यकृत सडवून टाकतात 'हे' आजार; डोळ्यात होणारा पिवळसर बदल त्याचं मुख्य लक्षण

What Is Liver Cirrhosis:  लिव्हर सिरोसिस हा सायलेंट किलर मानला जातो. कारण असा आहे की, हा आजार कोणत्याही विशिष्ट लक्षणांशिवाय हळूहळू वाढतो, ज्यामुळे सुरुवातीच्या टप्प्यावर तो ओळखणे जवळजवळ अशक्य आहे. पण या लिव्हर सिसोरिसमुळे शरीरात कोणते बदल आहेत यावर लक्ष ठेवणे गरजेचे आहे. त्यासाठी सुरुवातीला ते समजून घेणे गरजेचे आहे. कारण हा आजार ओळखण्यास उशीर झाल्यास यकृत पूर्णपणे सडतो.

कसा होतो लिव्हर सिरोसिस 
जेव्हा यकृत खराब होत राहते तेव्हा सिरोसिस होतो. जरी यकृत स्वत: ची दुरुस्ती करण्यास सक्षम आहे, परंतु वारंवार दुखापत झाल्यास नवीन पेशी तयार होऊ शकत नाहीत. त्यामुळे यकृताला आजारांनी घेरले आणि सडण्यास सुरुवात होते.

सिरोसिसची लक्षणे
भूक न लागणे वजन कमी होणे थकवा आणि अशक्तपणा पोटदुखी किंवा अस्वस्थता पाय किंवा पोटात सूज येणे त्वचा आणि डोळे पिवळे होणे त्वचेत खाज येणे गडद रंगाचे मूत्र हलक्या रंगाचे मल होणे ही सिरोसिस आजाराची लक्षणे आहेत. 

सिरोसिस होण्याचे कारण 
अल्कोहोलचे सतत आणि जास्त सेवन यकृताच्या पेशींना थेट नुकसान करते, ज्यामुळे जळजळ होते. हिपॅटायटीस बी विषाणूजन्य संसर्गावर वेळेवर उपचार न केल्यास सिरोसिसचा धोका वाढतो. लठ्ठपणा आणि मधुमेह असलेल्या लोकांना खाण्याच्या चुकीच्या सवयींमुळे सिरोसिसचा धोका जास्त असतो. याशिवाय, ऑटोइम्यून हेपेटायटीसमध्ये शरीराची रोगप्रतिकारक शक्ती यकृताच्या पेशींवर चुकीच्या पद्धतीने हल्ला करते, ज्यामुळे सिरोसिसचा धोका असतो.

सिरोसिसवर उपाय काय 
सिरोसिसचा उपचार त्याच्या तीव्रतेवर आणि कारणावर अवलंबून असतो. अशा परिस्थितीत, ही स्थिती बरी करण्यासाठी, मद्यपान पूर्णपणे बंद करणे, हिपॅटायटीससाठी अँटीव्हायरस घेणे आणि निरोगी जीवनशैलीसह संतुलित आहार घेणे आवश्यक आहे.

सिरोसिसवर उपचार 
सिरोसिस टाळण्यासाठी, जोखीम घटकांपासून दूर राहणे आवश्यक आहे. यामध्ये अल्कोहोलचे सेवन मर्यादित करणे, हिपॅटायटीस विरूद्ध लसीकरण करणे, वजन नियंत्रित करणे आणि यकृताची नियमित तपासणी करणे समाविष्ट आहे.

(Disclaimer -  वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. कुठलीही लक्षणं जाणवल्यास डॉक्टरांचा सल्ला घ्या.)