Petrol Price : कच्च्या तेलाची किंमत 72 डॉलरवर, पेट्रोल - डिझेलच्या किंमतींवर काय परिणाम होणार?

संग्रहित छाया

मुंबई : Petrol Price 03 June 2021 Update: तेल विपणन कंपन्यांनी (Oil Marketing Companies) सलग दोन दिवसांत देशांतर्गत बाजारात पेट्रोल आणि डिझेलच्या किंमती वाढवल्या नाहीत. मात्र, कच्च्या तेलाच्या बाजारात तेजी नोंदवली गेली. कच्च्या तेलाच्या किंमतींबाबतचा धोका आता वाढू लागला आहे, कारण कच्च्या तेलाने पुन्हा एकदा प्रति बॅरल 72 डॉलरच्या उच्चांकापर्यंत मजल मारली आहे. म्हणजे आगामी काळात पेट्रोल आणि डिझेलचे दर कमी होण्याची शक्यता नसल्याचे संकेत मिळत आहे. आता देशात काही राज्यांत अनेक ठिकाणी पेट्रोलने शंभरी पार केली आहे. त्यामुळे भविष्यात महागाईत आणखी भर पडण्याची शक्यता आहे.

चार महानगरांमधील पेट्रोलची किंमत 

 Price for 1 liter Petrol and Diesel in 4 Metros - इंडियन ऑईलच्या वेबसाइटवर दिलेल्या माहितीनुसार, आज राजधानी दिल्लीत एक लिटर पेट्रोलची किंमत (Petrol Price today in Delhi) 94.49 रुपये आहे तर डिझेलची किंमत  85.38  रुपये आहे. त्याचप्रमाणे मुंबईत पेट्रोल (Petrol price in Mumbai) 100.72 रुपये आणि डिझेल 92.69 रुपये, कोलकातामध्ये 94.50 रुपये आणि डिझेल 88.23 रुपये आणि चेन्नईमध्ये (Petrol Diesel Price Today) 95.99 रुपये आणि डिझेल 90.12 रुपयांवर पोहोचले आहे.

मे महिन्यामध्ये पेट्रोल 4.09 रुपयांनी महागले

मे महिन्यात आतापर्यंत पेट्रोल आणि डिझेलच्या किंमतीत 16 वेळा वाढ करण्यात आली आहे. पेट्रोल-डिझेलच्या किंमतीत 4 मेपासून सलग 4 दिवस वाढ करण्यात आली होती, तर निवडणुका झाल्यामुळे पहिल्या 18 दिवस पेट्रोल आणि डिझेलच्या दरात शांतता होती. मे महिन्याच्या संपूर्ण महिन्यात दिल्लीत पेट्रोलचा दर  4.09 रुपयांनी महागला आहे. या महिन्यात डिझेल 4.68 रुपयांनी महाग झाले आहे.

मार्च, एप्रिलमध्ये पेट्रोल-डिझेल स्वस्त झाले

सर्वसामान्यांना 15 एप्रिल रोजी महागड्या पेट्रोल आणि डिझेलपासून थोडा दिलासा मिळाला. एप्रिलमध्ये आणि मार्च महिन्यात पेट्रोल आणि डिझेलच्या किंमती तीनदा कमी करण्यात आल्या. 15 एप्रिल 2015 पूर्वी पेट्रोल आणि डिझेलच्या किंमतींमध्ये शेवटचा बदल होता. तर दिल्लीत पेट्रोल 22 पैसे तर डिझेल 23 पैसे स्वस्त होते. मार्चमध्ये पेट्रोल 61 पैशांनी तर डिझेल 60 पैशांनी स्वस्त झाले. मार्चमध्ये पेट्रोल आणि डिझेलच्या दरात तीन वेळा कपात करण्याचे सर्वात मोठे कारण म्हणजे जागतिक बाजारपेठेतील कच्च्या तेलाची झालेली घसरण होती. मात्र, आता उलट स्थिती झाली आहे. त्यामुळे तेलाच्या किमतीत वाढ होण्याची  शक्यता आहे.

पेट्रोल आणि डिझेलच्या किंमती कशा ठरतात

दररोज सकाळी 6 वाजता पेट्रोल आणि डिझेलच्या किंमती बदलतात. पेट्रोल आणि डिझेलच्या किंमतीत अबकारी शुल्क, डीलर कमिशन आणि इतर गोष्टी जोडल्यानंतर त्याची किंमत जवळजवळ दुप्पट होते. परदेशी विनिमय दरासह आंतरराष्ट्रीय बाजारात क्रूडचे दर काय आहेत यावर आधारित पेट्रोल आणि डिझेलचे दर दररोज बदलत असतात.

तेलाची किंमत जाणून घेऊ शकता

एसएमएसद्वारे आपण पेट्रोल आणि डिझेलचे दर देखील जाणून घेऊ शकता. इंडियन ऑइल ग्राहक संदेश बॉक्समध्ये टाइप करतात - दिल्ली किंमत जाणून घेण्यासाठी - RSP 102072 (RSP <space>Dealer Code of Petrol Pump)  आणि 9224992249 वर पाठवा. त्याचप्रमाणे मुंबईसाठी आरएसपी 108412, कोलकातासाठी आरएसपी 119941 आणि चेन्नईसाठी आरएसपी 133593 टाइप करा आणि 9224992249 वर पाठवा. असे केल्याने आपल्या मोबाइलवर आपल्याला नवीनतम दर मिळतील. त्याचप्रमाणे आपण अन्य शहरांचे कोड प्रविष्ट करुन आपल्या मोबाइल फोनवर नवीन किंमती तपासू शकता.