'या' नावाजलेल्या कंपनीकडून महिला कर्मचाऱ्यांना Maternity Insurance Plan ची भेट
Maternity Insurance Plan: विविध संस्थांकडून तिथं काम करणाऱ्या महिला कर्मचाऱ्यांसाठी अनेक योजना आखल्या जातात. यामध्ये प्रसूतरजा आणि तत्सम गोष्टींचाही समावेश असतो.
 "'या' नावाजलेल्या कंपनीकडून महिला कर्मचाऱ्यांना Maternity Insurance Plan ची भेट")
Maternity Insurance Plan: एखाद्या संस्थेमध्ये आपण जेव्हा नोकरी करत असतो तेव्हा एक कर्मचारी म्हणून कंपनीकडून आपल्याला काही सुविधा पुरवल्या जातात. त्या सुविधांचा लाभ घेणं हा एक कर्मचारी म्हणून आपला हक्कच आहे. विविध कंपन्यांकडून पुरवण्यात आलेल्या याच सुविधांमध्ये समावेश असतो तो म्हणजे मॅटर्निची इन्शुरन्स प्लानचा किंवा अशाच एखाद्या योजनेचा. जिथं संस्थेसाठी काम करणाऱ्या महिला कर्मचाऱ्यांना याचा फायदा घेता येतो. नुकतंच एका नावाजलेल्या कंपनीकडून तेथील महिला कर्मचाऱ्यांना अशीच एक भेट देण्यात आली आहे.
कोणती कंपनी देतेय Maternity Insurance Plan?
ऑनलाईन फूड डिलिव्हरी प्लॅटफॉर्म झोमॅटोकडून त्यांच्या महिला कर्मचाऱ्यांना 25 ऑक्टोबरपासून एक खास भेट दिली गेली आहे. कंपनीसाठी काम करणाऱ्या महिला डिलिव्हरी पार्टनर्सना (Female Delivery Partners) या सुविधेचा लाभ घेता येईल. ही योजना आहे Maternity Insurance Plan किंवा मातृत्त्व विमा योजना.
सदर योजना सुरु करताना कंपनीनं दिलेल्या माहितीनुसार, या विमा योजनेमध्ये गरोदरपणादरम्यानच्या सर्व खर्चांचा समावेश असणार आहे. ज्यामध्ये बाळाचा जन्म आणि कोणत्याही मॅटर्नल कॉम्पलीकेशन्सचा समावेश असेल. ज्यामुळं महिला डिलिव्हरी पार्टनर्स आणि त्यांच्या कुटुंबीयांना आश्वासन आणि आर्थिक सुरक्षा पुरवली जाणार आहे.
Zomato च्या मुख्य कार्यकारी अध्यक्षपदी असणाऱ्या राकेश रंजन यांनी यासंदर्भातील सविस्तर माहिती दिली. गिग श्रमिकांना या विमा योजनचा सर्वाधिक लाभ मिळणार असून, त्यांना कंपनीकडून अतिरिक्त मदत करत त्यांचं हित लक्षात घेत त्यांच्याप्रती आर्थिक संरक्षणाची आमची जबाबदारी आणखी भक्कमपणे पेलण्याचा विचार करत असल्याचं रंजन यांनी स्पष्ट केलं. इथं आवश्यक गरजांची पूर्तता करण्यासाठी महिला कर्मचाऱ्यांना मदतच मिळेल असंही ते म्हणाले.
हेसुद्धा वाचा : मनस्ताप! शुक्रवारपासून पुढील 11 दिवस लोकल प्रवासाच्या वेळापत्रकात उलथापालथ; काय आहे यामागचं कारण?
सदर योजनेसाठी झोमॅटोकडून SKO या विमा प्रदाता संस्थेशी हातमिळवणी करण्यात आली असून, त्यांच्याकडूनच Maternity Insurance दिलं जाईल. ज्या डिलिव्हरी पार्टनर्सनी 1000 डिलिव्हरी पूर्ण केल्या आहेत आणि मातृत्त्व विमा योजनेच्या सूचनेच्या तारखेनुसार मागील 60 दिवसांपासून सक्रिय आहेत त्या या योजनेच्या फायद्यासाठी पात्र असतील.
विम्याच्या माध्यमातून दोन मुलांपर्यंतची सामान्य आणि सिजेरियन डिलिव्हरी, गर्भपात अशा गोष्टींसाठी आर्थिक मदत केली जाईल. या योजनेतून प्रसूतीसाठी (Normal) 25000 रुपये, सिजेरियन सेक्शनसाठी 40000 रुपये आणि गर्भपातासारख्या घटना घडल्यास 40000 रुपयांची आर्थिक मदत केली जाणार आहे.
Sayali Patil
सायली पाटील या 'झी 24 तास डिजीटल'मध्ये सिनियर सब एडिटर पदावर कार्यरत असून, त्यांना पत्रकारिता क्षेत्रातील 11 वर्षांचा अनुभव आहे. त्यांनी 'लोकमत', 'लोकसत्ता' या वृत्तपत्रांसाठी काम केलं. 'लोकसत्ता'मधील 'VIVA' या जीवनशैली विषयावर आधारित पुरवणीसाठी त्यांनी लिखाण केलं पुढे त्यांनी लोकसत्ता डिजीटलसाठी काम केलं. त्यांनी 'एबीपी माझा' च्या डिजीटल टीमसोबत कामाचा अनुभव घेत 2021 मध्ये पुन्हा एकदा 'झी 24 तास डिजीटल'मध्ये रुजू होत विविध विषयांवरील बातम्यांमध्ये योगदान दिलं. मनोरंजन आणि Lifestyle विषयांतील सुरुवातीचा अनुभव आणि त्यानंतर राजकारण, आरोग्य, प्रवास, राज्यस्तरीय बातम्यांमध्येही त्यांचा हातखंड आहे. सिनेमांचं समीक्षण, राष्ट्रीय स्तरावरील वृत्त, जागतिक स्तरावरील घडामोडी, हवामान वृत्त आणि खगोलशास्त्राश, पुरातत्त्वं विभागाच्या संशोधनासंदर्भातील बातम्यांमध्ये त्यांना विशेष रुची आहे. भटकंती, सिनेमा, विज्ञान, खाद्यसंस्कृती हे त्यांच्या विशेष आवडीचे विषय आहेत.
...Read More