Ratan Tata Birth Anniversary : रतन टाटा किती संपत्ती मागे सोडून गेले

भारतीय उद्योगपती आणि टाटा सन्सचे माजी अध्यक्ष रतन टाटा आता या जगात नाही. परंतु त्यांनी केलेलं कार्य आणि त्यांचे विचार आजही प्रत्येकाच्या मनात घर करुन आहेत. बुधवार 28 डिसेंबर रोजी रतन टाटा यांची 86 वी जयंती आहे. ते देशातील सर्वात प्रतिष्ठित उद्योगपती होते. 1937 मध्ये मुंबईत जन्मलेले रतन टाटा हे त्यांच्या साधेपणा आणि नम्रतेसाठी ओळखले जात होते. भारतातील सर्वात नम्र व्यक्ती म्हणूनही त्यांची ओळख होती. बिझनेस टायकून असण्यासोबतच रतन टाटा हे मोटिव्हेशनल स्पीकर देखील होते. रतन टाटा यांनी आपल्यामागे किती संपत्ती ठेवून गेले. 

Add Zee News as a Preferred Source

एकूण मालमत्ता किती

रतन टाटा यांनी 100 हून अधिक देशांमध्ये टाटाद्वारे चालवल्या जाणाऱ्या 30 हून अधिक कंपन्यांची जबाबदारी सांभाळाली. 2022 च्या हुरुन इंडिया रिच लिस्टनुसार, रतन टाटा यांची एकूण संपत्ती 3,800 कोटी रुपये होती. यामुळे तो त्यावेळी जगातील 421 वा सर्वात श्रीमंत व्यक्ती बनला होता. रतन टाटा हे भारतातील सर्वात प्रतिष्ठित उद्योगपतींपैकी एक होते. त्यांच्या नेतृत्वाखाली टाटा समूहाने लक्षणीय प्रगती केली. 1991 ते 2012 या दोन दशकांहून अधिक काळ ते टाटा सन्स समूहाचे अध्यक्ष होते. सेवानिवृत्तीनंतरही ते टाटा ट्रस्टच्या माध्यमातून परोपकारी कार्यात गुंतले.

अडीच कोटी रुपये पगार

मीडिया रिपोर्ट्सनुसार, माजी चेअरमन म्हणून रतन टाटा यांना दरवर्षी 2.5 कोटी रुपये पगार मिळत होता. त्यांच्या उत्पन्नात टाटा सन्समधील त्यांच्या छोट्या वैयक्तिक स्टेकमधून लाभांशाचाही समावेश होता. त्यांच्या उत्पन्नातील बहुतेक भाग त्याच्या धर्मादाय उपक्रमांवर आणि स्टार्टअप्समधील गुंतवणुकीवर खर्च झाला. यामध्ये पेटीएम आणि ओलाचा समावेश आहे.

टाटा ट्रस्टला मालमत्ता दिली

टाटा समूहाच्या अध्यक्षांनी त्यांची मालमत्ता टाटा ट्रस्टला दिली आहे. टाटा सन्समध्ये ट्रस्टचा दोन तृतीयांश हिस्सा आहे. टाटा सन्सकडून मिळालेल्या लाभांशांपैकी सुमारे 60% सेवाभावी कारणांसाठी वाटप केले जातात. रतन टाटा यांच्या नेतृत्वाखाली टाटा ट्रस्टने आसाम, झारखंड, आंध्र प्रदेश आणि कर्नाटकमध्ये 10 कॅन्सर केअर सुविधा विकसित आणि प्रोत्साहन दिले. या सुविधा गरीब लोकांना जागतिक दर्जाचे उपचार उपलब्ध करून देतात.