Mohanlal | ലാലേട്ടാ ആ കാർ ആരുടേതാണ്? ചോദ്യങ്ങളുടെ എണ്ണം കൂടിയപ്പോൾ

ചിത്രം വന്ന് തൊട്ട് പിന്നാലെ ആരാധകരും ചോദ്യം തുടങ്ങി ( Mohanlal With Ambassdor Car Facebook Pic)

നീല പാൻറും വൈറ്റ് ടീഷർട്ടും ഗ്ലാസും ധരിച്ച് ലാലേട്ടൻ ചിത്രത്തിന് നിൽക്കുന്നു. ഫ്രെയിമിൽ പിന്നിലായി കെ.സി.ടി 4455 അംബാസഡർ കാർ. തൻറെ ഫേസ്ബുക്ക് പേജിൽ മോഹൻലാൽ തന്നെ പങ്ക് വെച്ച ചിത്രമാണിത്.

ചിത്രം വന്ന് തൊട്ട് പിന്നാലെ ആരാധകരും ചോദ്യം തുടങ്ങി. എല്ലാവർക്കും കാർ ആരുടേതാണെന്നാണ് അറിയേണ്ടത്. ഷെഫ് സുരേഷ് പിള്ള കമൻറിട്ടു മഞ്ഞിൽ വിരിച്ച പൂവുകളുടെ നോട്ടീസും കൂടി ഉണ്ടായിരുന്നെങ്കിൽ എന്ന്. കമൻറ് തീർന്നില്ല കാറിൻറെ കളർ ബ്ലാക്കായിരുന്നല്ലോ ഇപ്പോ നിറം മാറിയോ എന്നൊരു വിരുതൻ. വെയിൽ കൊണ്ട് നരച്ചതാവാം എന്ന് അതിന് മറുപടികൾ.

രാജാവിൻറെ മകനിൽ 2255 ആയിരുന്നെങ്കിൽ ഇതിൽ 4455 ആണല്ലോ എന്ന് പ്രാസം ഒപ്പിച്ചൊരാൾ. ഇടയിൽ ലാലേട്ടൻറെ പൂജപ്പുര മുടവൻ മുകളിലെ വീട്ടിലുള്ള കാറാണിതെന്നും അദ്ദേഹത്തിൻറ അച്ഛൻറേതാണെന്നും ചിലർ പറയുന്നുണ്ട്.

ഏതായാലും കുറഞ്ഞ സമയം കൊണ്ട് തന്നെ കാറിനും ലാലേട്ടനും കിട്ടിയ ലൈക്ക് ഒരു ലക്ഷത്തിനും മുകളിലാണ്. ഇതിനോടകം 974 പേർ ചിത്രം ഷെയർ ചെയ്തു നാലായിരത്തിലധികം കമൻറുകളും പിന്നാലെ. പക്ഷെ ലാലേട്ടൻ ചിത്രത്തിന് ക്യാപ്ഷനുകൾ ഒന്നും തന്നെ നൽകിയിട്ടില്ലെന്നതും ശ്രദ്ധേയമാണ്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy