केंद्रीय मंत्री संतापले, डॉक्टरांना दिला नक्षलवादी होण्याचा सल्ला

चंद्रपूर : सध्या महाराष्ट्र दौ-यावर असलेले केंद्रीय गृहराज्य मंत्री हंसराज अहीर हे चर्चेत आले आहेत. नुकतेच चंद्रपूर येथे गेले होते. इथे एका रूग्णालयाच्या उद्घाटनासाठी ते आले होते. यावेळी त्यांनी डॉक्टरांविषयी वादग्रस्त विधान करून वाद ओढवून घेतला आहे. 

इथे बोलताना हंसराज अहीर यांनी डॉक्टरांना थेट नक्षलवादी बनण्याचा सल्ला देऊन टाकला. ते म्हणाले की, ‘जर डॉक्टरांना लोकशाहीमह्द्ये विश्वास नसेल तर त्यांनी नक्षलवादी बनलं पाहिजे आणि नंतर आम्ही त्यांना गोळ्या घालू’.

I am a democratically elected minister, despite knowing that I am coming here why did the doctor go on leave? If they don't believe in democracy then they should join Naxals, we will put bullets in them: Hansraj Ahir,MoS Home at a hospital inauguration in Maharashtra's Chandrapur pic.twitter.com/xmGytpw1D0

— ANI (@ANI) December 25, 2017

ते पुढे म्हणाले की, ‘मी लोकशाही पद्धतीने निवडला गेलो आहे. मी येत असल्याचे आधीपासून माहिती असूनही डॉक्टरांनी सुट्टी का घेतली? जर त्यांचा लोकशाहीमध्ये विश्वास नसेल त्यांनी नक्षलवाद्यांसोबत निघून जावं, जेणेकरून आम्ही त्यांना गोळ्या घालू’.