MVA Mumbai Morcha LIVE Updates : महापुरुषांच्या अवमानाप्रकरणी आज महाविकास आघाडीचा मुंबईत हल्लाबोल मोर्चा आहे. या मोर्चात शिवसेना ठाकरे गट, राष्ट्रवादी आणि काँग्रेसचे पदाधिकारी आणि नेते सहभागी होणार आहेत. भायखळा एटीएस कार्यालय समोर मोर्चासाठी सकाळी 10 वाजता कार्यकर्ते जमण्यास सुरुवात झाली. मविआचा तब्बल 1 लाखांपेक्षा जास्त कार्यकर्ते जमवण्याचा प्रयत्न आहे. मविआचे प्रमुख नेते मोर्चात सहभागी झालेत. आणि जे जे फ्लायओव्हरवरुन हा मोर्चा छत्रपती शिवाजी महाराज टर्मिनसजवळ येऊन थांबणार आहे. या मोर्चात समाजवादी पक्षाचे मुस्लीम कार्यकर्ते मोठ्या संख्येनं उपस्थित आहेत. महापुरुषांचा अवमान करणाऱ्यांच्या विरोधात हा हल्लाबोल मोर्चा.
17 Dec 2022, 12:06 वाजता
Maha Vikas Aghadi Morcha Today Updates : मुंबई-पुणे एक्सप्रेस वे वर दोन्ही बाजूला वाहनांच्या लांबच लांब रांगा. विकेंड आणि मविआच्या महामोर्चामुळे वाहनांची गर्दी
17 Dec 2022, 11:30 वाजता
बेळगावमधील नागरिक महामोर्चात सहभागी
Maha Vikas Aghadi Morcha Today Updates : बेळगाव महाराष्ट्रात आले पाहिजे यासाठी बेळगावमधील नागरिक महामोर्चात सहभागी झालेले आहेत त्यांनी बेळगाव निपाणी कारवार संयुक्त महाराष्ट्र झाला पाहिजे अशा आशयाच्या टोप्या घालून मोर्चात सहभागी झाले आहेत.
17 Dec 2022, 11:13 वाजता
Maha Vikas Aghadi Morcha Today Updates : महाविकास आघाडीचा मुंबईत महामोर्चा. राज्यभरातून कार्यकर्ते मुंबईत दाखल. मोर्चात उद्धव ठाकरे, शरद पवारही सहभागी होणार. दरम्यान, मविआच्या मोर्चादरम्यान ठाकरे गटाचे कार्यकर्ते आणि पोलसांमध्ये बाचाबाची. रथ ठेवण्यावरुन वाद.
पाहा थेट LIVE मोर्चा
17 Dec 2022, 11:07 वाजता
Maha Vikas Aghadi Morcha Today Updates :मविआच्या मोर्चासाठी कल्याण, डोंबिवली , उल्हासनगर, बदलापूरहून राष्ट्रवादी काँग्रेसेचे कार्यकर्ते मुंबईच्या दिशेनं निघालेत. काही कार्यकर्ते खासगी वाहनांनी मोर्चात सहभागी होत आहेत. तर काही कार्यकर्ते ट्रेननं मुंबईला रवाना झालेत..
