അബുദാബി: ഏഷ്യന്‍ ഫുട്ബോള്‍ കോണ്‍ഫഡറേഷന്‍ ഏഷ്യന്‍ കപ്പില്‍ ഇന്ന് അവസാന പോരാട്ടം. അബുദാബിയിലെ സായിദ് സ്പോര്‍ട്സ് സിറ്റി സ്റ്റേഡിയത്തില്‍ രാത്രി 7.30നാണ് മത്സരം ആരംഭിക്കുന്നത്.
സെമി ഫൈനലില്‍ ഗംഭീര പ്രകടനം കാഴ്ച വെച്ച ഖത്തറും ഏഷ്യന്‍ ഫുട്ബോള്‍ ശക്തിയായ ജപ്പാനും തമ്മിലാണ്‌ അവസാന മല്‍സരം.
ഇന്നത്തെ മത്സരം വിജയിച്ചാല്‍ ജപ്പാന്‍ നേടുന്ന അഞ്ചാമത്തെ ഏഷ്യന്‍കപ്പ്‌ കിരീടമാകുമിത്. അതേസമയം, ചരിത്രത്തില്‍ ആദ്യമായാണ് ഖത്തര്‍ ഏഷ്യന്‍ കപ്പ് ഫൈനലിലെത്തുന്നത്.
യു.എ.ഇയെ എതിരില്ലാത്ത നാലു ഗോളുകള്‍ക്ക് തോല്‍പ്പിച്ചാണ് ഖത്തര്‍ ഫൈനലില്‍ കടന്നത്. 2022 ഫിഫ ലോകകപ്പിന് വേദിയാകുന്ന ഖത്തറിന് ഇന്നത്തെ മത്സരം ഏറെ നിര്‍ണ്ണായകമാണ്.
