Maharashtra Breaking News LIVE UPDATES : राज्यातून आजपर्यंत 3259 उमेदवारांचे 4426 नामनिर्देशन पत्र दाखल

राज्यातून आजपर्यंत 3259 उमेदवारांचे 4426 नामनिर्देशन पत्र दाखल

महाराष्ट्र विधानसभेच्या २८८ मतदारसंघासाठी निवडणुकीकरिता २८ ऑक्टोबर २०२४ पर्यंत ३ हजार २५९ उमेदवारांचे ४ हजार ४२६ नामनिर्देशन पत्र दाखल झाली आहेत अशी माहिती, मुख्य निवडणूक अधिकारी कार्यालयाने दिली आहे.महाराष्ट्र विधानसभा सार्वत्रिक निवडणुकीची आदर्श आचारसंहिता १५ ऑक्टोबर २०२४ पासून लागू झाली असून २२ ऑक्टोबर २०२४ रोजी निवडणूक अधिसूचना प्रसिद्ध करण्यात आली.  नामनिर्देशन पत्र भरणे सुरु असून मंगळवार, दि. २९ ऑक्टोबर ही नामनिर्देशन पत्र दाखल करण्याची शेवटची तारीख आहे. या अर्जांची ३० ऑक्टोबरला छाननी करण्यात येऊन ४ नोव्हेंबर २०२४ रोजी अर्ज मागे घेता येईल. मतदान २० नोव्हेंबरला होत असून २३ नोव्हेंबर २०२४ रोजी मतमोजणी होणार आहे.

आमच्या जीवितास धोका निर्माण झाल्यास राणे जबाबदार - राजन तेली

माझ्या कुटुंबीयांच्या, कार्यकर्त्यांच्या किंवा माझ्या जीवितदास धोका निर्माण झाल्यास त्याची सर्वस्वी जबाबदारी नारायण राणे यांची राहील असा इशारा आज पत्रकार परिषदेत शिवसेना उद्धव ठाकरे गटाचे उमेदवार राजन तेली यांनी दिलाय. कोकणातील प्रत्येक निवडणुकीत शिवसेना विरुद्ध नारायण राणे असे समीकरण पाहायला मिळतं आणि निवडणुकीत दहशतवादाचा मुद्दा सुद्धा समोर येतो आगामी विधानसभेची निवडणूक जाहीर झाल्यानंतर राजन तेलीनी आपल्या जीवितास धोका निर्माण झाल्यास राणे जबाबदार राहतील असं वक्तव्य करून पुन्हा एकदा या निवडणुकीत ट्विस्ट निर्माण केला आहे. आपण यापूर्वी अशा पद्धतीचा प्रतिज्ञापत्र सादर केलेलं होतं मी माझ्या तज्ज्ञांचा सल्ला घेऊन तेच प्रतिज्ञापत्र ग्राह्य राहील का याची विचारणा करून ते ग्राह्य नसेल तर पुन्हा प्रतिज्ञापत्र सादर करणार आहे अशी माहिती सुद्धा राजन तेली यांनी यावेळी दिली.

आठवले गटाला मुंबईत दोन जागा

महायुतीमध्ये घटपक्ष असलेल्या  रिपब्लिकन पार्टी ऑफ इंडिया आठवले गटाला मुंबईतील धारावी आणि कालिना हे दोन मतदार संघ देण्यात आले आहेत तसेच महायुती ची सत्त्ता आल्यानंतर एक विधानपरिषद सदस्यत्व आणि राज्यात एक कॅबिनेट मंत्री पद तसेच 4 महामंडळ अध्यक्ष पदे आणि महामंडळ संचालक पदे  जिल्हा तालुका शासकीय कमिटी सदस्य पदे तसेच महापालिका जिल्हा परिषदा स्थानिक स्वराज्य संस्थांमध्ये रिपब्लिकन पक्षाला जागा देण्याचे महायुती द्वारे उपमुख्यमंत्री देवेंद्र फडणवीस यांनी ठोस आश्वासन दीले आहे.त्यामुळे महाराष्ट्राच्या विकासासाठी;  दलितांच्या विकासासाठी रिपब्लिकन कार्यकर्त्यांनी नाराजी बाजूला सारून नव्या दमाने भाजप शिवसेना रिपाइं राष्ट्रवादी महायुती ला विजयी करण्यासाठी प्रचाराला लागावे असे आवाहन आज रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना रामदास आठवले यांनी केले.

आम्ही बहिण भावांनी 12 वर्ष प्रारब्ध भोगला- धनंजय मुंडे 

एकमेकांचा राजकीय विरोध आत्ताच काढून टाका. आमच्या बहिण भावाचा राजकीय विरोध होता. 2019 ची निवडणूक झाली आणि महायुती झाली तेव्हा पुन्हा राजकारणात एकत्र कसे यायचं हा सर्वांनाच मोठा प्रश्न पडला होता. आम्ही बहिण भावांनी 12 वर्ष प्रारब्ध भोगला आणि नियतीने मान्य केलं आणि आम्हाला नियतीनेच एकत्र केल्याची प्रतिक्रिया कृषीमंत्री धनंजय मुंडे यांनी अहमदपूर बोलताना दिली आहे. आज अहमदपूरमध्ये महायुतीचे उमेदवार बाबासाहेब पाटील यांनी आपला उमेदवारी अर्ज भरला. यावेळी कृषीमंत्री धनंजय मुंडे हेही उपस्थित होते.

