बेपत्ता झाल्यानंतर अचानक कॉमेडियन सुनील पाल समोर आला अन् म्हणाला, 'दिल्लीतून माझं अपहरण...'
Sunil Pal : कॉमेडियन सुनील पाल यांच्या बेपत्ता होण्याबाबत एक मोठी अपडेट समोर आलंय. खुद्द सुनीलने तो कुठे होतो याबद्दल माहिती दिलीय.
 "बेपत्ता झाल्यानंतर अचानक कॉमेडियन सुनील पाल समोर आला अन् म्हणाला, 'दिल्लीतून माझं अपहरण...'")
Sunil Pal : कॉमेडियन सुनील पाल बेपत्ता झाल्याच्या प्रकरणात एक नवीन अपडेट समोर आले आहे. सुनील बेपत्ता झाला नसून त्याचे अपहरण झाल्याची माहिती समोर आलीय. खुद्द सुनील पाल यांनी झी २४ तासला ही माहिती दिलीय. यावेळी त्याने आपले अपहरण झाल्याचे उघड केले. आपण दिल्लीहून मुंबईला जात असून उद्या मुंबईत येऊन संपूर्ण माहिती देणार असल्याचेही अभिनेत्याने सांगितलंय.
मंगळवारी (3 डिसेंबर) रात्री अचानक सुनील पाल बेपत्ता झाल्याची बातमी समोर आली होती. त्याची पत्नी मुंबईतील सांताक्रूझ पोलीस सुनील पाल बेपत्ता असल्याची तक्रार नोंदवली होती. याबातमी नंतर चाहत्यांमध्ये चिंता व्यक्त करण्यात येत होती.
अभिनेत्याच्या बेपत्ता झाल्याच्या बातम्यांदरम्यान, त्याचा एक दिवस आधीचा व्हिडिओ देखील सोशल मीडियावर व्हायरल झाला होता. या व्हिडिओमध्ये तो बोटिंग करताना दिसत आहे. हा व्हिडीओ समोर येताच नेटकऱ्यांनी विविध अंदाज बांधण्यास सुरुवात केली होती.
मात्र झी २४ तासला सुनील पालने दिलेल्या माहितीनुसार सुनील पालचे 2 डिसेंबर सोमवारी अपहरण झालं होतं. आता तो सुरक्षीत यातून बाहेर आल्याची माहिती खुद्द सुनील याने दिलीय. पोलिसांना याबद्दल मी संपूर्ण माहिती दिलीय. दिल्ली मेरठ महामार्गावरुन अपहरण झाल्याचं सुनील पाल म्हणाला.
Sunil Pal | बेपत्ता झालेल्या सुनील पालने सांगितलं नेमकं काय घडलं#SunilPal #MarathiNews #Zee24Taas pic.twitter.com/wcgOAFm3Vt
— ZEE २४ तास (@zee24taasnews) December 4, 2024
तर सुनील पालची पत्नी सरिता पाल हिने इन्स्टाग्रामवर पोस्ट शेअर करताना लिहिलंय की, सगळं ठीक आहे. सुनीलजी पण ठीक आहेत. या संपूर्ण प्रकरणाचा लवकरच खुलासा करू. एकदा पोलीस तपास पूर्ण झाला आणि एफआयआरची औपचारिकता पूर्ण झाली. याबाबत बोलणार आहे. आता सरिता पाल यांच्या या पोस्टनंतर, सुनील पाल यांचे खरेच अपहरण झाले आहे की, एका विचारी योजनेचा भाग म्हणून हे केले जात आहे, असा प्रश्न नेटकऱ्यांकडून उपस्थितीत केला जातोय.
सुनीलला 2005 मधील 'द ग्रेट इंडियन लाफ्टर चॅलेंज' या शोचे विजेतेपद त्याने पटकावल्यानंतर त्याला खरं ओळख मिळाली. त्यानंतर सुनील अनेक कॉमेडी रिॲलिटी शोमध्ये दिसायला लागला. त्याने स्टँड-अप कॉमेडीही केली त्याशिवाय चित्रपटांमध्ये तो झळकलाय. त्याने 'हम तुम' (2004) आणि 'फिर हेरा फेरी' (2006) सारख्या बॉलिवूड चित्रपटांमध्ये छोट्या भूमिका केल्या आहेत.
Neha Choudhary
नेहा चौधरी या 'झी 24 तास डिजीटल'मध्ये सिनियर सब एडिटर (वरिष्ठ उपसंपादक) पदावर कार्यरत आहे. त्यांना पत्रकारिता क्षेत्रातील 20 वर्षांचा अनुभव आहे. इलेक्ट्रॉनिक आणि ऑनलाइन मीडियामध्ये प्रदीर्घ अनुभव आहे. त्यांनी पत्रकाराची सुरुवात रिपोर्टर म्हणून देशोन्नती वृत्तपत्रातून केली. राजकारणापासून मनोरंजनापर्यंत बातम्यांचा आढावा त्यांनी घेतला. 2006 मधील मुंबई लोकल ट्रेन बॉम्बस्फोट हल्ला, 26/11 मुंबई हल्ला, प्रमोद महाजन हत्या अशा अनेक घटनांचे कव्हरेज त्यांनी केलं आहे. त्यानंतर ई टीव्ही मराठीमध्येही रिपोर्टर म्हणून काम केलं. त्यानंतर मी मराठी, साम मराठी, जय महाराष्ट्र, न्यूज 18 लोकमतमध्ये अनेक वर्ष त्यांनी आऊटपूटमध्ये रनडाउन प्रोड्यूसर म्हणून काम केलं. आता त्या 'झी 24 तास डिजीटल'मध्ये कार्यरत आहेत. इथे त्या राजकारण, गुन्हेगारीपासून मनोरंजनापर्यंत ग्रामीण भागातील बातम्यांमध्ये आपलं योगदान देतात. त्यासोबत सोशल मीडियावरील व्हायरल आणि ट्रेंडिंगवरही त्या लिखाण करतात. तर आरोग्य, लाइफस्टाइल या बातम्यांमध्ये विशेष रुची आहे. तर गेल्या 2 वर्षांपासून त्यांनी ज्योतिष आणि धर्म यावर काम करत आहेत. त्यांनी हस्तरेषाशास्त्र, वास्तु आणि फेंगशुईसह वैदिक ज्योतिष, अंकशास्त्र आणि टॅरोचाही पुस्तकाच वाचन आणि तज्ज्ञांनी बोलून लोकांना माहितीपूर्ण बातम्या देतात. सण, उत्सवाचे धार्मिक आणि वैज्ञानिक महत्त्व याची त्या त्यांचा बातम्यांमधून समतोल राखतात. त्यांच्या मोकळ्या वेळेत त्यांना धार्मिक ग्रंथांच वाचन तसंच प्रवास, संगीताची आवड आहे.
...Read More