SpaceX: स्पेस मिशन वेळेत पूर्ण; पृथ्वीवर उतरले 4 अंतराळवीर, पाहा व्हिडिओ

SpaceX Dragon Endeavour spacecraft: इस्रोच्या चांद्रयान 3 आणि आदित्य एल 1 मोहिमेची देशासह जगभरात चर्चा सुरु आहे.  भारताच्या चांद्रयान 3 मोहिमेतील पहिला टप्पा यशस्वपीरीत्या पार पडला आहे. 14 दिवस संशोधन करुन विक्रम लँडर आणि प्रज्ञान रोव्हर स्लीप मोडवर गेले आहेत. 22 सप्टेंबरला यांना पुन्हा नॉर्मल मोडवर आणले जाणार आहे. दुसरीकडे आदित्य एल 1 दुसऱ्या उडीमध्ये 282 किमीच्या वर्तुळात 40 हजार 225 किमी अंतरावर असलेल्या कक्षेत स्थापित केले गेले आहे. दरम्यान अंतराळ विश्वातून एक महत्वाची अपडेट समोर येत आहे. सहा महिने आंतरराष्ट्रीय अंतराळ स्थानकावर राहिल्यानंतर सोमवारी सकाळी चार अंतराळवीर पृथ्वीवर परतले आहेत. त्यांना SpaceX कॅप्सूल फ्लोरिडा किनार्‍यापासून थोडे दूर अटलांटिकमध्ये पॅराशूटमधून उतरवण्यात आले. इंटरनॅशनल स्पेस स्टेशनने यासंदर्भात एक व्हिडिओही जारी केला आहे.

 इंटरनॅशनल स्पेस स्टेशन हे पृथ्वीभोवती फिरणारे एक मोठे अंतराळयान आहे. हे एका घरासारखे आहे. ज्यामध्ये अंतराळवीरांचे कर्मचारी राहतात. स्पेस स्टेशन ही एक प्रकारची अनोखी विज्ञान प्रयोगशाळा आहे.अवकाश स्थानकाला आकार देण्यासाठी आणि ते वापरण्यास सुलभ करण्यासाठी अनेक देशांनी एकत्र काम केले आहे. विशेष म्हणजे हे वाहन ताशी 28,150 किमी वेगाने धावते, म्हणजेच ते दर 90 मिनिटांनी पृथ्वीची कक्षा पूर्ण करते.

चार अंतराळवीर पृथ्वीवर परतले

नासाचे अंतराळवीर स्टीफन बोवेन आणि वॉरेन "वुडी" हॉबर्ग, रशियाचे आंद्रेई फडेयेव आणि संयुक्त अरब अमिरातीचे सुलतान अल-नेयादी स्पेस स्टेशनवरून परतले. विशेष म्हणजे, सुलतान अल-नेयादी हे आपला वेळ कक्षेत घालवून परत आलेले अरब जगतातील पहिले व्यक्ती आहेत.

Welcome back, #Crew6! 

Four members aboard the @SpaceX Dragon Endeavour spacecraft splashed down off the coast of Florida at 12:17am ET on Monday, Sept. 4, completing their 186-day mission aboard the space station. https://t.co/7OTJApiTBU pic.twitter.com/GsIgBfLs7m

— International Space Station (@Space_Station) September 4, 2023

अंतराळवीरांना अनेक गोष्टींची आस

मार्चमध्ये प्रवास सुरू केल्यापासून आम्हाला गरम पाण्याचा शॉवर, समुद्रातील हवा, गरम कॉफी प्यायची इच्छा होती. खरं तर, मुसळधार पावसामुळे हवामान खराब झाले. त्यामुळे त्यांना एक दिवसानंतर घरी पाठवण्यात आल्याची माहिती अंतराळवीरांनी दिली. या महिन्याच्या अखेरीस क्रूमध्ये आणखी एक क्रू बदल केला जाणार आहे. ज्यामध्ये दोन रशियन आणि एक अमेरिकन घरी परतणार आहेत. वास्तविक, काही तांत्रिक कारणांमुळे हे तिघेही वर्षभरापासून प्रतिक्षेत आहेत. सध्या अंतराळ स्थानकात सात अंतराळवीर आहेत.

एक आठवड्यापूर्वी बदली सुरु

दुसरीकडे, SpaceX ने आठवड्याभरापूर्वी त्यांची बदली सुरू केली. या टीममध्ये चार अंतराळवीरही गेले असून त्यात एक महिला आणि तीन पुरुषांचा समावेश आहे. ही सहा महिन्यांची मोहिम असून यामध्ये नासाच्या जास्मिन मोगबेली, युरोपियन स्पेस एजन्सीचे अँड्रियास मोगेनसेन, जपानचे सातोशी फुरुकावा आणि रशियाचे कॉन्स्टँटिन बोरिसोव्ह यांचा समावेश आहे.