Lal Krishna Advani: ज्येष्ठ भाजपा नेते लालकृष्ण अडवाणी यांना भारतरत्न जाहीर

Lal Krishna Advani: ज्येष्ठ भाजपा नेते लालकृष्ण अडवाणी (LK Advani) यांना भारतरत्न पुरस्कार (Bharat Ratna Award) जाहीर झाला आहे. पंतप्रधान नरेंद्र मोदी (Narendra Modi) यांनी एक्सवर पोस्ट शेअर करत यांनी ही माहिती दिली आहे. पुरस्काराची घोषणा झाल्यानंतर आपण त्यांच्याशी बोललो असून, अभिनंदन केलं असल्याची माहिती नरेंद्र मोदी (Narendra Modi) यांनी दिली आहे. लालकृष्ण अडवाणी यांनी अयोध्येत राम मंदिर (Ayodhya Ram Mandir) उभारण्यात मोलाची भूमिका निभावली होती. प्राणप्रतिष्ठानेच्या पार्श्वभूमीवर गेल्या काही दिवसांपासून ते चर्चेत होते. त्यातच आता त्यांना भारतरत्न पुरस्काराने सन्मानित केलं जाणार आहे. 

"मला हे सांगताना फार आनंद होत आहे की लालकृष्ण अडवणींना भारतरत्न पुरस्कार प्रदान केला जाणार आहे. मी त्यांच्याशी याबद्दल बोललो असून त्यांना हा पुरस्कार प्रदान केला जात असल्याबद्दल त्याचं अभिनंदनही केलं," अशी माहिती नरेंद्र मोदींनी पोस्टमध्ये दिली आहे. 

I am very happy to share that Shri LK Advani Ji will be conferred the Bharat Ratna. I also spoke to him and congratulated him on being conferred this honour. One of the most respected statesmen of our times, his contribution to the development of India is monumental. His is a… pic.twitter.com/Ya78qjJbPK

— Narendra Modi (@narendramodi) February 3, 2024

पुढे त्यांनी लिहिलं आहे की, "आमच्या काळातील हे एक सर्वोत्तम नेते आहेत. भारताच्या विकासामध्ये त्यांनी मोलाचं योगदान दिलं आहे. तळागाळामध्ये कामाला सुरुवात करुन त्यांनी देशाचे उपपंतप्रधान होण्यापर्यंत मजल मारली. त्यांनी गृहमंत्री आणि माहिती व प्रसारण मंत्री म्हणून ही काम पाहिलं. संसदेमध्येही त्यांनी मांडलेले मुद्दे हे नेहमीच परिपूर्ण, माहितीपूर्ण आणि वेगळेपण जपणारे ठरले".

Advani Ji’s decades-long service in public life has been marked by an unwavering commitment to transparency and integrity, setting an exemplary standard in political ethics. He has made unparalleled efforts towards furthering national unity and cultural resurgence. The conferring…

— Narendra Modi (@narendramodi) February 3, 2024

"अडवाणीजींची सार्वजनिक जीवनातील अनेक दशके चाललेली सेवा पारदर्शकता आणि सचोटीच्या अटल वचनबद्धतेने चिन्हांकित केली गेली आहे. त्यांनी राजकीय नैतिकतेमध्ये एक अनुकरणीय दर्जा निर्माण केला आहे. राष्ट्रीय एकात्मता आणि सांस्कृतिक पुनरुत्थानासाठी त्यांनी अतुलनीय प्रयत्न केले आहेत. त्यांना भारतरत्न प्रदान करणं हा माझ्यासाठी खूप भावनिक क्षण आहे. त्यांच्याशी संवाद साधण्याच्या आणि त्यांच्याकडून शिकण्याच्या अनेक संधी मला मिळाल्या हा मी नेहमीच माझा बहुमान मानेन," असंही नरेंद्र मोदी म्हणाले आहेत.