ऐश्वर्या रायने नावातून काढून टाकलं 'बच्चन' आडनाव? दुबईच्या व्हिडीओमुळे चर्चांना उधाण
ऐश्वर्या राय बच्चनच्या घटस्फोटाची चर्चा सुरु असताना आणखी एका व्हिडिओ समोर आला आहे. या व्हिडिओमध्ये ऐश्वर्या रायच्या नावासमोर बच्चन हे आडनाव लिहिलेले नाही. या व्हायरल दाव्यात किती तथ्य आहे ते जाणून घेऊया.
 "ऐश्वर्या रायने नावातून काढून टाकलं 'बच्चन' आडनाव? दुबईच्या व्हिडीओमुळे चर्चांना उधाण")
बॉलिवूडची सुपरस्टार ऐश्वर्या राय बच्चन गेल्या काही दिवसांपासून तिच्या घटस्फोटाच्या बातम्यांमुळे चर्चेत आहे. सोशल मीडियावर व्हायरल झालेल्या पोस्टमध्ये दावा केला जात आहे की, ऐश्वर्या राय आणि तिचा पती अभिषेक बच्चन यांच्यात घटस्फोट झाल्याच्या बातम्या येत आहेत. दरम्यान, ऐश्वर्या रायचा एक व्हिडिओही सोशल मीडियावर व्हायरल झाला आहे. ज्यामध्ये ऐश्वर्या रायने तिच्या नावामधून 'बच्चन' आडनाव काढून टाकल्याचे सांगण्यात येत आहे. काय आहे हे नेमकं प्रकरण, जाणून घ्या.
दुबईचा व्हिडीओ व्हायरल?
ऐश्वर्या राय नुकतीच दुबईत आयोजित महिला प्रतिष्ठान परिषदेत सहभागी झाली होती. या कार्यक्रमात सहभागी होऊन ऐश्वर्या रायचे भाषणही झाले. ऐश्वर्या राय स्टेजवर आली तेव्हा तिच्या नावावर फक्त 'ऐश्वर्या राय इंटरनॅशनल स्टार' असे लिहिले होते. पण हा महिला सक्षमीकरणाचा कार्यक्रम होता असेही मानले जाते. त्यामुळे येथे फक्त ऐश्वर्याचे नाव लिहिले आहे. या व्हिडिओशिवाय ऐश्वर्याने कुठेही अभिषेकचे नाव आणि आडनाव काढलेले नाही. ऐश्वर्या राय अजूनही इन्स्टाग्रामवर एआरबी आहे. म्हणजे ऐश्वर्या राय बच्चन. ऐश्वर्या फक्त तिच्या पतीला इन्स्टाग्रामवर फॉलो करते.
घटस्फोटाच्या दाव्यांमुळे गोंधळ?
गेल्या काही दिवसांपासून सोशल मीडियावर अभिषेक बच्चन आणि ऐश्वर्या राय यांच्या नात्यात दुरावा असल्याच्या बातम्या येत आहेत. अभिषेकच्या आयुष्यात दुसरी अभिनेत्री आल्यानंतर दोघांमध्ये दुरावा निर्माण झाल्याचा दावाही अनेक रिपोर्ट्समध्ये करण्यात आला होता. काही दाव्यांमध्ये ऐश्वर्या राय आणि अभिषेक बच्चनची आई जया बच्चन यांच्यात मतभेद असल्याचे सांगण्यात आले. मात्र, आजपर्यंत या दाव्यांमध्ये ठोस तथ्य दिसून आलेले नाही. अभिषेक-ऐश्वर्या आणि त्यांच्या कुटुंबीयांकडून अद्याप कोणतीही पुष्टी झालेली नाही.
Dakshata Thasale
दक्षता ठसाळे-घोसाळकर या 'झी 24 तास डिजिटल'मध्ये चीफ सब एडिटर म्हणून कार्यरत आहे. यांना पत्रकारिता या क्षेत्रातील 14 वर्षांचा अनुभव आहे. 'प्रहार' आणि 'लोकमत' या आघाडीच्या वृत्तसंस्था आणि 'टीव्ही 9' आणि 'न्यूज एक्सप्रेस मराठी' या आघाडीच्या वृत्तवाहिनीचा अनुभव घेतल्यानंतर डिजीटल क्षेत्रात काम करण्यास सुरुवात केली. 'India.com मराठी' या डिजीटल वेबसाईटमध्ये काम केल्यानंतर 'महाराष्ट्र टाईम्स' च्या ऑनलाईन वेबसाईटसाठी काम केलं. यानंतर 'झी 24 तास डिजीटल'मध्ये विविध विषयांवरील बातम्यांमध्ये योगदान दिलं आहे. यामध्ये Lifestyle, आरोग्य, मनोरंजन यामधील बातम्यांमध्ये हातखंडा असून राज्यस्तरीय घडामोडी, गुन्हे आणि राजकीय घडामोडींमध्ये सर्वात मोठं योगदान आहे. पालकत्व, गर्भधारणा आणि पाककृती यासंदर्भात लेख लिहण्यास विशेष रुची आहे.
...Read More