Reels पाहताना तुम्हालाही हा नवरदेव दिसतो का? साधा समजू नका, महिन्याला 25 लाख कमवतो!

Raja Vlogs Monthly Income: गेल्या काही दिवसांपासून सोशल मीडियावर एका व्यक्तीचे व्हिडीओ प्रचंड व्हायरल होत आहेत. याचं कारण या व्यक्तीने आपल्या लग्नातील प्रत्येक छोट्या मोठ्या विधीचा व्हिडीओ शूट केला आहे. त्याने सप्तपदीपासून ते मधुचंद्रापर्यंत प्रत्येक गोष्ट कॅमेऱ्यात कैद केली  आहे. यामुळे त्याला रीलवाला नवरा असं नावंही पडलं आहे. यानंतर युजर्सनी त्याला वेगवेगळे सल्ले दिले असून, काहींनी या फिल्मी दुनियेतून बाहेर पड सांगितलं आहे. पण या व्हिडीओंनी मिलियनमध्ये व्हूय आहेत. दरम्यान ज्याने ही रील शूट केली आहे, त्याचं नाव राजा असून, त्याचे प्रचंड फॉलोअर्स आहेत. इतकंच नाही तर त्याच्या महिन्याच्या कमाईचा आकडा लाखोंमध्ये आहे.

सोशल मीडियावर Raja vlogs सध्या चर्चेत असून, खूप प्रसिद्धी मिळवत आहे. खासकरुन इंस्टाग्राम आणि युट्बूयवर फार व्हायरल झालं आहे. या सर्वांमागे जी व्यक्ती आहे तिचं नाव राजा कुमार आहे. तो युट्यूब आणि इतर सोशल मीडिया प्लॅटफॉर्मसाठी कंटेंट तयार करतो. जाणून घ्या त्याच्याबद्दल. 

Raja vlogs काय आहे?

Raja vlogs हे राजा कुमारच्या चॅनेलचं नाव आहे. तुम्हाला युट्यूब, इंस्टाग्राम तसंच इतर प्लॅटफॉर्मवर Raja vlogs नावाने अकाऊंट सापडतील. 

सध्याच्या सोशल मीडिया इन्फ्लुएन्सच्या जमान्यात Raja vlogs फार प्रसिद्ध असणाऱ्यांपैकी आहे. त्याच्या चॅनेल, अकाऊंटवर तुम्हाला मनोरंजन, लाइफस्टाइल तसंच इतर कंटेंट पाहायला मिळेल. युट्यूबवर त्याचे तब्बल 10 कोटी 42 लाख मिलियन फॉलोअर्स आहेत. याशिवाय इंस्टाग्रामलाही त्याचे प्रचंड फॉलोअर्स आहेत. राजा कुमार इंस्टाग्रामला रील शेअर करत असतो. यामध्ये त्याच्यासह त्याचे आई,वडील आणि कुटुंब दिसत असतं. 

राजा कुमारबद्दल जाणून घ्या 

राजा कुमारचा जन्म सप्टेंबर 1994 मध्ये झाले आहेत. तो मूळचा बिहारच आहे. त्याची आधीपासूनच अभिनय करण्याची इच्छा होती. आजही तो आपली आवड जोपासत आहेत. आपल्या अभिनय आणि कंटेंटमुळे देशभरात त्याला ओळख मिळाली आहे. 

गाड्याचं कलेक्शन?

इतका प्रसिद्ध असतानाही राजा कुमारकडे कोणतीही लक्झरी कार नाही. तो फार साधं आयुष्य जगत आहे. काही दिवसांपूर्वी त्याने टीव्हीएस एजन्सीत दुचाकीच्या चाव्यांसह फोटो काढला होता. यशिवाय त्याच्याकडे ज्युपिटरची स्कूटर आहे जी अनेकदा फोटो, व्हिडीओत दिसत असते. 

राजा कुमार इंस्टाग्रामला प्रचंड प्रसिद्ध आहे. त्याचे इंस्टाग्रामला 3.8 मिलियन फॉलोअर्स आहेत.  Raja Vlogs मात्र फक्त 33 लोकांना फॉलो करतो. त्याच्या इंस्टाग्राम अकाऊंटला 4587 पोस्ट आहेत. त्याच्या प्रत्येक पोस्टला मिलियन व्ह्यूज आणि लाईक्स मिळतात. 

Youtube सबस्क्रायर्स किती?

राजा कुमार युट्यूबवरही तितकाच प्रसिद्ध आहे. त्याचे युट्यूबवर 1.33 मिलियन फॉलोअर्स आहेत. त्याला युट्यूबकडून सिल्व्हर आणि गोल्डन बटण मिळालं आहे. त्याने युट्यूबवर एक हजाराहून अधिक व्हिडीओ आतापर्यंत शेअर केले आहेत. 

महिन्याची कमाई आणि संपत्ती

इतके फॉलोअर्स असल्याने राजा कुमारची कमाई कितकी असेल याचा तुम्हाला थोडाफार अंदाज आलाच असेल. Raja Vlogs  इंस्टाग्राम आणि युट्यूबवरुन प्रायोजकत्व यासह दरमहा सुमारे 10 ते 25 लाख रुपये कमावतो. त्याच्या एकूण संपत्तीबद्दल बोलायची झाल्यास ती 4 ते 5 कोटींच्या दरम्यान आहे.