नावही न ऐकलेल्या खेळाडूने 8 व्या नंबरवर येऊन झळकावलं शतक, ऑस्ट्रेलियात भारताची लाज राखली
Nitish Kumar Reddy Century : दिग्गज फलंदाज टीम इंडियासाठी मोठी खेळी करण्यात अपशयी ठरले असताना डेब्यू टेस्ट सीरिज खेळणाऱ्या 22 वर्षीय खेळाडूने भारतासाठी दमदार शतक झळकावलं.
)
IND VS AUS 4th Test : भारत विरुद्ध ऑस्ट्रेलिया (India VS Australia) यांच्यात 5 सामान्यांची बॉर्डर गावसकर ट्रॉफी (Border Gavaskar Trophy) टेस्ट सीरिज सुरु असून यातील चौथा सामना मेलबर्न येथे खेळवला जात आहे. मेलबर्न येथील सामन्यात पहिल्या इनिंगमध्ये ऑस्ट्रेलियाने 474 धावांची खेळी केली होती. तर ऑस्ट्रेलियाची ही आघाडी मोडीत काढताना टीम इंडियाची मात्र दमछाक झाली. दिग्गज फलंदाज टीम इंडियासाठी मोठी खेळी करण्यात अपशयी ठरले असताना डेब्यू टेस्ट सीरिज खेळणाऱ्या 22 वर्षीय खेळाडूने भारतासाठी दमदार शतक झळकावलं.
भारत विरुद्ध ऑस्ट्रेलिया बॉर्डर गावसकर ट्रॉफीमधून भारताकडून टेस्ट सीरिजमध्ये पदार्पण करणाऱ्या 22 वर्षांच्या नितीश कुमार रेड्डी (Nitish Kumar Reddy) मेलबर्न टेस्टमध्ये 8 व्या नंबरवर फलंदाजीसाठी आला. यावेळी त्याने वॉशिंग्टन सुंदरसोबत चांगली पार्टनरशिप कडून दमदार शतक झळकावले. नितीशने 172 बॉलमध्ये 104 धावा केल्या असून दरम्यान त्याने 10 चौकार आणि 1 षटकार ठोकले. टीम इंडियाचे अनुभवी फलंदाज एकामागोमाग एक पॅव्हेलियनमध्ये जात असताना नितीश कुमार रेड्डीने मैदानात जम बसवला आणि 83 बॉलमध्ये 51 धावा करत अर्धशतक ठोकले.
नितीश रेड्डीचं पुष्पा स्टाईल सेलिब्रेशन :
21 वर्षांच्या नितीश कुमार रेड्डी हा भारताकडून तिसरा सामना खेळत असून यात त्याने आतापर्यंतच्या टेस्ट क्रिकेटमध्ये जवळपास 179 धावा केल्या होत्या. मेलबर्नमध्ये ऑस्ट्रेलिया विरुद्ध ठोकलेलं अर्धशतक हे नितीश रेड्डीचे आंतरराष्ट्रीय टेस्ट क्रिकेटमधील पहिलं अर्धशतक होतं. टीम इंडिया संकटात असताना नितीशने मैदानात जम बसवत ठोकलेलं हे अर्धशतक भारतासाठी अत्यंत महत्वाचं होतं, यामुळे भारतावरील फॉलो ऑनचं संकट देखील टळलं. अर्धशतक पूर्ण केल्यावर नितीशने पुष्पा चित्रपटातील अल्लू अर्जुनची 'झुकेगा नही साला' ही ऍक्शन केली. सध्या याचा व्हिडीओ सोशल मीडियावर व्हायरल होतो आहे.
NITISH CENTURY
A glorious lofted drive brings up the milestone!
His dad in tears in the stands, what a moment AUSvIND pic.twitter.com/W1SJNHlN4J
— 7Cricket (7Cricket) December 28, 2024
कोण आहे नितीश कुमार रेड्डी?
नितीश कुमार रेड्डी देशांतर्गत क्रिकेटमध्ये सातत्याने चांगली कामगिरी करत होता, परंतु आंतरराष्ट्रीय क्रिकेटमध्ये त्याला प्रथमच ओळख मिळाली जेव्हा आयपीएल 2023 पूर्वी सनरायझर्स हैदराबादने त्याला 20 लाख रुपयांना विकत घेतले होते. पहिल्या सत्रात त्याला फारसे सामने खेळायला मिळाले नाहीत, पण 2024 च्या सीजनमध्ये त्याने सनरायझर्स हैदराबादसाठी दोन अर्धशतकांसह 303 धावा केल्या. त्याचा स्ट्राइक रेट 143 च्या जवळपास होता आणि त्याने आयपीएल 2024 मध्ये गोलंदाजी करताना 3 बळीही घेतले होते. 2024 मध्ये बॉर्डर गावसकर ट्रॉफीच्या पर्थ टेस्टमध्ये ऑल राउंडर खेळाडू असलेल्या नितीश कुमार रेड्डीला पदार्पणाची संधी मिळाली. त्याने या संधीचं सोनं केलं.
भारतीय संघाची प्लेईंग 11 :
यशस्वी जयस्वाल, केएल राहुल, रोहित शर्मा (कर्णधार), विराट कोहली, ऋषभ पंत (विकेटकीपर), रवींद्र जडेजा, नितीश कुमार रेड्डी, वॉशिंग्टन सुंदर, जसप्रीत बुमराह, मोहम्मद सिराज, आकाश दीप