'15 वर्षांपूर्वी पवित्र रिश्तामध्ये...', अंकिता लोखंडेनं शेअर केली भावूक पोस्ट
Ankita Lokhande : अंकिता लोखंडेनं 15 वर्ष पूर्ण झाल्यानं सोशल मीडियावर शेअर केली भावूक पोस्ट...
)
Ankita Lokhande : आपली एखादी तरी भूमिका चाहत्यांच्या मनात कायम राहावी हे प्रत्येक कलाकाराचं स्वप्न असतं आणि अंकिता लोखंडेचं ते स्वप्न 'पवित्र रिश्ता'नं पूर्ण केलं. या मालिकेतून तिने अभिनय क्षेत्रात पदार्पण केले. अर्चनाच्या भूमिकेमुळे अंकिता प्रत्येक घराघरात पोहचली आणि प्रेक्षकांची लाडकी अर्चना झावी. खरं तर 15 वर्षांनंतर ही मालिका आणि अर्चनाची भूमिका आजही प्रेक्षकांच्या मनात आहे. अभिनेत्री म्हणून 15 वर्षे पूर्ण केल्यानंतर अंकितानं सोशल मीडियावर एक खास पोस्ट शेयर केली आहे. तिची पोस्ट सोशल मीडियावर प्रचंड व्हायरल होत आहे.
अंकितानं ही पोस्ट तिच्या इन्स्टाग्राम अकाऊंटवरून केली आहे. यात अंकितानं तिच्या 15 वर्ष जुन्या आठवणी शेअर केल्या आहेत. "15 वर्षांपूर्वी पवित्र रिश्तामध्ये अर्चना म्हणून माझा प्रवास सुरू झाला आणि आज 15 वर्षांनंतरही मला माझ्या भूमिकेसाठी इतकं प्रेम मिळत राहिल. जी माझी ओळख बनली आहे. हे असं काही होईल मला माहीत नव्हतं. अर्चना माझ्यात होती आणि तिनं मला आयुष्यभर खूप काही शिकवलं आहे. माझ्या कारकिर्दीची सुरुवात मला मिळालेले प्रेम, अर्चना आणि पवित्र रिश्ता तुमच्या प्रत्येकाकडून मला खूप प्रेम मिळालं तुम्ही तिला जिवंत ठेवलं आणि यापेक्षा अधिक मौल्यवान दुसरं काही असेल असे मला वाटत नाही. पण माझा प्रवास पूर्ण होणार नाही, जेव्हा मी पवित्र रिश्ता सुरू केलं तेव्हा मला अभिनय कसा करावा हे माहित नव्हतं या शो नं मला ते शिकवलं आणि सर्वात शेवटी, मला इतके प्रेम दिल्याबद्दल मी टेलिव्हिजन उद्योगाचे आभार मानू इच्छितो. फॅन्डम आणि स्टारडमचा माझा पहिला ब्रेक एका टेलिव्हिजन शोमुळे घडला आणि त्यासाठी मी नेहमीच आभारी राहणार आहे,' असं अंकिता म्हणाली.
अर्चनाच्या अंकिताच्या भूमिकेसाठी तिला अनेक पुरस्कार मिळाले. ही मालिका केवळ पाच वर्षे प्रसारित झाली असली तरी तिचा लोकांवर प्रभाव राहिला. विशेष म्हणजे या मालिकेतील तिच्या सशक्त भूमिकेमुळे अभिनेत्रीला बॉलिवूडमध्ये पदार्पण करण्याचा मार्ग मिळाला आणि तेव्हापासून अंकिताने मागे वळून पाहिले नाही.
हेही वाचा : शुभमन गिलसोबत नाव जोडण्यात आलेली 'ती' अभिनेत्री काय करते माहितीये?
'मणिकर्णिका: द क्वीन ऑफ झांसी', 'बागी 3', आणि अलीकडेच रिलीज झालेला 'स्वातंत्र्य वीर सावरकर' यासारख्या चित्रपटांमध्ये उल्लेखनीय कामगिरी करून अंकितानं बॉलिवूडमध्ये प्रसिद्धी मिळवली म्हणून माझा फॅन्डम आणि स्टारडमचा पहिला ब्रश झाला अस ती सांगते. आता ती आगामी मालिकेत आम्रपाली, प्रसिद्ध आणि ग्लॅमरस नागरवधूची भूमिका साकारण्यासाठी तयारी करत आहे.