close

बातमी थेट मेलबॉक्सलाकाही निवडक बातम्या थेट तुमच्या ईमेल बॉक्सला…

Election Result 2019 । ठाण्यात पुन्हा शिवसेनेचा भगवा, राष्ट्रवादीचा पराभव

ठाणे मतदारसंघात शिवसेनेचे राजन विचारे यांनी मोठी आघाडी घेत विजय मिळवला. 

Election Result 2019 । ठाण्यात पुन्हा शिवसेनेचा भगवा, राष्ट्रवादीचा पराभव

मुंबई : ठाणे मतदार संघातून राजन विचारे यांनी सलग दुसऱ्यांदा विजय मिळवत शिवसेनेचा गड राखला आहे. राजन विचारे यांनी १ लाख ९१ हजार ९६३ मतांची आघाडी घेत विजय मिळवला. राजन विचारे हे १६ व्या लोकसभेचे निवडून गेले होते. राजन विचारे हे  ठाणे लोकसभा मतदारसंघातील शिवसेना-भाजप-आरपीआय महायुतीचे उमेदवार होते. २०१४ च्या लोकसभा निवडणुकांमध्ये ठाणे मतदारसंघामधून राष्ट्रवादी काँग्रेस पक्षाचे विद्यमान खासदार संजीव नाईक यांचा २ लाखांपेक्षा अधिक मताधिक्याने पराभव केला होता. यावेळी राष्ट्रवादीकडून आनंद परांजपे यांना निवडणूक रिंगणात उतरविण्यात आले होते. मात्र, त्याचा प्रभाव फारसा पडला नाही. परांजपे यांनी बऱ्यापैकी टक्कर दिली. मात्र, एक दोन फेऱ्यात आघाडी वगळता राजन विचारे यांनी सुरुवातीपासून चांगली आघाडी घेत विजयावर शिक्कामोर्तब केले. 

दरम्यान, राजन विचारे यांच्या उमेदवारीवर काहींची नाराजी होती. तर राष्ट्रवादीने त्यांच्याविरोधात अक्षीशित उमेदवार असा प्रचार केला होता. तसेच छुपे पोष्टरबाजीही करण्यात आली होती. असे असले तरी ही निवडणूक पालकमंत्री एकनाथ शिंदे यांच्यासाठी प्रतिष्ठेची होती. त्यामुळे शिवसेना नेते आणि पालकमंत्री एकनाथ शिंदे यांच्यासह आमदार प्रताप सरनाईक, आमदार संजय केळकर, आमदार नरेंद्र मेहता यांच्यासह महायुतीचे हजारो कार्यकर्त्यांनी जास्तीची मेहनत घेतली. 

Election Result 2019 । ठाण्यात पुन्हा राजन विचारे, परांजपे पराभवाच्या छायेत

-  राष्ट्रवादीचे उमेदवार आनंद परांजपे हे पराभवाच्या छायेत

- राजन विचारे यांनी घेतली मोठी आघाडी. १ लाख १३ हजार ११४ मतांची घेतली आघाडी.

- शिवसेनेचे उमेदवार राजन विचारे यांनी निर्विवाद आघाडी कायम राखली असून त्यांनी ८९ हजार ५४१ मतांची आघाडी घेतली आहे. तर राष्ट्रवादी काँग्रेसचे आनंद परांजपे हे पिछाडीवर

- तिसऱ्या फेरीत  राजन विचारे ( शिवसेना ) यांना 80033 मते तर आनंद परांजपे ( राष्ट्रवादी ) - 32292 मते,  राजन विचारे  .यांना 47741 मतांनी आघाडीवर

- शिवसेनेच्या राजन विचारे यांनी घेतली मोठी आघाडी । 50,000 मतांची आघाडी

- ठाण्यात राष्ट्रवादीचे आनंद परांजपे पिछाडीवर गेले असून दुसऱ्या फेरीत सेनेचे राजन विचारे 14000 मतांनी पुढे

- शिवसेनेचे उमेदवार राजन विचारे यांना ओवळा माजिवडा 3353, कोपरी पाचपाखाडी 2954, ठाणे 3434, ऐरोली 1849 बेलापूर 1745 मते

- मिराभाईंदरला राष्ट्रवादीचे आनंद परांजपे मतांनी 760 मतांनी आघाडीवर 

- ब्रेकिंग । ठाणे मतदार संघातून सेनेचे राजन विचारे जरी आघाडीवर असले तरी मात्र युतीचा बालेकिल्ला समजला जाणारा ठाणे शहर विधानसभा मतदार संघात  राष्ट्रवादीचे आनंद परांजपे पुढे 

- ठाणे मतदार संघात शिवसेनेचे राजन विचारे पहिल्या फेरीनंतर आघाडीवर, जवळपास 12580 मतांची आघाडी

- ठाणे लोकसभा मतदार संघात अद्याप मतमोजणीला सुरुवात नाही.

ठाणे लोकसभा मतदार संघाचे युतीचे उमेदवार राजन विचारे यांच्या घराबाहेर निकालाआधीच रोषणाई व कंदील सजावट

ठाणे

ठाणे : या मतदारसंघात शिवसेनेचे राजन विचारे विरुद्ध राष्ट्रवादीचे आनंद परांजपे यांच्यात लढत होणार आहे. राजन विचारे यांनी महापौर, आमदार, खासदार असा प्रवास केला आहे. शिवसेनेत असताना आनंद परांजपे ठाणे आणि कल्याणचे खासदार होते. २०१४ च्या निवडणुकीत ठाण्यातून राष्ट्रवादीचे संजीव नाईक रिंगणात होते. राजन विचारे यांनी त्यांचा पराभव केला. कल्याण लोकसभा मतदारसंघाच्या पहिल्या निवडणुकीत सेनेच्या गोटातून विजयी झालेले आनंद परांजपे यांना २०१९ मध्ये राष्ट्रवादीने ठाण्यातून उमेदवारी दिली आहे. वंचित बहुजन आघाडीने ठाण्यातून मल्लिकार्जुन पुजारी यांना उमेदवारी दिली आहे. २९ एप्रिलला येथे मतदान होणार आहे.

२०१४ चा निकाल

२०१४ च्या निवडणुकीत ठाणे लोकसभा मतदारसंघातून शिवसेनेचे राजन विचारे दीड लाखाहून अधिक मतांनी विजयी झाले आहेत. २००९ च्या निवडणुकीत राष्ट्रवादी काँग्रेसचे संजीव नाईक ठाण्यातून विजयी झाले होते.