मोठी बातमी | Drugs Case प्रकरणी राणा डग्गुबती, रवी तेजासह 12 जणांना समन्स

मुंबई : प्रवर्तन निदेशालयने टॉलीवुड इंडस्ट्रीतील 12 सुप्रसिद्ध सेलिब्रिटींना तस्करी आणि अंमली पदार्थ सेवन केल्याबद्दल समन्स पाठवले आहेत. हे ड्रग्स प्रकरण 4 वर्ष जुने आहे. अंमली पदार्थांची तस्करी आणि सेवन केल्याचा गुन्हा तेलंगणा उत्पादन शुल्क आणि निषेध विभागाने नोंदवला होता. ज्या 12 सेलिब्रिटींना बोलावण्यात आलं आहे त्यामध्ये रकुल प्रीत सिंह, राणा दग्गुबती, रवी तेजा आणि दिग्दर्शक पुरी जगन्नाथ सारखे सुप्रसिद्ध चेहरे आहेत.

रकुल प्रीत सिंगला या प्रकरणी 6 सप्टेंबरला हजर राहण्यास सांगितलं आहे. त्याचवेळी, राणाला 8 सप्टेंबरला, रवी तेजाला 9 सप्टेंबरला आणि पुरीला 31 ऑगस्टला चौकशीसाठी बोलावण्यात आलं आहे. बोलाविलेल्या या कलाकारांव्यतिरिक्त रवी तेजाचा ड्रायव्हर श्रीनिवास याचेही नाव समाविष्ट आहे. कलाकारांमध्ये चार्मी कौर, नवदीप, मुमैथ खान, नंदू, तरुण आणि टार्निश या नावांचा समावेश आहे.

30 लाख रुपयांचे ड्रग्ज जप्त करण्यात आले
अहवालांनुसार, अंमलबजावणी संचालनालयाच्या एका अधिकाऱ्याने सांगितलं की, तेलंगणा उत्पादन शुल्क आणि निषेध विभागाने सुमारे 12 गुन्हे दाखल केले आहेत. या प्रकरणात 11 आरोपपत्र दाखल करण्यात आले आहेत. विभागाने 30 लाख रुपयांची ड्रग्ज जप्त केल्यानंतर या तक्रारी आणि आरोपपत्र दाखल करण्यात आलं.

चार वर्षांपूर्वी जेव्हा हे प्रकरण उघडकीस आलं तेव्हा सुमारे आठ जणांविरुद्ध आरोपपत्र दाखल करण्यात आलं होतं, मुख्यतः ड्रग तस्कर. त्यापैकी बहुतेक कमी दर्जाचे अंमली पदार्थ तस्कर होते. आम्ही उत्पादन शुल्क अधिकाऱ्यांना साक्षीदार म्हणून बोलावले आहे. त्याचप्रमाणे, जोपर्यंत आम्हाला पुरावे मिळत नाहीत, तोपर्यंत टॉलिवूड सेलिब्रिटींना साक्षीदार मानलं जाईल. या प्रसिद्ध सेलिब्रिटींची नावे तपासात समोर आली आहेत.

या सेलिब्रिटींना 2 ते 22 सप्टेंबरपर्यंत उपस्थित राहण्यासाठी बोलावलं आहे. ईडीने या प्रकरणाचा तपास करणाऱ्या उत्पादन शुल्क विभागाच्या अधिकाऱ्यांनाही बोलावलं आहे. एका अहवालानुसार, विशेष म्हणजे उत्पादन शुल्क विभागाच्या विशेष तपास पथकाने (एसआयटी) पुराव्यांच्या अभावी चित्रपट कलाकारांवर कोणतीही कारवाई केली नाही. एवढंच नाही तर त्यांना चौकशीसाठी बोलावलंही नव्हते. असं दिसतं की, या सेलिब्रिटींना स्वतः एसआयटीने क्लीन चिट दिली होती आणि त्यांच्याविरोधात कोणतेही आरोपपत्र दाखल केले नव्हते.

अहवालानुसार, 2017 मध्ये एसआयटीने टॉलिवूड सेलिब्रिटींसोबत सुमारे 62 संशयितांचं केस आणि नखांचे नमुने घेतले होते, परंतु एसआयटीने त्यावेळी काहीही उघड झालं नाही.