मित्रपक्ष कोणत्या जागेवरुन लढणार? भाजपने केले जाहीर 

भाजपकडून मित्र पक्षांना देण्यात येणाऱ्या जागा जाहीर केल्या आहेत. बडनेरामध्ये युवा स्वाभिमान पार्टीकडून रवी राणा, गंगाखेडमधून राष्ट्रीय समाज पक्षाचे रत्नाकर गुट्टे, कलिनाची जागा रिपब्लिकन पार्टी ऑफ इंडिया आठवले गटासाठी देण्यात आली आहे. तर शाहूवाडीची जागा जन सुराज्य शक्ती पक्षासाठी देण्यात आली आहे.

मविआत समसमान फॉर्म्युला मोडीत

महाविकास आघाडीत काँग्रेसच मोठा भाऊ असल्याचं स्पष्ट होऊ लागलंय. काँग्रेसनं आतापर्यंत 99 जागांवर उमेदवार जाहीर केलेत. राहुल गांधींनी दिल्लीतल्या बैठकीत जागावाटपावर नाराजी व्यक्त केल्यानंतर काँग्रेसच्या वाट्याच्या जागा वाढल्या का अशी चर्चा सुरु झालीय. काँग्रेसनं 99 जागा जाहीर करुन 'आम्ही तिळे' हा समसमान फॉर्म्युला मोडीत काढलाय.

पिंपरी चिंचवडमध्ये महायुती आणि महाविकास आघाडीच्या उमेदवारांकडून अर्ज दाखल...!

पिंपरी चिंचवड शहरात येणाऱ्या पिंपरी चिंचवड आणि भोसरी विधानसभा मतदारसंघात विविध उमेदवारांनी अर्ज दाखल केले. चिंचवड मध्ये महायुतीचे भाजपचे उमेदवार शंकर जगताप यांनी उमेदवारी अर्ज दाखल केला तर अजित पवार यांचे कट्टर समर्थक असलेल्या नाना काटे यांनीही बंडखोरी करत चिंचवड विधानसभा मतदारसंघात अपक्ष अर्ज दाखल केला. चिंचवड मधूनच राष्ट्रवादी काँग्रेस अजित पवार गटाच्या भाऊसाहेब भोईर यांनीही बंडखोरी करत अर्ज दाखल केला. पिंपरीमध्ये महायुतीचे अधिकृत उमेदवार अण्णा बनसोडे यांनी त्यांचा उमेदवारी अर्ज दाखल केला. भोसरी विधानसभा मतदारसंघातून महाविकास आघाडीचे राष्ट्रवादी काँग्रेस शरदचंद्र पवार गटाचे उमेदवार अजित गव्हाणे यांनी त्यांचा उमेदवारी अर्ज दाखल केला.

वंचितच्या उमेदवार शमीभा पाटील यांनी दाखल केला उमेदवारी अर्ज 

जळगाव जिल्ह्यातील रावेर विधानसभा मतदारसंघात वंचित बहुजन आघाडी कडून शामीभा पाटील यांच्या माध्यमातून पहिल्यांदाच तृतीय पंथी उमेदवार निवडणुकीच्या रिंगणात उतरवण्यात आला असून शमीभा पाटील यांनी आपला उमेदवारी अर्ज दाखल केला आहे. प्रस्थापितांचे मोठे आवाहन समोर असून देखील रावेर मतदार संघातील जनता एका तृतीयपंथी उमेदवाराच्या पाठीशी खंबीरपणे उभे राहून आपला विजय होईल असा विश्वास शमीभा पाटील यांनी व्यक्त केला आहे.

भाजपाच्या माजी खासदार हिना गावित यांचा अपक्ष उमेदवारी अर्ज

लोकसभा निवडणुकीच्या पराभवाचा वचपा काढण्यासाठी भाजपाच्या माजी खासदार डॉक्टर हिना गावित यांनी अक्कलकुवा विधानसभा मतदारसंघांमध्ये अपक्ष आणि भाजपकडून उमेदवारी अर्ज दाखल केला. शिवसेना शिंदे गटाने विधान परिषदेचे आमदार आमश्या पाडवी यांना उमेदवारी जाहीर केली आहे. भाजप या जागेसाठी अजूनही आग्रही आहे. गेल्या सात वेळेपासून आमदार असलेल्या काँग्रेसचे के सी पाडवी यांचा पराजय करण्यासाठी, हिना गावित मैदानात उतरल्या आहेत. लोकसभा निवडणुकीमध्ये या मतदारसंघांमध्ये भाजपाला चांगले मतदान मिळाले होते, या मतदानाच्या जोरावर भाजपाचा विजय इथे निश्चित असल्याचं खासदार हिना गावित या सांगत आहेत. मात्र या ठिकाणी शिवसेना जागा सोडायला तयार नाही. त्यामुळे आता येणाऱ्या काळामध्ये शिवसेना नेमकी काय भूमिका घेते याकडे सर्वांचे लक्ष लागलेलं आहे.

