കഴിഞ്ഞ വർഷം റിലീസായ 'വിധി' എന്ന ചിത്രത്തിന് ശേഷം കണ്ണൻ താമരക്കുളം - അനൂപ് മേനോൻ കൂട്ടുകെട്ടിൽ എത്തുന്ന 'വരാൽ' തിയേറ്ററിൽ എത്താൻ രണ്ട് ആഴ്ചകൾ കൂടി മാത്രം. ഒക്ടോബർ 14നാണ് ചിത്രം തിയേറ്ററുകളിൽ റിലീസിനായി എത്തുന്നത്. മരട് ഫ്ലാറ്റ് പൊളിച്ചതുമായി ബന്ധപ്പെട്ട കഥയാണ് വിധി പറഞ്ഞതെങ്കിൽ കേരള രാഷ്ട്രീയത്തിൽ നടന്ന ഏറ്റവും വലിയ ട്രാപ്പിന്റെ കഥയാണ് വരാൽ സംസാരിക്കുന്നത്. ട്വന്റി - 20യ്ക്കുശേഷം അമ്പതിലധികം താരങ്ങളെ ഉൾപ്പെടുത്തി ബിഗ് ബഡ്ജറ്റിൽ ഒരുങ്ങുന്ന ചിത്രമാണ് വരാൽ.
ട്രിവാൻഡ്രം ലോഡ്ജിന് ശേഷം ടൈം ആഡ്സിൻ്റെ ബാനറിൽ പി.എ സെബാസ്റ്റ്യൻ നിർമ്മിച്ച് അനൂപ് മേനോൻ, പ്രകാശ് രാജ്, സണ്ണി വെയ്ൻ എന്നിവരാണ് പ്രധാന കഥാപാത്രങ്ങളായി എത്തുന്നത്. നന്ദു, സുരേഷ് കൃഷ്ണ, ഹരീഷ് പേരടി, മാധുരി, ഗൗരി നന്ദ, സോഹൻ സീനുലാൽ, രഞ്ജി പണിക്കർ, സെന്തിൽ കൃഷ്ണ, ശങ്കർ രാമകൃഷ്ണൻ തുടങ്ങിയ വമ്പൻ താരനിരയാണ് ചിത്രത്തിൽ അണിനിരക്കുന്നത്. ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത് അനൂപ് മേനോൻ തന്നെയാൻ. പദ്മ എന്ന ചിത്രത്തിന് ശേഷം അനൂപ് മേനോൻ തിരക്കഥ എഴുതുന്ന ചിത്രം കൂടിയാണ് വരാൽ.
Also Read: Prince Movie: ഇനി ദീപാവലിക്ക് കാണാം!!! ശിവകാർത്തികേയൻ ചിത്രം 'പ്രിൻസ്' ചിത്രീകരണം പൂർത്തിയായി
പ്രോജക്ട് ഡിസൈനർ എൻ.എം ബാദുഷ. പ്രൊജക്ട് കോർഡിനേറ്റർ: അജിത്ത് പെരുമ്പള്ളി, ഛായാഗ്രഹണം: രവിചന്ദ്രൻ, ചിത്രസംയോജനം: അയൂബ് ഖാൻ, ബി.ജി.എം: ഗോപി സുന്ദർ, സംഗീതം: ഗോപി സുന്ദർ, നിനോയ് വർഗീസ്, പ്രൊഡക്ഷൻ കൺട്രോളർ: അമൃത മോഹൻ, പ്രൊഡക്ഷൻ എക്സിക്യൂട്ടീവ്സ് ഷെറിൻ സ്റ്റാൻലി, അഭിലാഷ് അർജുനൻ, കോസ്റ്റ്യൂം: അരുൺ മനോഹർ, മേക്കപ്പ്: സജി കൊരട്ടി, ആർട്ട്: സഹസ് ബാല, ചീഫ് അസോ: കെ.ജെ വിനയൻ, എക്സിക്യൂട്ടീവ് പ്രൊഡ്യൂസർ; കെ.ആർ പ്രകാശ്, സ്റ്റിൽസ്- ഷാലു പെയാട്, പി.ആർ.ഒ - പി.ശിവപ്രസാദ്, വാഴൂർ ജോസ്, സുനിത സുനിൽ എന്നിവരാണ് മറ്റ് അണിയറ പ്രവർത്തകർ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
