धक्कादायक : प्रसिद्ध अभिनेत्री डिप्रेशनची शिकार

मुंबई : टीव्ही अभिनेत्री रतन राजपूत  'अगले जनम मोहे बिटिया ही कीजो', 'राधा की बेटियां कुछ कर दिखाएंगी' आणि 'संतोषी मां'  यासारख्या टीव्ही मालिकांसाठी ओळखली जाते. ती शेवटची 'संतोषी माँ'मध्ये दिसली होती आणि तेव्हापासून ती इंडस्ट्रीपासून दूर गेली होती. गेल्या ४ वर्षांपासून ती इंडस्ट्रीतून गायब होती. अलीकडेच, अभिनेत्रीने खुलासा केला आहे की, ती या चार वर्षांत टीव्हीपासून का दूर होती. तिने सांगितलं की, ती डिप्रेशनशी झुंज देत होती.

दिलेल्या ताज्या मुलाखतीत रतन राजपूतने सांगितलं की, 2018 साली तिच्या वडिलांचं निधन झालं. वडिलांच्या निधनानंतर ती डिप्रेशनमध्ये गेली. त्यावेळी तिच्यासोबत मूड स्विंग आणि रडणं असं बरंच काही घडत होतं आणि म्हणूनच तिने इंडस्ट्रीतून ब्रेक घेऊन स्वतःवर लक्ष केंद्रित करण्याचा निर्णय घेतला.

डिप्रेशनला झुंज देत होती रतन राजपूत
रतन राजपूत म्हणाली, "2018 मध्ये संतोषी माँ मालिका संपल्याच्या एका दिवसातच माझ्या वडिलांचं निधन झालं. माझ्यासाठी तो भयंकर धक्का होता. मी डिप्रेशनमध्ये गेले आणि मला काहीही करायचं नव्हतं. जेव्हा नैराश्य येतं तेव्हा ते फक्त मूड स्विंग किंवा रडणं एवढंच काही नाहीतर बरंच काही असतं. मला कोणतीही औषध घ्यायची नव्हती. म्हणूनच मी स्वतःला समजून घेण्यासाठी मानसशास्त्राचा अभ्यास केला. मी फिरायला सुरुवात केली आणि गाव शोधली. मी तर काही काळासाठी मुंबई सोडली.

शेतीपासून दिलासा
या अभिनेत्रीने सांगितलं की, शेती करून तिला नैराश्यातून खूप आराम मिळाला. रतन म्हणाली, ''तीन महिने खेड्यात शेती करणं माझ्यासाठी थेरपीसारखं होतं आणि त्यामुळे मला काही प्रमाणात बरं होण्यास मदत झाली. मी हे देखील शिकलो की खेड्यातील लोक दांभिक जीवन जगतात. मी तिथला माझा वेळ खूप एन्जॉय केला आणि या प्रवासातून मला स्वतःबद्दल माहिती मिळाली. अभिनयाने मला खूप काही शिकवलं आहे. पण ग्रामीण भागात राहिल्याने मला जीवनाकडे पाहण्याचा नवा दृष्टीकोन मिळाला आहे."

View this post on Instagram

लवकरच टीव्हीवर परतणार आहे
रतन राजपूतने असंही सांगितलं की, तिने गेल्या अनेक वर्षांपासून टीव्ही किंवा वेब शो पाहिलेले नाहीत. तिच्या घरात दोन टीव्ही आहेत. पण ती त्यांच्यापासून दूर राहते. मात्र, आता ही अभिनेत्री लवकरच इंडस्ट्रीत परतणार आहे.