Belly Fat: सुटलेल्या पोटाचा घेर कमी करायचा असेल तर आहारात घ्या 'ही' फळं!

मुंबई : बरेच लोक वजन कमी करण्यासाठी कमी जेवतात किंवा उपाशी राहून जलद वजन कमी करण्याचा प्रयत्न करतात. अशा प्रकारे तुम्ही तुमचं वजन कमी करू शकता, परंतु कमी खाण्याने किंवा उपाशी राहिल्याने तुमचं आरोग्य बिघडू शकतं. आम्ही तुम्हाला सांगतो की, योग्य आहार न घेतल्याने तुमच्या शरीराला पोषक तत्व मिळत नाहीत, ज्यामुळे तुमचे शरीर कमजोर होऊ शकतं.

जर तुम्हाला तुमच्या पोटाची चरबी म्हणजेच बेली फॅट कमी करायचं असेल तर तुम्ही तुमच्या आहारात काही फळांचा समावेश करू शकता. आपण आपल्या आहारात कोणती फळे समाविष्ट करावीत हे जाणून घ्या.

सफरचंद

तुम्हाला माहितीये का बेली फॅट कमी करण्यासाठी सफरचंद हे फळ तुम्हाला मदत करू शकतं. याचं कारण म्हणजे सफरचंदामध्ये भरपूर प्रमाणात फायबर असतं, जे तुमच्या पचनतंत्र चांगलं ठेवण्याचं काम करतं. याशिवाय दररोज एक सफरचंद खाल्ल्याने तुम्ही अनेक आजारांपासूनही दूर राहू शकता.

पपई

पपईचे सेवन केल्याने वजन आणि पोटावरील चरबी कमी होण्यास मदत होते. पपईमध्ये भरपूर प्रमाणात फायबर आणि अँटीऑक्सिडंट असतात जे आपल्या शरीरासाठी खूप फायदेशीर असतात. त्यामुळे पचनक्रिया व्यवस्थित राहण्यास मदत होते.

किवी

वजन कमी करण्यासाठी किवी हे एक उत्तम पदार्थ आहे. किवीमध्ये व्हिटॅमिन सी, व्हिटॅमिन ई, फोलेट आणि फायबर भरपूर प्रमाणात असतं. याशिवाय किवीच्या बिया पचनास मदत करतात. त्याच वेळी, किवीच्या हिरव्या भागामध्ये विद्रव्य फायबर आढळतो. ज्यामुळे तुमचे पोट जास्त काळ भरलेलं राहतं. जर तुम्हाला गोड खावेसं वाटत असेल तर तुम्ही किवीचे सेवन करू शकता.