पाहुण्यांना चहा देण्यापूर्वी आधी पाण्याचा ग्लास का देतात? ही गोष्ट योग्य की अयोग्य?
Tips For Chai Lovers : भारतीय घरातील सकाळ आणि संध्याकाळ ही चहाने होते. पण चहा घेण्यापूर्वी आई आपल्याला पाण्याचा ग्लास देते आणि मग आपण चहा घेतो. ही सवय योग्य की अयोग्य जाणून घ्या.
)
Tips For Chai Lovers : भारतात तुम्हाला कानाकोपऱ्यात चहाची टपरी दिसेल, नाहीतर रस्त्यावरुन एका सायकलवर चहा घेऊन जाणारा माणूस दिसेल. कारण भारतात चहाप्रेमी असंख्य आहेत. भारतीय घरातील सकाळ आणि संध्याकाळ ही चहाशिवाय होत नाही. पाहुणे आपल्यावरही आपण सर्वात पहिले चहा करतो. पण तुम्ही कधी पाहिलं का घरातील महिला या चहा किंवा कॉफी देण्यापूर्वी पाण्याचा ग्लास देतात. शिवाय अनेकांना चहा किंवा कॉफी घेण्यापूर्वी पाणी पिण्याची सवय असते. मग ही तुमची सवय योग्य की अयोग्य याबद्दल आहारतज्ञ स्वाती बिश्नोई यांचं काय म्हणं आहे जाणून घ्या. (Why is a glass of water served to guests before tea Is this right or wrong)
चहा पिण्यापूर्वी पाणी का प्यावे?
आहारतज्ञ स्वाती बिश्नोई म्हणतात की चहा आपल्या शरीरात मूत्र उत्पादन वाढवून शरीरातील पाणी कमी होण्यास प्रोत्साहन देते, ज्यामुळे आपल्या मेंदूतील पाण्याचा साठा कमी होतो. त्यामुळे तुमचे शरीर हायड्रेट राहण्यासाठी चहापेक्षा जास्त पाणी पिणे महत्त्वाचे आहे. स्वाती बिश्नोई यांच्या मते, चहा किंवा कॉफी पिण्याआधी आपण पाणी नीट प्यावे. कारण चहाची Ph पातळी 6 असते आणि कॉफीची 5 असते. आम्ही तुम्हाला सांगतो की जेव्हा Ph पातळी 7 पेक्षा कमी असते तेव्हा ती गोष्ट आम्लयुक्त असते. जर तुम्ही अशा गोष्टींचे सेवन करत असाल तर तुम्हाला ॲसिडिटी किंवा बद्धकोष्ठतेच्या समस्येला नक्कीच सामोरे जावे लागेल, परंतु धोका कमी करण्यासाठी भरपूर पाणी प्या.
ॲसिडिटी अनेक आजारांना आमंत्रण देते
स्वाती बिश्नोई यांच्या मते ॲसिडिटी अनेक आजारांना आमंत्रण देते. ॲसिडिटीमुळे तुम्ही कॅन्सर, अल्सर आणि इतर अनेक आजारांना बळी पडू शकता. चहाप्रेमी रोज चहा पीत असतात, पण ते आपल्या आरोग्याबाबत तेवढे जागरूक नसतात. हे पिऊन ते आपल्या पोटाच्या आरोग्याशी खेळत आहेत. जर तुम्हाला चहा प्यायचा असेल तर तो अशा प्रकारे प्या जेणेकरून तुमच्या आरोग्याला हानी पोहोचणार नाही. आतापासून या महत्त्वाच्या टिप्स लक्षात ठेवून तुम्ही चहा किंवा कॉफीचे सेवन केल्यास तुम्हाला पोटाशी संबंधित समस्यांना सामोरे जावे लागणार नाही.
(Disclaimer - वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. कुठलीही लक्षणं जाणवल्यास डॉक्टरांचा सल्ला घ्या.)