Maharashtra Breaking News LIVE: भाजपचे खासदार नारायण राणे सिंधुदुर्गात दाखल झालेत.. आज मालवणमध्ये जाऊन शिवरायांच्या पुतळा दुर्घटनेच्या घटनास्थळाला ते भेट देणार आहेत. पुतळा अपघात प्रकरणी माजी गृहमंत्री अनिल देशमुखांनी महायुतीवर टीका केलीये.आज सकाळी मविआचे नेते मालवणमध्ये धडक मोर्चा काढून शिवरायांचा पुतळा कोसळल्यानं त्याचा निषेध करणार आहे.. सकाळी 11 वाजता मालवण तहसील कार्यालयाबाहेर मोर्चा काढणार आहेत.
28 Aug 2024, 20:51 वाजता
चंपाई सोरेन 30 ऑगस्टला भाजपमध्ये करणार प्रवेश
चंपाई सोरेन यांचा झामुमोच्या प्राथमिक सदस्यत्वाचा राजीनामा
30 ऑगस्टला भाजपमध्ये करणार प्रवेश
28 Aug 2024, 19:47 वाजता
मध्य पुण्यात अंधार; वीज पुरवठा सुरळीत होण्यास तीन तास लागणार
आप्पा बळवंत चौक परिसरात ऐन संध्याकाळच्या वेळेत वीज पुरवठा खंडित
फरासखाना, विश्राम बाग पोलीस स्टेशन अंधारात
पोलीस आयुक्त अधिकाऱ्यांसोबत बैठकीसाठी आले असतानाच वीज गायब
वीज पुरवठा सुरळीत होण्यास तीन तास लागणार
28 Aug 2024, 18:51 वाजता
अजित पवारांच्या सभेत मराठा आंदोलकांचा गोंधळ
मराठा तरुणांचा एकच गोंधळ, मोठी घोषणाबाजी
कार्यकर्ते आणि पोलिसांची झटपट
मागील 7 मिनिटांपासून घोषणाबाजी सुरू
पोलीस आणि कार्यकर्ते आमने सामने
स्टेजवर जाण्यासाठी मराठा कार्यकर्ते आक्रमक
28 Aug 2024, 17:48 वाजता
- मुंबईतील भाजपच्या उमेदवारांच्या नावांवर येत्या २ ते ३ दिवसांत शिक्कामोर्तब होणार
- भाजपातील सूत्रांची माहिती
- विधानसभेच्या दृष्टीने भाजपात वेगवान हालचाली
- ३० तारखेला मुंबईत भाजपची महत्त्वाची बैठक
- महाराष्ट्र प्रभारी भुपेंद्र यादव, केंद्रीय सह संघटनमंत्री शिवप्रकाश, उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे, मुंबई अध्यक्ष आशिष शेलार बैठकीला उपस्थित राहणार
28 Aug 2024, 16:37 वाजता
आदिवासी विकास मंत्र्यांसोबत पेसा आंदोलकांची झालेली बैठक निष्फळ
- ३० तारखेला सायंकाळी ६ वाजता मुख्यमंत्री शिंदेंसोबत आंदोलकांची होणार भेट
- पेसा भरतीवरून सुरू असलेले आंदोलन सुरूच राहणार
- सरकारवर आमचा विश्वास नाही, सरकार फसवत असल्याचा जे पी गवितांचा आरोप
28 Aug 2024, 15:41 वाजता
महाराष्ट्रातील दिघी पोर्टला केंद्रीय मंत्रिमंडळाची मंजुरी
6 हजार 56 एकर परिसरांत पोर्ट उभे राहणार
5 हजार 469 कोटी रूपये प्रकल्पाला खर्च येईल
38 हजार कोटींची गुंतवणूक असेल
1 लाख 14 हजार 183 रोजगार निर्माण होणार
महामार्ग रेल्वे पोर्टल जोडले जाईल
28 Aug 2024, 14:55 वाजता
पुणे जमीन प्रकरणी आज सुप्रीम कोर्टात सुनावणी
कालच राज्य सरकारने सुप्रीम कोर्टात दाखल केल प्रतिज्ञापत्र
राज्य सरकारच्या युक्तिवादाने कोर्टाच समाधान नाही
राज्य सरकारने या प्रकरणी तत्काळ लक्ष घालून याला प्राथमिकता द्यावी, राज्य सरकार या प्रकरणी गंभीर नाही ही सध्याची परिस्थिती आहे. जर योग्य प्रकारे हे प्रकरण हाताळले नाही तर आम्ही अवमान याचिका दाखल करू शकतो. कोर्टाकडून राज्य सरकारच्या वकिलांची कानउघाडणी
28 Aug 2024, 12:37 वाजता
अकोल्यात डायना माईटसदृश वस्तू आढळल्याने संपूर्ण परिसरात एकच खळबळ
अकोला जिल्ह्यातील अकोट तालुक्यातील पोपटखेड या गावात एका पोतडीत "विस्फोटक" डायना माईट सदृश वस्तू आढळल्याने संपूर्ण परिसरात एकच खळबळ उडालीय...पोपटखेड या गावालगत संपूर्ण जंगल परिसर आहे. पोपटखेड येथील पोस्ट ऑफिसजवळ हे विस्फोटक मिळून आले. मेळघाट व्याघ्र प्रकल्प मधील अतिदुर्गम भागात काही गावांचे पुनर्वसन अद्याप बाकी आहे, त्याच जंगलाचे प्रवेशद्वार असलेल्या पोपटखेड गावात इतक्या प्रमाणात जिवंत विस्फोटक सापडणे ही गंभीर बाब आहे.या प्रकरणात आता अकोट ग्रामीण पोलिस "विस्फोटके" नेमकी कशासाठी आणि कुणी याठिकाणी आणून टाकली याचा तपास करीत आहे.
28 Aug 2024, 12:35 वाजता
महाराष्ट्रात केंद्राप्रमाणेच एकीकृत निवृत्ती वेतन योजना लागू
केंद्र सरकारने 24 ऑगस्ट रोजी ''एकीकृत निवृत्तिवेतन योजना'' (Unified Pension Scheme) घोषित केली. त्याच धर्तीवर प्रस्तावित ''सुधारीत राष्ट्रीय निवृत्तिवेतन योजना'' ऐवजी महाराष्ट्र राज्यामध्ये ही योजना (Unified Pension Scheme) जशीच्या तशी लागू करण्यात येत आहे. तसेच या अनुषंगाने येणाऱ्या अतिरिक्त खर्चास मान्यता देण्यात येत आहे असे वित्त विभागाने कळविले आहे. केंद्र सरकारच्या कर्मचाऱ्यांना लागू केलेल्या एकीकृत निवृत्तिवेतन योजनेची मार्गदर्शक तत्वे केंद्र सरकारचे अनुषंगाने महाराष्ट्रात लागू करण्याकरिता "वित्त विभागास” प्राधिकृत करण्यात येत आहे.
28 Aug 2024, 12:34 वाजता
शिवरायांचा पुतळा कोसळल्या प्रकरणी संभाजी नगरात काँग्रेसचे आंदोलन
मालवण येथील राजकोट किल्ला परिसरात असलेल्या छत्रपती शिवरायांचा पुतळा कोसळल्या प्रकरणी छत्रपती संभाजी नगरात काँग्रेसचे पदाधिका-यांनी आंदोलन केले. शहरातील क्रांती चौकात काँग्रेसच्या पदाधिकाऱ्यांनी यावेळी केंद्रासह राज्य सरकार विरोधात जोरदार घोषणाबाजी करत निषेध व्यक्त केलाय.
