CISF ने मागितली Sudhaa Chandran यांची माफी, पंतप्रधानांकडे मागितली होती मदत

मुंबई : ज्येष्ठ अभिनेत्री सुधा चंद्रन बऱ्याच काळापासून टीव्ही आणि सिनेमा या दोन्ही क्षेत्रात सक्रिय आहेत. त्या नृत्य आणि अभिनय दोन्हीसाठी ओळखल्या जातात. पण गेली अनेक वर्षे ते एका समस्येशी झुंजत आहे. आता त्या यासाठी इतक्या वैतागल्या आहेत की त्यांनी थेट पीएम मोदींकडे मदत मागितली आहे. त्याने एक व्हिडिओ शेअर केला आहे ज्यात त्यांनी विमानतळावरील सुरक्षा रक्षकांकडून टॉर्चर होत असल्याचं म्हटलं आहे.

या व्हिडिओबद्दल बोलताना, सुधा चंद्रन यांनी स्वत:च्या आणि त्यांच्यासारख्या लोकांच्या एका मोठ्या समस्येकडे लक्ष वेधून घेतले आहे. सुधा चंद्रन यांनी वर्षानुवर्षे प्रत्येक वेळी विमानतळावर समस्या येत आहे, ज्यामुळे त्या खूप दुःखी आहेत. सर्वांना माहित आहे की सुधा चंद्रन यांना एका अपघातात एक पाय गमवावा लागला होता. त्यानंतर त्या कृत्रिम अवयवाच्या मदतीने चालत आहेत. जेव्हा सुधा चंद्रन विमानतळावर जातात. तेव्हा चेक-इन दरम्यान, विमानतळ प्राधिकरण त्यांना कृत्रिम पाय काढून टाकण्यास सांगतात. जेणेकरून त्याची तपासणी केली जाऊ शकते. आता सुधा चंद्रन या गोष्टीला कंटाळल्या आहेत.

व्हिडिओमध्ये सुधा चंद्रन काय म्हणाल्या

या व्हिडीओमध्ये सुधा चंद्रन यांनी पंतप्रधान नरेंद्र मोदींना आवाहन केले आहे की, ज्येष्ठ नागरिकांसाठी कार्ड जारी करा जेणेकरून विमानतळावर चेक इन आणि चेक आउट करताना त्यांना अडचणी येऊ नयेत. व्हिडीओमध्ये सुधा चंद्रन म्हणतात की, जेव्हाही मी विमानतळावर जाते, तेव्हा सीआयएसएफ अधिकारी मला कृत्रिम अंग काढून टाकण्यास सांगतात. मोदीजी एक माणूस म्हणून हे शक्य आहे का? हा आपला देश कशाबद्दल बोलत आहे? एक स्त्री दुसऱ्या स्त्रीचा त्याच प्रकारे आदर करते का?

View this post on Instagram

A post shared by Sudhaa Chandran (@sudhaachandran)

सीआयएसएफने ट्विट करून मागितली माफी

वारंवार विमानतळावर थांबवल्यानंतर त्यांनी व्हिडिओ शेअर केल्यानंतर सीआयएसएफने सुधा चंद्रन यांची माफी मागितली आहे. सीआयएसएफने म्हटले आहे की, "संबंधित महिला कर्मचाऱ्यांनी सुधा चंद्रन यांना कृत्रिम अवयव काढून टाकण्याची विनंती का केली याबाबत चौकशी करु आणि प्रवाशांना गैरसोय होणार नाही याची काळजी घेऊ.." सीआयएसएफने ट्वीट केले की, 'सुधा चंद्रन यांना झालेल्या गैरसोयीबद्दल आम्हाला खूप खेद आहे. प्रोटोकॉलनुसार केवळ अपवादात्मक परिस्थितीत सुरक्षा तपासणीसाठी प्रोस्थेटिक्स काढले जाऊ शकतात.'

CISF apologises to actor Sudhaa Chandran after she shared a video on being stopped at airport for prosthetic limb. "We'll examine why the lady personnel concerned requested Sudhaa Chandran to remove prosthetics & assure that no inconvenience is caused to travelling passengers." pic.twitter.com/oaVThYB0Lv

— ANI (@ANI) October 22, 2021