कारगिल युद्धातील मेजरचं ट्विट पाहून भारावलेला आमिर म्हणतो...

मुंबई : सोशल मीडिच्या माध्यमातून अनेकदा सेलिब्रिटी आणि चाहत्यांमध्ये असणारं सुरेख असं नातं पाहायला मिळतं. यावेळीसुद्धा अशाचं एका नात्याची सुरेख बाजू पाहायला मिळत आहे. हे नातं जरा जास्त खास आहे, कारण ते थेट देशाभिमानाशी जोडलं गेलं आहे. हे ट्विट केलं आहे कारगिल युद्धात सहभागी झालेल्या मेजर डी.पी. सिंग यांनी. 

एक ट्विट करत मेजर सिंग यांनी आमिरलाही भावूक केलं. ज्यामध्ये त्यांनी आपल्यासोबत 'ऑपरेशन विजय' दरम्यान झालेल्या अपघाताचाही उल्लेख केला. भारताचे पहिले ब्लेड रनर म्हणून ओळख असणाऱ्या सिंग यांनी ट्विटमध्ये लिहिलं, ''बरोबर २० वर्षांपूर्वी मी आमिर खानचा 'सरफरोश' हा चित्रपट पाहिला होता. मी आजही तेच केलं. पण, तेव्हा मी तो चित्रपटगृहात पाहिला होता आणि आता टीव्हीवर पाहिला. तेव्हा मला दोन्ही पाय होते..... आज त्यातील एक कमी आहे. ऑपरेशन विजयसाठी जाण्यापूर्वी पाहिलेला तो माझा शेवटचा चित्रपट होता'', असं त्यांनी ट्विटमध्ये लिहिलं. 

Exactly 20 years ago I watched movie #Sarfarosh of @aamir_khan and same I did just now.

But

That time it was in theater.
Now on TV.

That time on both legs.
Now one less.

My last movie as intact before I joined unit for #OpVijay in May 1999.#memories pic.twitter.com/rBmWtnhRX5

— Major D P Singh (@MajDPSingh) May 28, 2019

मेजर सिंग यांचं हे ट्विट पाहून परफेक्शनिस्ट आमिरही भावूक झाला, पण यावेळी यामध्ये अभिमानाच्या भावना वरचढ ठरल्या होत्या. त्याने या ट्विटला उत्तर देत लिहिलं, 'तुमची ही पोस्ट वाचून माझ्या अंगावर काटाच उभा राहिला. तुमच्या धैर्याला, शौर्याला मी सलाम करतो. तुमचा आम्हाला खूप अभिमान आहे....सर' परफेक्शनिस्ट आमिरच्या या ट्विटबद्दल कृतज्ञता व्यक्त करत त्याने असेच प्रोत्साहनपर चित्रपट साकारावेत अशी विनंती मेजर सिंग यांनी केली. 

Dear @MajDPSingh, your post gave me goosebumps.
We salute your courage, strength and grit in the face of adversity.
Love and respect to you, Sir.
a. https://t.co/TYL8qurl1v

— Aamir Khan (@aamir_khan) May 29, 2019

My dear @aamir_khan

It could become possible as I was trained by @adgpi

I am no great.. it's a trait of every #indianarmy #Soldier

Thank you for your kind words. 

Keep making inspirational films.

God bless

Jai hind https://t.co/2nA27nHpMT

— Major D P Singh (@MajDPSingh) May 29, 2019

सोशल मीडियावर सिनेअभिनेता आणि सैन्यदल अधिकारी यांच्यात झालेला हा संवाद संपूर्ण कलाविश्वात चर्चेचा विषय ठरला. आमिरची मुख्य भूमिका असणाऱ्या सरफरोश या चित्रपटाविषयी सांगावं तर, आजही या चित्रपटाचा चाहता वर्ग तसूभरही कमी झालेला नाही. फिल्मफेअर आणि राष्ट्रीय पुरस्कार विजेत्या या चित्रपटातून अभिनेत्री सोनाली बेंद्रे आणि नसिरुद्दीन शाह यांच्याही महत्त्वाच्या भूमिका पाहायला मिळाल्या होत्या.