शाळेची बस दरीत कोसळली, २६ चिमुरड्यांसहीत २९ ठार

नवी दिल्ली : हिमाचल प्रदेशच्या कांगडामध्ये शाळेची बस दरीत कोसळून मोठी दुर्घटना घडलीय. या दुर्घटनेत शाळेतील २६ चिमुरड्यांसहीत २९ जण ठार झालेत. मुलांशिवाय या शाळेच्या बस अपघातात दोन शिक्षक आणि ड्रायव्हरचाही मृत्यू झालाय. या बसमधून एकूण ४० जण प्रवास करत होते, अशी माहिती मिळतेय.

मुख्यमंत्री जयराम ठाकूर यांनी या घटनेच्या चौकशीचे आदेश दिलेत. कांगडा जिल्ह्यातील नूरपूरमध्ये ही घटना घडली. एनडीआरएफची टीम घटनास्थळी दाखल झालीय. बचावकार्य वेगानं सुरु आहे. 

Himachal Pradesh: At least 4 students killed, 25 injured when their school bus fell into a deep gorge in Kangra's Nurpur. NDRF team at the spot. Rescue operation underway. More details awaited. pic.twitter.com/U5hkigwQ3Q

— ANI (@ANI) April 9, 2018

शाळेमधून सुटलेल्या मुलांना घरी पोहचवण्यासाठी ही बस निघाली होती. प्राथमिक माहितीनुसार, या बसचा वेग जास्त होता... वळणावळणाच्या रस्त्यावर ड्रायव्हरचं वेगावरचं नियंत्रण सुटलं आणि बस खोल दरीत कोसळली.