फॅशन करणं तमन्ना भाटियाला पडलं महागात, झाली Oops Moment ची शिकार

मुंबई- बॉलिवूड असो किंवा मग दाक्षिणात्य चित्रपटसृष्टी, सेलिब्रेटी म्हटलं की ग्लॅमर आणि फॅशन या गोष्टी आल्याच. हे कलाकार नेहमीच मुलाखत, चित्रपट प्रमोशन किंवा इतर कोणत्याही खास कार्यक्रमात इतरांपेक्षा हटके दिसण्यासाठी सर्वांपेक्षा वेगळी फॅशन करण्यावर भर देतात. पण याच स्टाइल, फॅशन किंवा हटके ड्रेसच्या नादात अनेकदा त्यांना लाजिरवाण्या परिस्थितीचा सामना करावा लागतो. यावेळी बॉलिवूड अभिनेत्री तमन्ना भाटिया या उप्स मूमेंटला सामोरं जावं लागलं आहे. 

तमन्नाचा हा व्हिडीओ सेलिब्रिटी फोटोग्राफर विरल भयानीने इन्स्टाग्राम अकाऊंटवरून शेअर केला आहे. या व्हिडीओत तमन्नाने काळ्या रंगाचा स्लिट ड्रेस परिधान केल्याचे दिसत आहे. तमन्ना गाडीतून उतरते आणि पुढे पापाराझींना फोटोसाठी एक स्मित हास्य देत ती पुढे जाताना दिसते. 

View this post on Instagram

तमन्नाचा हा व्हिडीओ सोशल मीडियावर व्हायरल झाला असून ८ लाख पेक्षा जास्त लोकांनी हा व्हिडीओ पाहिला आहे.  अनेकांना तमन्नाचा हा लूक आवडला आहे, तर काही नेटकऱ्यांनी तिला कपडे नीट परिधान करण्याचा सल्ला दिला आहे. दरम्यान, तमन्ना ही सोशल मीडियावर सक्रिय असल्याचे दिसते. सोशल मीडियावर फोटो आणि व्हिडीओ शेअर करत ती चाहत्यांच्या संपर्कात राहते.