सामंथाला घटस्फोट दिल्यानंतर नागा चैतन्यचं मोठं वक्तव्य म्हणाला, 'मी अजूनही करू शकतो तिच्यासोबत 'हे' काम'....

मुंबई : समंथा प्रभूने आपल्या करिअरची सुरुवात नागा चैतन्यसोबत केली होती. तेव्हा कोणाला ठाऊक होतं की, दोघांचं नावं इतकं जोडलं जाणार आहे. 2014 मध्ये पुन्हा एकदा दोघं एकाच चित्रपटात एकत्र दिसले आणि या चित्रपटापासूनच दोघांची लव्हस्टोरी सुरू झाली. काही वर्ष डेटिंग केल्यानंतर 2017 मध्ये त्यांनी लग्न केलं. पण हे लग्न 4 वर्षेही टिकलं नाही.

2021 मध्ये दोघांनी परस्पर संमतीने वेगळं होण्याचा निर्णय घेतला आणि आता ते आपापल्या आयुष्यात पुढे गेले आहेत. पण जेव्हा-जेव्हा सामंथाचा उल्लेख होतो तेव्हा नागाचं नाव नक्कीच घेतलं जातं. त्याचवेळी, नुकतंच, नागा चैतन्यला दिलेल्या मुलाखतीत, त्याची एक्स पत्नी सामंथासोबत काम करण्याबद्दल प्रश्न विचारण्यात आला होता.

समंथासोबत काम करण्याबद्दल नागा काय म्हणाला?
मुलाखतीत नागा चैतन्यला विचारण्यात आलं की, तो कधी सामंथा प्रभूसोबत काम करताना दिसणार आहे का? या प्रश्नाला नागाने सकारात्मक उत्तर दिलं. आणि तो म्हणाला, 'असं कधी झालं तर छानच होईल, पण होईल की नाही, हे फक्त देवालाच माहीत.' पण त्यांच्या घटस्फोटाचा निर्णय खरोखरच आश्चर्यकारक होता.

साऊथमध्ये डंकाची भूमिका केल्यानंतर नागा चैतन्य आता बॉलिवूडमध्ये पदार्पण करणार आहे. लवकरच प्रदर्शित होत असलेल्या आमिर खानच्या लाल सिंग चड्ढा या चित्रपटात नागा चैतन्य देखील दिसणार आहे. जो खूप महत्त्वाच्या भूमिकेत असेल. हा चित्रपट 11 ऑगस्टला रिलीज होत आहे आणि आमिरची बॉक्स ऑफिसवर अक्षय कुमारशी स्पर्धा होणार आहे. त्याच दिवशी रक्षाबंधनाला रिलीज होणार आहे. त्यामुळे सोशल मीडियावर चांगलीच खळबळ उडाली आहे.