April Fool Day 2024 : 1 एप्रिल रोजी का साजरा केला जातो, एप्रिल फूल डे, कुणी केली याची सुरुवात
April Fool : एप्रिल फूल डे हा हसण्याचा आणि इतरांना हसवण्याचा दिवस आहे. या दिवशी लोक त्यांचे मित्र, जवळचे आणि नातेवाईक यांना मूर्ख बनवतात. जाणून घ्या या दिवसाची सुरुवात कशी झाली आणि का साजरा केला जातो हा दिवस.
 "April Fool Day 2024 : 1 एप्रिल रोजी का साजरा केला जातो, एप्रिल फूल डे, कुणी केली याची सुरुवात")
दरवर्षी 1 एप्रिल रोजी 'एप्रिल फुल डे' साजरा केला जातो. तसं बघितलं तर हा दिवस हसण्याचा आणि इतरांना हसवण्याचा दिवस आहे. जेव्हा समोरचा माणूस मजेशीर आणि खोट्या गोष्टींमध्ये अडकून मूर्ख बनतो तेव्हा त्याला 'एप्रिल फूल' म्हणतात. तुम्हीही या दिवशी तुमच्या प्रियजनांना अनेकवेळा मूर्ख बनवले असेल, पण या दिवसाची सुरुवात कशी आणि कोणी केली याचा कधी विचार केला आहे का? याबद्दलची माहिती समोर आली आहे.
मजेशीर किस्सा
एप्रिल फूल डे संदर्भात इंग्लंडचा राजा रिचर्ड II बद्दल एक मजेदार कथा आहे. रिचर्ड II आणि बोहेमियाची राणी ऍनी यांनी घोषित केले की, ते 32 मार्च 1381 रोजी लग्न करणार आहेत. त्यांच्या साखरपुड्याच्या बातमीने लोक खूप खुश झाले आणि सेलिब्रेशन करू लागले. 31 मार्च आल्यानंतर त्यांच्या लक्षात आले की, कॅलेंडरमध्ये 32 मार्चची तारीख नाही. म्हणजे त्यांची फसवणूक झाली आहे. तेव्हापासून 1 एप्रिल हा दिवस 'एप्रिल फुल डे' म्हणून साजरा केला जाऊ लागला.
ग्रेगोरियन कॅलेंडरशी संबंधित कथा
काही लोकांचा असा विश्वास आहे की एप्रिल फूल दिवस 1582 पासून सुरू झाला. ग्रेगोरियन कॅलेंडरच्या आधी ज्युलियन कॅलेंडर वापरात होते असे म्हणतात. त्याचे नवीन वर्ष मार्चच्या शेवटी किंवा एप्रिलच्या सुरुवातीला म्हणजे 1 एप्रिलच्या सुमारास सुरू झाले. जेव्हा ग्रेगोरियन कॅलेंडर स्वीकारले गेले तेव्हा नवीन वर्ष जानेवारीमध्ये सुरू झाले. मात्र ज्यांना कॅलेंडर बदलाची माहिती उशिरा मिळाली, त्यांनी मार्चच्या शेवटच्या आठवडय़ापासून ते १ एप्रिलपर्यंत नवीन वर्ष साजरे करणे सुरूच ठेवले आणि त्यामुळे त्यांच्यावर अनेक विनोद केले गेले. तेव्हापासून १ एप्रिल हा दिवस फुल डे म्हणून साजरा केला जाऊ लागला.
ही कथाही प्रसिद्ध
काही लोकांचा असा विश्वास आहे की, हा दिवस 1686 पासून सुरू झाला. असे म्हटले जाते की, यूकेचे चरित्रकार जॉन ऑब्रे 1 एप्रिलला फूल्स हॉलिडे म्हणून साजरा करत असत. हे वर्ष 1 एप्रिल 1698 होते. जेव्हा लोकांमध्ये एक अफवा पसरली होती की लंडनच्या टॉवरमधून लोक सिंहाला जगातून मरताना पाहतात. लोकांनी ते सत्य म्हणून स्वीकारले आणि तेथे जमले, पण असे काही घडले नाही. दुसऱ्या दिवशी वर्तमानपत्रात हे खोटे उघड झाले. तेव्हापासून जगात 1 एप्रिलपासून खोटे बोलून लोकांना मूर्ख बनवण्याचा प्रकार सुरू झाला.
Dakshata Thasale
दक्षता ठसाळे-घोसाळकर या 'झी 24 तास डिजिटल'मध्ये चीफ सब एडिटर म्हणून कार्यरत आहे. यांना पत्रकारिता या क्षेत्रातील 14 वर्षांचा अनुभव आहे. 'प्रहार' आणि 'लोकमत' या आघाडीच्या वृत्तसंस्था आणि 'टीव्ही 9' आणि 'न्यूज एक्सप्रेस मराठी' या आघाडीच्या वृत्तवाहिनीचा अनुभव घेतल्यानंतर डिजीटल क्षेत्रात काम करण्यास सुरुवात केली. 'India.com मराठी' या डिजीटल वेबसाईटमध्ये काम केल्यानंतर 'महाराष्ट्र टाईम्स' च्या ऑनलाईन वेबसाईटसाठी काम केलं. यानंतर 'झी 24 तास डिजीटल'मध्ये विविध विषयांवरील बातम्यांमध्ये योगदान दिलं आहे. यामध्ये Lifestyle, आरोग्य, मनोरंजन यामधील बातम्यांमध्ये हातखंडा असून राज्यस्तरीय घडामोडी, गुन्हे आणि राजकीय घडामोडींमध्ये सर्वात मोठं योगदान आहे. पालकत्व, गर्भधारणा आणि पाककृती यासंदर्भात लेख लिहण्यास विशेष रुची आहे.
...Read More
LIVE