गद्दारांना गाडण्यासाठी निष्ठावंत तय्यार!#HallaBol #हल्लाबोल #MaharashtraPrem #Maharashtra pic.twitter.com/kvaAJrk7M7
— Shivsena Communication (@ShivsenaComms) December 17, 2022
17 Dec 2022, 11:04 वाजता
Maha Vikas Aghadi Morcha Updates : महामोर्च्यापूर्वी मविआच्या नेत्यांची मुंबई सेंट्रल येथील द साहिल हॉटेलवर बैठक. बैठकीनंतर सर्व नेते इथूनच मोर्चास्थळी जाणार आहेत. आतापर्यंत दिलीप वळसे पाटील, सुनील तटकरे,सुप्रिया सुळे, जयंत पाटील, पृथ्वीराज चव्हाण, बाळासाहेब थोरात दाखल
महाराष्ट्र प्रेमींचा महाराष्ट्र द्रोह्यांविरुद्ध हल्लाबोल.#HallaBol #हल्लाबोल #MaharashtraPrem #Maharashtra pic.twitter.com/f71yIpCYvn
— ShivSena - शिवसेना (@ShivSena) December 17, 2022
17 Dec 2022, 10:35 वाजता
Maha Vikas Aghadi Morcha Today Updates : आज महामोर्चा असल्याने मंत्रालय परिसरांत मोठा पोलीस बंदोबस्त ठेवण्यात आलाय. शासकीय सुट्टी असून ही मोठ्या प्रमाणात सुरक्षा आहे. खासगी वाहने बंद ठेवण्यात आली आहेत. उपमुख्यमंत्री देवेंद्र फडणवीस यांच्या बंगल्यासमोर सुरक्षा वाढवली आहे.
17 Dec 2022, 09:53 वाजता
Maha Vikas Aghadi Morcha Updates : भायखळा या ठिकाणी सुरु होणाऱ्या महाविकास आघाडीच्या ठिकाणी ठाकरे गटाच्या उपनेत्या सुषमा अंधारे यांच्या विरोधात पोस्टर लावण्यात आले होते, हे पोस्टर मुंबई पोलिसांकडून करण्यात आले
17 Dec 2022, 09:04 वाजता
शरद पवार मोर्चात सहभागी होणार
Maha Vikas Aghadi Morcha Today Updates : राष्ट्रवादीचे अध्यक्ष शरद पवार सकाळी 11 वा. वाय बी चव्हाण सेंटर येथे जाणार आहेत. तसेच पवार थेट मोर्चा समारोप सभा ठिकाणी येणार आहेत.
17 Dec 2022, 09:01 वाजता
मोर्चासाठी तिन्ही पक्षांकडून शक्तिप्रदर्शनाची जोरदार तयारी
Maha Vikas Aghadi Morcha Today Updates : महाविकास आघाडीचा आज मुंबईत महामोर्चा काढण्यात येणार आहे. तिन्ही पक्षांकडून शक्तिप्रदर्शनाची जोरदार तयारी । महाविकासआघाडीच्या मोर्चासाठी मुंबई पोलीस सज्ज. 317 अधिकारी आणि 1870 कर्मचारी तैनात । मविआचे प्रमुख नेते 12 वाजेपर्यंत मोर्चाला येतील आणि जे जे फ्लायओव्हरवरून हा मोर्चा छत्रपती शिवाजी महाराज टर्मिनलजवळ येऊन थांबणार आहे. या मोर्चात समाजवादी पक्षाचे मुस्लीम कार्यकर्ते मोठ्या संख्येनं उपस्थित राहण्याची शक्यताय. महापुरुषांचा अवमान करणा-यांच्या विरोधात हा हल्लाबोल मोर्चा होणार आहे.
17 Dec 2022, 08:31 वाजता
Maha Vikas Aghadi Morcha Today Updates : मोर्चा कशासाठी?
- शिवाजी महाराज, फुले-आंबेडकर यांच्याबाबत बेताल वक्तव्य करणा-यांविरोधात
- महापुरुषांना वापरलेल्या अपशब्दांचा आणि वक्तव्य करणा-यांचा निषेध करण्यासाठी
- महापुरुषांवर अवमानकारक वक्तव्य करणा-यांना पदावरुन हटवण्यासाठी
- राज्यातले प्रकल्प इतर राज्यात गेल्याचा जाब विचारण्यासाठी
- सतत वाढत असलेल्या महागाईविरोधात आवाज उठवण्यासाठी
- शेतक-यांना हक्काचा हमीभाव मिळवून देण्यासाठी
- आरक्षण, संरक्षण, सुविधा, शिक्षणासंदर्भातल्या प्रश्नांसाठी
- राज्यातले कष्टकरी कामगार आणि मजुरांच्या रखडलेल्या प्रश्नांसाठी
