Home Remedies: रोजच्या दिनक्रमात बडीशेप - जीरे चहाचा करा समावेश, बघा चमत्कार! या आजारांपासून होईल सुटका
Herbal Tea: अनेकांची सकाळ ही चहा पिण्याने होते. मात्र, चहा आरोग्यासाठी हानीकारक आहे. मात्र, तुम्ही हर्बर चहा घेतला तर तो नक्कीच तुमच्या फायद्याचे असणार आहे. बडीशेप आणि जीरे यांचा चहा घेतला तर अनेक आजार पळून जातील.
)
Fennel- Cumin Tea Benefits: अनेकांना सकाळी चहा हा लागतो. त्याशिवाय त्यांच्या दिवसाची सुरुवात होत नाही. (Health Tips) मात्र, साखरेचा चहा आरोग्यासाठी चांगला नाही. (Health News) त्यामुळे तुम्ही हर्बल चहाला प्राधान्य दिले तर तुमची सुरुवातही चांगली होईल आणि आरोग्यासाठी तो एक वरदान राहिल. बडीशेप आणि जिऱ्याचा चहा आरोग्यासाठी खूप फायदेशीर आहे. हा चहा प्यायल्याने लठ्ठपणा, पचन यांसारख्या अनेक समस्यांपासून सुटका मिळते. बडीशेप आणि जिऱ्याचा चहा कसा बनवायचा आणि त्याचे फायदे काय आहेत.
बडीशेप आणि जीरे जेवणात मसाले म्हणून वापरले जाते. तसेच जेवण केले किंवा काही खाल्ल्यानंतर बडीशेप माऊथ फ्रेशनर म्हणून वापरले जातात. हे दोन्ही पदार्थ औषधी गुणधर्मांनी परिपूर्ण आहेत. बडीशेप आणि जिऱ्याचा चहा पिण्याचे अनेक फायदे आहेत. बडीशेप आणि जिऱ्यामध्ये जीवनसत्त्वे, प्रथिने, फायबर्स आणि कार्बोहायड्रेट्स आढळतात. हा चहा अनेक खनिजे आणि अँटिऑक्सिडंट्सने समृद्ध आहे. सकाळी रिकाम्या पोटी बडीशेप-जिऱ्याचा एक कप चहा प्यायल्याने शरीरातील विषारी पदार्थ बाहेर टाकले जातात. हा चहा पचन आणि लठ्ठपणा यांसारखे अनेक आजार बरे करतो.
हा चहा कसा बनवायचा?
बडीशेप आणि जिऱ्याचा चहा बनवण्यासाठी अर्धा चमचा बडीशेप आणि अर्धा चमचा जिरे एक ग्लास पाण्यात रात्रभर भिजत ठेवा. हे पाणी सकाळी उकळून घ्या आणि गाळून प्या.
वजन कमी
बडीशेप आणि जीरे चयापचय सुधारण्याचे काम करतात आणि वजन कमी करण्यास मदत करतात. हा चहा प्यायल्याने चरबी लवकर बर्न होते. भुकेवर नियंत्रण ठेवण्यासाठीही हे गुणकारी आहे. बडीशेप आणि जिऱ्याचा चहा रोज सकाळी रिकाम्या पोटी प्यायल्यास लठ्ठपणाची समस्या दूर होऊ शकते.
पचनासाठी चांगला
बडीशेप आणि जिऱ्याचा चहा पचनासाठी फायदेशीर आहे. बडीशेप ही पाचक चांगली मानली जाते, त्यामुळे जेवणानंतर बडीशेप खाल्ली जाते. बडीशेप आणि जिऱ्याचा चहा चरबी कमी करण्याचे काम करते. जर तुम्हाला अपचन किंवा गॅस सारख्या समस्या असतील तर या चहाला तुमच्या दिनचर्येचा भाग बनवा, पचनाशी संबंधित सर्व समस्यांपासून सुटका मिळेल.
रक्ताभिसरण सुधारणे
बडीशेप आणि जिरे चहामध्ये असलेले पोषक तत्व रक्ताभिसरण सुधारण्यास मदत करतात. हे शरीरातून यूरिक अ‍ॅसिड काढून टाकते. एका जातीची बडीशेप आणि जिरे देखील नवीन पेशी तयार करण्यास मदत करतात.
त्वचेसाठी फायदेशीर
बडीशेप आणि जिरे शरीराला डिटॉक्स करतात. हा चहा प्यायल्याने रक्ताभिसरणही चांगले होते. रक्ताची घाण बाहेर येते. हा चहा त्वचेच्या पेशींची दुरुस्ती करून चेहऱ्याचा रंग सुधारतो. बडीशेप आणि जिरे यांचा चहा प्यायल्याने त्वचेच्या अनेक समस्यांपासून सुटका मिळते.