मुकेश अंबानींच्या चालकाचा महिन्याचा पगार खासगी कंपनीतील Executive पेक्षाही जास्त, त्याची रक्कम...

रिलायन्स इंडस्ट्रीजचे अध्यक्ष आणि व्यवस्थापकीय संचालक मुकेश अंबानी हे भारताच्या अर्थव्यवस्थेतील सर्वात मजबूत स्तंभांपैकी एक आहेत. एवढंच नव्हे त्यांच्या प्रचंड संपत्तीचा प्रभाव जगभर जाणवत आहे आणि त्याचा हिशोब लावणंही कठीण आहे. रिलायन्स इंडस्ट्रीने, अनेक दशकांमध्ये, विविध व्यवसाय आणि उद्योगांमध्ये प्रवेश करून देशाच्या आर्थिक व्यवस्थेला आकार देण्यात मोठी आणि मूलभूत भूमिका बजावली आहे.

अंबानी यांनी केवळ पायाभूत सुविधांचा उत्कृष्ट नमुनाच निर्माण केला नाही तर विविध क्षेत्रातील असंख्य व्यावसायिकांना नोकऱ्याही दिल्या आहेत.

मुकेश अंबानी यांनी 1958 मध्ये रिलायन्स इंडस्ट्रीची स्थापना करणारे त्यांचे वडील धीरूभाई अंबानी यांचा वारसा पुढे चालवला आहे. 17 जुलै 2024 पर्यंत, फोर्ब्सने मुकेश अंबानी यांना आशियातील सर्वात श्रीमंत व्यक्ती आणि जागतिक स्तरावर 11व्या श्रीमंत व्यक्ती म्हणून सूचीबद्ध केले आहे, ज्यांची एकूण संपत्ती सुमारे $122 अब्ज आहे.

मिळालेल्या माहितीनुसार, अंबानींचे वैयक्तिक वेतन 2008-2009 या आर्थिक वर्षापासून वार्षिक 15 कोटी रुपये इतके मर्यादित राहिले आहे. पण त्यांनी कायमच आपल्या प्रत्येक व्यवसायातील कर्मचाऱ्यांची ते अगदी पर्सनल स्टाफपर्यंत सगळ्यांचीच काळजी घेतली. 

मुकेश अंबानींच्या वैयक्तिक ड्रायव्हरचा वार्षिक आणि मासिक पगार हा एखाद्या खासगी कंपनीतील एक्झिक्युटिवपेक्षाही जास्त असल्याचं सांगण्यात येतं. 

अहवालात असे म्हटले आहे की, त्यांच्या खासगी ड्रायव्हरचे पगाराचे पॅकेज 24 एलपीए किंवा प्रति महिना 2 लाख रुपये आहे. 2017 मध्ये व्हायरल झालेल्या एका व्हिडिओमध्ये याबाबत माहिती होती.  सात वर्षांनंतर, ड्रायव्हरच्या पगारात लक्षणीय वाढ झाली आहे असे सहज गृहीत धरले जाऊ शकते. सध्याच्या पॅकेजबाबत सर्वसामान्यांमध्ये उत्सुकता आहे.

अंबानी कुटुंबाचे महत्त्व लक्षात घेता ड्रायव्हरसह प्रत्येक वैयक्तिक कर्मचारी सदस्याला चांगली ट्रेनिंग दिली जाते. तसेच त्यांना खासगी कंत्राटी कंपन्यांद्वारे नियुक्त केले जाते. तसेच अंबानींकडे व्यावसायिक ते लक्झरीपर्यंत विविध प्रकारच्या वाहन चालवण्याचे कौशल्य असलेले चालक आहेत. हे चालक प्रायव्हसी आणि प्रवाशांच्या सुरक्षिततेला नेहमी प्रथम स्थान देतात.

अहवालानुसार, मुकेश अंबानी आणि अंबानी कुटुंबाची वाहने बुलेटप्रूफ तंत्रज्ञानाने परिपूर्ण आहेत, तसेच यामधून सर्वोत्तम सुरक्षा दिली जाते.