Viral Video: चोराचं बर्थडे सेलिब्रेशन, व्हिडीओ पाहून तुम्हालाही हसू आवरणार नाही
एका चोरट्याला पकडल्यानंतर त्याचा वाढदिवस साजरा करण्यात आला. हा व्हिडीओ सोशल मीडियावर वेगाने व्हायरल होत आहे.
)
Viral Video: सोशल मीडियावर रोज कोणता ना कोणता व्हिडीओ व्हायरल होत असतो. असाच एक व्हिडीओ सर्वांचं लक्ष वेधून घेत आहे. एका चोरट्याला पकडल्यानंतर त्याचा वाढदिवस साजरा करण्यात आला. इतकंच नाही तर इतकं प्रेम लहानपणी मिळालं असतं, तर चोर झालो नसतं असं कॅप्शनही देण्यात आला आहे. हा व्हिडीओ सोशल मीडियावर वेगाने व्हायरल होत आहे. नेटकरी वेगवेगळ्या सोशल मीडिया प्लॅटफॉर्मवर हा व्हिडीओ शेअर करत आहेत. हा व्हिडीओ पाहिल्यानंतर तुम्हालाही हसू आवरणार नाही.
व्हायरल व्हिडीओमध्ये एक व्यक्ती केकसमोर उभा असल्याचं दिसत आहे. तर त्याच्या शेजारी असलेली व्यक्ती त्याची ओळख करून देतो आणि सांगतो की, "आज आमच्या परिसरात एक चोर पकडला गेला आहे आणि त्याने आम्हाला सांगितले की आज त्याचा वाढदिवस आहे. म्हणूनच आज आपण त्याचा वाढदिवस साजरा करत आहोत."
यानंतर चोरट्याने केक कापल्याचे व्हिडीओमध्ये दिसत आहे. केकजवळ चार चाव्या आणि एक कटर ठेवलं असल्याचं दिसत आहे. चोराने केक कापल्यानंतर जवळ उभ्या असलेल्या व्यक्तीने केकचा तुकडा कापला आणि त्याला केक भरवला. चोराच्या डोक्यावरून हात फिरवत त्याला गोंजारताना दिसत आहेत. तसेच व्हिडीओच्या पार्श्वभूमीत काही लोक हॅपी बर्थडे गाणं गात आहेत.
हा व्हिडीओ आतापर्यंत 4 लाखांहून अधिक लोकांनी पाहिला आहे. एवढेच नाही तर या व्हिडिओला 3 लाखांहून अधिक लाईक्स आणि 2 हजारांहून अधिक कमेंट्स मिळाल्या आहेत.