Omicron : आंतरराष्ट्रीय प्रवाशांकरता आजपासून नवे नियम, ओमायक्रॉनबाबत सरकार सतर्क

ओमायक्रॉनचा धोका वाढतोय, काळजी घ्या 

Updated: Dec 1, 2021, 07:15 AM IST
Omicron : आंतरराष्ट्रीय प्रवाशांकरता आजपासून नवे नियम, ओमायक्रॉनबाबत सरकार सतर्क

मुंबई : आंतरराष्ट्रीय प्रवाशांसाठी, विशेषत: जोखीम असलेल्या देशांतून येणाऱ्या प्रवाशांसाठी कठोर नियम लागू झाले आहेत. कोविड-19, ओमायक्रॉन या नवीन प्रकाराबाबत मोठी चिंता व्यक्त केली जात आहे. वाढत्या चिंतेमुळे दक्षता वाढली आहे. महत्वाचे म्हणजे  भारतात आतापर्यंत Omicron चे एकही प्रकरण समोर आलेले नाही.

केंद्राकडून राज्यांना महत्वाचे आदेश 

ओमायक्रॉनच्या दहशतीदरम्यान, केंद्र सरकारने राज्ये आणि केंद्रशासित प्रदेशांना हे सुनिश्चित करण्यास सांगितले आहे की जोखीम असलेल्या देशांमधून येणाऱ्या प्रवाशांची आरटी-पीसीआर चाचणी पहिल्याच दिवशी केली जावी. त्याला आठव्या दिवशी पुन्हा तपासणी करण्यास सांगण्यात आले आहे. केंद्रीय आरोग्य सचिव राजेश भूषण यांनी मंगळवारी राज्यांनी हलगर्जीपणा करू नये आणि बाहेरून येणाऱ्या प्रवाशांवर कडक नजर ठेवण्याचा सल्ला दिला.

नवीन नियमांनुसार, जोखीम असलेल्या देशांमधून येणाऱ्या प्रवाशांसाठी RT-PCR चाचण्या अनिवार्य आहे. चाचणीचे निकाल आल्यानंतरच त्यांना विमानतळ सोडण्याची परवानगी दिली जाईल. याशिवाय इतर देशांतून येणाऱ्या प्रवाशांपैकी पाच टक्के प्रवाशांची कोविड-19 साठी तपासणी केली जाईल.

ट्रान्झिट फ्लाइट बुक करण्याआधी या गोष्टी लक्षात घ्या 

केंद्रीय आरोग्य मंत्रालयाने सल्ला दिला आहे की, जोखीम असलेल्या देशांतून येणाऱ्या आंतरराष्ट्रीय प्रवाशांनी RT-PCR चाचणीचे निकाल येईपर्यंत विमानतळावर थांबण्याची तयारी ठेवावी.  इतर गंतव्यस्थानांसाठी ट्रान्झिट फ्लाइट अगोदर बुक करू नका. याशिवाय, मंत्रालयाने राज्यांना सकारात्मक परिणाम जीनोम अनुक्रमासाठी INSACOG प्रयोगशाळेकडे पाठवण्यास सांगितले आहे.

डीजीसीएकडून पत्रक जाहीर 

दिल्लीसह देशाच्या इतर भागातील आंतरराष्ट्रीय विमानतळांनी नवीन नियम लागू करण्यासाठी तयारी केली आहे. DGCA ने 29 नोव्हेंबरपासून जारी केलेल्या परिपत्रकात म्हटले आहे की, 'प्रत्येक विमानतळावर जोखीम असलेल्या देशांतून येणाऱ्या प्रवाशांसाठी एक वेगळी जागा निश्चित केली जाऊ शकते. RT-PCR चाचणीच्या निकालांची प्रतीक्षा करतील. प्रवाशांसाठी योग्य त्या सोयी असाव्यात.