World Cup 2019 : उपांत्य सामन्यातील पराभवानंतर कोण ठरतंय आमिरच्या टीकेचं धनी?

मुंबई : मँचेस्टर येथे पार पडलेल्या यंदाच्या क्रिकेट विश्वचषकातील उपांत्य सामन्याच भारतीय क्रिकेट संघाला न्यूझीलंडच्या संघाकडून पराभवाचा स्वीकार करावा लागला. निसटती का असेना, पण भारतीय संघाने या सामन्यात विजयी छाप पाडावी अशीच क्रीडा रसिकांची अपेक्षा होती. पण, ही गणितं चुकली आणि सर्व गडी बाद होत विराटसेना १८ धावांनी किवींच्या संघाकडून पराभूत झाली. 

विराट कोहलीच्या नेतृत्वाखाली विश्वचषक स्पर्धेत उतरलेल्या भारतीय संघाचा हा पराभव खरंतर अनेकांनाच निराश करुन गेला. पण, या पराभवाकडे सकारात्मक दृष्टीने पाहात सर्वांनीच या स्पर्धेतील संघाच्या आतापर्यंतच्या कामगिरीची प्रशंसा केली. यामध्ये बॉलिवूड कलाकारही मागे नाहीत. 

हरलो तर काय झालं... असं म्हणत कलाकारांनी संघातील खेळाडूंचं प्रोत्साहन वाढवत आतापर्यंतच्या खेळाबद्दल त्यांची प्रशंसा केली. शिवाय त्यांचे आभारही मानले. 

'परफेक्शनिस्ट' म्हणून ओळखला जाणारा अभिनेता आमिर खान याने सामन्याच्या पराभवासाठी पावसाला दोष देत एका सर्वसामान्य क्रिकेट रसिकाप्रमाणे आपलं मन मोकळं केलं. 'काल म्हणजेच मंगळवारच्या दिवशी पाऊस पडला नसला तर आज (बुधवारी) चित्र काही वेगळं असतं.... असो भारतीय संघ चांगला खेळला, आम्हाला तुमचा गर्व वाटतो', असं त्याने ट्विटमध्ये लिहिलं. एका अर्थी पाऊसच आमिरच्या टीकेचा धनी ठरला असं म्हणायला हरकत नाही. 

.@imVkohli @BCCI #TeamIndia pic.twitter.com/a9mCqYKSGo

— Aamir Khan (@aamir_khan) July 10, 2019

Hard luck team india .. played a very spirited game through the tournament the wicket of Dhoni and his walk back just broke my heart #INDvsNZ proud nonetheless pic.twitter.com/iGCPhIhLEU

— Randeep Hooda (@RandeepHooda) July 10, 2019

विनोदवीर सुनील ग्रोव्हरने न्यूझीलंडच्या संघाच्या गोलंदाजी आणि क्षेत्ररक्षणाची प्रशंसा केली. तर, ज्येष्ठ अभिनेते ऋषी कपूर यांनीही किवींच्या संघाचं कौतुक केलं. 

Wish we had won we lost by 2cms today when Dhoni got run out. Team India played well in the tournament. Proud of their commitment. Congratulations NewZealand. Great fielding and bowling. 

— Sunil Grover (@WhoSunilGrover) July 10, 2019

Well played New Zealand, well played India! Underdogs did it.

— Rishi Kapoor (@chintskap) July 10, 2019

I hate to sound like an old school uncle( trollers will say aunt but it’s not about me) whn I say ..”nazar lag gayee..”the boys fought valiantly and had a great run! We must applaud their incredible journey..not just focus on the destination! #ICCCWC2019 @imVkohli and team INDIA

— Karan Johar (@karanjohar) July 10, 2019

So so so proud of you #TeamIndia ...what a match it was...got excited and shouted like a kid after so many years... much much love

— Mohd. Zeeshan Ayyub (@Mdzeeshanayyub) July 10, 2019

Respect and thank you team india for giving us everything. #NZvsIND

— Varun Dhawan (@Varun_dvn) July 10, 2019

भारतीय क्रिकेट संघाचे आभार मानत त्यांच्यामुळे आज एका लहान मुलाप्रमाणे उत्साहाच्या भरात अक्षरश: किंचाळत सामन्याचा आनंद घेतल्याचं अभिनेता मोहम्मद झिशान आयुब याने ट्विट करत सांगितलं. तर, वरुण धवन याने भारतीय संघाप्रती आपल्याचा आदर असल्याची भावना व्यक्त केली.