞ്ഞുമലയുടെ അറ്റം മാത്രമാണെന്നും ഇനിയും ഗുരുതരമായ കുറ്റകൃത്യങ്ങളാണ് ഇവർ ചെയ്തിരിക്കുന്നതെന്നും വിഡി സതീശൻ പറഞ്ഞു. ഇത്രയും ഗുരുതര ആരോപണം ഉയര്ന്നിട്ടും പാര്ട്ടിയിലുള്ളവരൊക്കെ മുഖ്യമന്ത്രിയെ ഭയന്നു കഴിയുകയാണെന്നും അദ്ദേഹം കൂട്ടിച്ചേർത്തു.
''ആഭ്യന്തര വകുപ്പിന്റെ ചുമതലയുള്ള മുഖ്യമന്ത്രിയുടെ ഓഫീസാണ് ആരോപണത്തിന്റെ കേന്ദ്ര ബിന്ദു. ഒന്നാം പിണറായി സര്ക്കാരിന്റെ കാലത്ത് മുഖ്യമന്ത്രിയുടെ ഓഫീസിനെതിരെ ഗുരുതര ആരോപണം ഉയര്ന്നിരുന്നു. അതിന്റെ പേരില് മുഖ്യമന്ത്രിയുടെ പ്രിന്സിപ്പല് സെക്രട്ടറി ജയിലില് കിടന്നു. കൊലപാതകം, കൊള്ള, അഴിമതി, സ്വത്ത് സമ്പാദനം, സ്വര്ണക്കള്ളക്കടത്ത്, സ്വര്ണം പൊട്ടിക്കല് തുടങ്ങി ഞെട്ടിക്കുന്ന ആരോപണങ്ങളാണ് മുഖ്യമന്ത്രിയുടെ ഓഫീസിന് നേരെ ഉയര്ന്നിരിക്കുന്നത്. കേരള സര്ക്കാര് രാജ്യത്തിന് തന്നെ അപമാനമായിരിക്കുകയാണ്.
ആരോപണങ്ങള് ഉയര്ന്നിരിക്കുന്നത് ക്രമ സമാധാനചുമതലയുള്ള എഡിജിപിക്ക് നേരെയാണ്. അതിന് മുഖ്യമന്ത്രിയുടെ പൊളിറ്റിക്കല് സെക്രട്ടറി പിന്തുണ നല്കി എന്ന ആരോപണം ഉന്നയിച്ചിരിക്കുന്നത് ഭരണകക്ഷി എംഎല്എയാണ്.
സ്വര്ണക്കള്ളക്കടത്തുമായി ബന്ധപ്പെട്ട കേസിലെ തെളിവുകള് നശിപ്പിക്കാന് രണ്ട് കൊലപാതകങ്ങള് മുഖ്യഖ്യമന്ത്രിയുടെ ഓഫീസ് ആസൂത്രണം ചെയ്തെന്നാണ് വെളിപ്പെടുത്തല്. ഇന്ത്യയില് ഏത് മുഖ്യമന്ത്രിക്കെതിരെ ഇത്രയും ഗുരുതര ആരോപണം ഉയര്ന്നിട്ടുണ്ട്. എന്നിട്ടും അധികാരത്തില് കടിച്ചു തൂങ്ങാന് മുഖ്യമന്ത്രിക്ക് നാണമില്ലേ? ഇതൊക്കെ ചോദിക്കാന് പാര്ട്ടിയില് നട്ടെല്ലുള്ള ആരെങ്കിലുമുണ്ടോ?
ഇപ്പോള് പ്രഖ്യാപിച്ചിരിക്കുന്ന അന്വേഷണം പുകമറ സൃഷ്ടിക്കുന്നതിന് വേണ്ടിയുള്ളതാണ്. ആരോപണങ്ങള് തെറ്റാണെങ്കിൽ എംഎല്എയ്ക്കെതിരെ കേസെടുക്കണം. സര്ക്കാരിന് അതിനുള്ള ധൈര്യമില്ല. അയാളെ പേടിയാണ്. അതുകൊണ്ടാണ് എംഎല്എയെ തൃപ്തിപ്പെടുത്താന് ശ്രമിക്കുന്നത്. മുഖ്യമന്ത്രിയുടെ ഏറ്റവും വലിയ വിശ്വസ്തനാണ് പിവി അൻവർ എംഎൽഎ. പ്രതിപക്ഷ നേതാവിനെതിരെ എടുത്താല് പൊങ്ങാത്ത ആരോപണം ഉന്നയിക്കാന് മുഖ്യമന്ത്രി ചുമതലപ്പെടുത്തിയതും ഈ എംഎൽഎയായിരുന്നു.
ഇവിടെ ആരോപണ വിധേയന് മുഖ്യമന്ത്രിയാണ്. എന്തിനാണ് ശശിയുടെയും അജിത് കുമാറിന്റെയും നെഞ്ചത്ത് കയറുന്നത്. ഇത് പി.ശശിയുടെയോ അജിത് കുമാറിന്റെയോ ശിവശങ്കരന്റെയോ ഓഫീസല്ല. പിണറായി വിജയന്റെ ഓഫീസാണ്. മറുപടി പറയേണ്ടതും മുഖ്യമന്ത്രിയാണ്'' പ്രതിപക്ഷ നേതാവ് പറഞ്ഞു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
