GK: चहा प्याल तर काळे व्हाल! लहानपणी तुम्हाला असं सांगितलं होतं? काय सांगत विज्ञान

Does drinking tea makes your skin darker caffeine effects tea turns skin colour know science in marathi

Caffeine Effects on Body : भारतात असंख्य चहा वेडे आहेत असं म्हटलं वावग ठरणार नाही. भारतीयांची सकाळी ही चहाशिवाय होतं नाही. दिवसात चार पाच कप चहा ते सहज रिचवू शकतात. सकाळी उठल्यावर वाफाळलेला गरमा गरम हा आणि त्यासोबत चपाती, बिस्किट किंवा आंबोळे असे अनेक पदार्थ खाल्ली जातात.  अगदी लहान मुलांनाही चहा खूप आवडतो. लहान मुलांसाठी चहा पिणे योग्य नाही असं म्हणतात. मग अशावेळी लहानपणी चहा प्यायचा हट्ट केल्यावर घरातील मोठी मंडळी हमखास हे वाक्य म्हणायची "चहा प्यायला तर काळी होशील".  तुम्ही पण म्हणतात तुमच्या मुलांना हे वाक्य? हे वाक्य आम्ही तुम्ही कधी ना कधी ऐकलं आहे किंवा म्हटलं आहे. पण खरंच चहा प्यायल्याने आपण काळे पडतो का? खरंच असं काही घडतं का? शास्त्र काय सांगतं त्याबद्दल ते आज आपण जाणून घेणार आहोत. (Does drinking tea makes your skin darker caffeine effects tea turns skin colour know science in marathi )

मेलेनिन आनुवंशिकता त्वचेचा रंग ठरवते

शास्त्रानुसार मेलॅनिनच्या अनुवांशिकतेने माणसाच्या त्वचेचा रंग हा ठरला जातो. मेलॅनिन यटा घटकामुळे मानव हा गोरा, सावळा किंवा काळा रंगाची त्वचा घेऊन जन्माला येतो. अनेक संशोधनांमध्ये असा दावा करण्यात आला आहे की, चहा प्यायल्याने त्वचेच्या रंगावर त्याचा काहीही परिणाम होतं नाही.  या उलट योग्य प्रमाणात चहा प्यायल्याने शरीराला अनेक फायदेच होतात. 

मग लहान मुलांनी चहा का प्यायला नको? 

खरं तर, चहाच्या पानात आढळणारे कॅफिन हे मुलांच्या आरोग्यासाठी हानीकारक असतं. जर एखाद्याला चहाचं व्यसन लागलं तर त्यातून तुमची मुक्तता होणे कठीण असतं. त्यामुळे लहान मुलांना चहा पिण्याची सवय लागू नाही म्हणून घरातील मंडळी रंग काळा होण्याची भीती दाखवून त्यांना चहा देत नाहीत. 

चहा प्यायचा हट्ट करणाऱ्या मुलांना भीतीसाठी हे वाक्य नंतर घरोघरी बोलं जाऊ लागलं. मुलांना चहा पिण्यापासून रोखण्याची ही पद्धत हळूहळू अगदी देशभर लोकप्रिय झाली. 

'हे' आहेत चहा पिण्याचे तोटे

चहाच्या पानात कॅफिन असल्यामुळे अनेक वेळा पोटात गॅस होऊन पचनशक्तीशी संबंधित समस्यांना तुम्हाला होऊ शकतो.शिवाय रिकाम्या पोटी चहा प्यायल्याने हायपर अॅसिडिटी आणि अल्सरचा धोका मोठ्या प्रमाणात वाढतो. 

हेसुद्धा वाचा -  सकाळी उठल्याबरोबर उशी आणि चादरीवर 'या' खुणा दिसतायत का? असू शकतात कॅन्सरची लक्षणं

चहा किती प्यावा?

एका अहवालानुसार, निरोगी व्यक्तीने दिवसभरात फक्त 1-2 कप चहा घेणे योग्य आहे. त्यापेक्षात जास्त चहा घेऊ नये. शिवाय, सर्दी किंवा घसा खवखवल्यास आपण 2-3 कप हर्बल चहा घेऊ शकतो. 

हेसुद्धा वाचा - तुम्ही रात्री अचानक झोपेतून उठता? मग शरीराचा 'हा' भाग होतोय खराब

(वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. कुठलीही लक्षणं जाणवल्यास डॉक्टरांचा सल्ला घ्या.)