Today Breaking News LIVE Updates : महाराष्ट्रातील राजकारणाच्या दृष्टीने आजचा दिवस फार महत्त्वाचा आहे. आज शिवसेना पक्षाचा वर्धापन दिन (Shiv Sena Foundation Day) आहे. 58 वर्षांमध्ये पक्ष फुटीनंतरची ही दुसरी वेळ आहे. उद्धव ठाकरे आणि एकनाश शिंदे हे वेगवेगळे वर्धापन दिन साजरा करणार आहेत. राजकीय घडामोडींबरोबर देशातील तसंच राज्यातील महत्त्वाच्या घडामोडींचे अपेड्टस आपण या लाइव्ह ब्लॉगमधून पाहणार आहोत...
19 Jun 2024, 09:11 वाजता
लक्ष्मण हाकेंना पाठिंबा देण्यासाठी ओबीसी व्हिजिएनटी बहुजन परिषदेचे आंदोनल
ओबीसी नेते लक्ष्मण हाके यांच्या सुरू असलेल्या उपोषणाला पाठिंबा म्हणून सांगलीतल्या ओबीसी व्हिजिएनटी बहुजन परिषदेकडून आंदोलन करण्यातआलंय. कडेगाव या ठिकाणी ओबीसी समाजाने सरकारचे लक्ष वेधण्यासाठी निदर्शने करण्यात आले. त्याच बरोबर लक्ष्मण हाके यांच्या मागण्यांबाबत सरकारकडून दखल घेण्यात यावी. अशा मागणीचे निवेदन देखील कडेगाव तहसीलदारांना देण्यात आले आहे. तसंच मराठा समाजाला देण्यात येणाऱ्या आरक्षण मध्ये सगे-सोयरे बाबतचा कायदा करू,नये अन्यथा आगामी विधानसभा निवडणुकीत ओबीसी समाज सरकारच्या सत्तेवर नांगर फिरवेल,असा इशारा ओबीसी व्हिजिएनटी बहुजन परिषदेचे प्रदेश सरचिटणीस संग्राम माने यांनी दिला आहे
19 Jun 2024, 09:04 वाजता
शरद पवार सलग दुसऱ्या दिवशी बारामती तालुक्याच्या दौऱ्यावर
शरद पवार आज सकाळी नऊ वाजल्यापासून सांगवी, खांडज ,निरावागज, डोरलेवाडी ,काटेवाडी, पिंपळे गावातील दुष्काळी दौरा करून नागरिकांशी संवाद साधणार आहेत. शरद पवार यांच्या सोबत खासदार सुप्रिया सुळे ही बारामती दौऱ्यावर आहेत.
19 Jun 2024, 09:00 वाजता
ठाकरेंच्या शिवसेनेच आज शक्तीप्रदर्शन
ठाकरेंच्या शिवसेनेचा वर्धापन दिन षण्मुखानंद सभागृहात साजरा करण्यात येणाराय. वर्धापन दिनानिमित्त ठाकरेंच्या शिवसेनेचही आज शक्तीप्रदर्शन असणार आहे. लोकसभा निवडणुकीनंतर हा शिवसेनेच हे पहिलच शक्तीप्रदर्शन आहे. वर्धापन दिनाला स्वतः पक्षप्रमुख उद्धव ठाकरे, आदित्य ठाकरे, ठाकरे कुटुंबियांसोबत ठाकरेंचे सर्व आमदार खासदार जिल्हाप्रमुख संपर्कप्रमुख आणि शिवसैनिक मोठ्या संख्येने उपस्थित असणार आहे.
19 Jun 2024, 08:55 वाजता
शिंदेंच्या शिवसेनेचा वर्धापन दिन सोहळा
आज वरळी डोम इथे एकनाथ शिंदे गटाच मोठं शक्तीप्रदर्शन असणार आहे. कारण शिंदेंची शिवसेना वरळीमध्ये शिवसेना पक्षाचा वर्धापन दिन साजरा करणाराय. संध्याकाळी 5 वाजता हा सोहळा असणार आहे.
