ITR बाबत सरकारचा मोठा आदेश, जाणून घ्या आता नवीन डेडलाइन

मुंबई : Income Tax Return filing Update: आयटीआर फाइल  (Filing ITR ) करण्याची शेवटची तारीख ( ITR Filing last Date) 31 जुलै होती. त्यानंतर सरकारने ही तारीख पुढे वाढवली नाही. म्हणजेच, जर तुम्ही तुमचा ITR भरला नसेल तर तुम्हाला आता दंड भरावा लागेल. दरम्यान, सरकारने आयटीआरचा एक नियम बदलला आहे. सरकारने ई-व्हेरिफिकेशनचे नियम कडक केले आहेत. अर्थ मंत्रालयाने जारी केलेल्या अधिसूचनेनुसार, आता अशा लोकांना ई-व्हेरिफिकेशनसाठी फक्त 30 दिवसांचा अवधी मिळणार आहे.

विभागाने जारी केले आदेश!

सरकारच्या नवीन आदेशानुसार, आयकर विभागाने आयकर रिटर्न भरल्यानंतर आयटीआर-व्ही ई-व्हेरिफिकेशन किंवा आयटीआर-व्ही ची हार्ड कॉपी सादर करण्याची मुदत 1 ऑगस्टपासून विद्यमान 120 दिवसांपासून 30 दिवसांपर्यंत कमी केली आहे.  विभागाने 29 जुलै रोजी अधिसूचना जारी करून मुदतीत बदल जाहीर केला होता. 

1 ऑगस्ट रोजी किंवा त्यानंतर आयकर रिटर्न भरणाऱ्या करदात्यांना हे नियम लागू होतील. CBDT च्या नवीन अधिसूचनेनुसार, आता इलेक्ट्रॉनिक पद्धतीने रिटर्न सादर करण्याची तारीख समान मानली जाईल जेव्हा फॉर्म ITR-V इलेक्ट्रॉनिक पद्धतीने डेटा ट्रान्समिशनच्या तारखेपासून 30 दिवसांच्या आत सबमिट केला जाईल.

पडताळणी अनिवार्य  

आयकर कायद्यानुसार, 'आयटीआर दाखल केल्यानंतर त्याची पडताळणी न केल्यास ती वैध मानली जाणार नाही. नियमानुसार तुम्ही सहा प्रकारे याची पडताळणी करु शकता. साधारणपणे, ITR-1, ITR-2 आणि ITR-4 चे ऑडिट आवश्यक नसते. आयटीआरची पडताळणी कोणत्या मार्गांनी केली जाऊ शकते ते तुम्ही जाणून घ्या.

तुम्ही या मार्गांनी ITR e-verify करू शकता

1. आधार OTP द्वारे
2. नेट बँकिंगद्वारे ई-फायलिंग खात्यात लॉग इन करून
3. EVC बँक खाते क्रमांक द्वारे
4. डीमॅट खाते क्रमांकाद्वारे ईव्हीसी 
5 बँकेच्या एटीएमद्वारे ईव्हीसी
6. CPC, बंगळुरू येथे ITR-V ची स्वाक्षरी केलेली प्रत पोस्टाद्वारे पाठवू शकता

आधारद्वारे ITR E-Verify कसे करावे

स्टेप 1:  तुमच्या ई-फायलिंग खात्यात प्रवेश करण्यासाठी https://www.incometax.gov.in वर जा .
स्टेप 2:  क्विक लिंक्स अंतर्गत ई-व्हेरिफाय रिटर्न पर्याय निवडा.
स्टेप  3:  यामध्ये, आधारसोबत नोंदणीकृत मोबाईल नंबरवर OTP वापरून Verify निवडा. त्यानंतर e-Verify स्क्रीनवर क्लिक करा.
स्टेप  4:  आधार OTP स्क्रीनवर चेक केल्याप्रमाणे 'Agree to Verify Aadhaar Details' निवडा. त्यानंतर Generate Aadhaar OTP वर क्लिक करा.
स्टेप  5:  तुमच्या आधार-नोंदणीकृत मोबाइल नंबरवर पाठवलेला 6-अंकी ओटीपी प्रविष्ट केल्यानंतर, व्हॅलिडेट वर क्लिक करा.
स्टेप  6: लक्षात ठेवा हा OTP फक्त 15 मिनिटांसाठी वैध आहे. तुम्हाला योग्य OTP टाकण्यासाठी तीन संधी दिली जातील. तुम्हाला स्क्रीनवर एक OTP एक्सपायरी काउंटडाउन टाइमर देखील दिसेल, जो तुम्हाला OTP प्राप्त झाल्यावर सूचित करेल. जेव्हा तुम्ही पुन्हा पाठवा OTP वर क्लिक कराल तेव्हा एक नवीन OTP जनरेट होईल आणि तुम्हाला तो मिळेल.
स्टेप 7:  आता सक्सेस मेसेज आणि व्यवहार आयडी असलेले एक पृष्ठ दिसेल. पुढील वापरासाठी व्यवहार आयडी जवळ ठेवा. तुम्ही फाइलिंग पोर्टलवर दिलेल्या ई-मेल आणि मोबाईल नंबरवर एक पुष्टीकरण संदेश देखील पाठवला जाईल.