अमित ठाकरेंनी भरला उमेदवारी अर्ज 

मनसेचे उमेदवार अमित ठाकरे माहिममधून निवडणूक रिंगणात उतरलेत. त्यांनी आज उमेदवारी अर्ज दाखल केलाय. याआधी अमित ठाकरेंनी पत्नीसोबत देवदर्शन केलं. दादरच्या शिवाजी पार्कात बाळासाहेब ठाकरे आणि प्रबोधनकार ठाकरेंच्या स्मृतिस्थळाला भेट देत अभिवादन केलं. त्यानंतर चैत्यभूमीवर जाऊन आंबेडकरांना अभिवादन केलं. तसंच तिथल्या समुद्रकिना-याची पाहणी केली. त्यानंतर अनवाणी पायाने जात सिद्धीविनायकाच्या चरणी नतमस्तक झालेत. 

कोपरी पाचपाखाडी मतदारसंघातून मुख्यमंत्र्यांनी भरला उमेदवारी अर्ज 

कोपरी पाचपाखाडी मतदारसंघातून मुख्यमंत्री एकनाथ शिंदे उमेदवारी अर्ज भरलाय... तर त्यांच्याविरोधात शिवसेना उद्धव बाळासाहेब ठाकरे पक्षानं केदार दिघेंना उमेदवारी दिलीय. केदार दिघेही आजच अर्ज दाखल करणार आहेत. त्यामुळे या मतदारसंघात एकनाथ शिंदे विरुद्ध आनंद दिघेंचे पुतणे केदार दिघे असा सामना रंगणारेय. अर्ज दाखल करण्याआधी दोन्ही नेत्यांकडून जोरदार शक्तिप्रदर्शन करण्यात आलं. कोपरी पाचपाखाडी विधानसभा मतदारसंघात नेमकी कोणाची वर्णी लागतेय हे पाहणं महत्त्वाचं ठरणारेय.

पंढरपूर विधानसभा मतदारसंघात शरद पवारांची खेळी

पंढरपूर विधानसभा मतदारसंघात शरद पवारांची खेळी आरोग्य मंत्री तानाजीराव सावंत यांचे पुतणे भैरवनाथ शुगरचे व्हाईस चेअरमन अनिल सावंत यांना अर्ज भरण्यासाठी दिली परवानगी. पंढरपूर विधानसभेच्या जागेवरून भगीरथ भालके आणि अनिल सावंत यांच्यामध्ये मोठी चुरस पाहायला मिळाली काँग्रेसने भालकेना उमेदवारी जाहीर केली असताना आज सकाळी अनिल सावंत यांनी शरद पवारांची बागेमध्ये भेट घेतली त्यानंतर अनिल सावंत सुद्धा आज दुपारी दोन वाजता राष्ट्रवादी काँग्रेस शरदचंद्र पवार पक्षाकडून आपला उमेदवारी अर्ज दाखल करणार आहेत

एकनाथ शिंदे यांना संत एकनाथ महाराजांच्या वंशजांचे शुभाशीर्वाद 

मुख्यमंत्री एकनाथ शिंदे यांना आज त्यांचा उमेदवारी अर्ज दाखल करण्यापूर्वी संत एकनाथ महाराजांचे वंशज योगीराज महाराज गोसावी यांनी येऊन शुभाशीर्वाद दिले. आगामी विधानसभा निवडणुकीत प्रचंड मताधिक्याने विजयी व्हावे यासाठी शुभेच्छा दिल्या. मुख्यमंत्री शिंदे यांनी पंढरपूरच्या वारी निर्मळ वारी व्हावी यासाठी भगीरथ प्रयत्न केले. तसेच वारकरी दिंड्यांना 20 हजारांचे अनुदान दिले. त्यामुळे आज नऊ संतांचे पूर्वज त्यांना आशीर्वाद देण्यासाठी ठाणे येथे येत आहेत. त्याची सुरुवात एकनाथ महाराजांचे वंशज योगीराज महाराज गोसावी यांच्यापासून झाली.

राष्ट्रवादी शरदचंद्र पवार गटात बंडखोरी 

राष्ट्रवादी शरदचंद्र पवार गटात बंडखोरी करत राजाभाऊ फड यांनी अपक्ष उमेदवारी अर्ज दाखल केला. बीडच्या खासदारामुळे मला डावलण्यात आलं राजाभाऊ फड यांचा खासदार बजरंग सोनवणे यांच्यावर आरोप. पोस्टर फाडणारे माझे कार्यकर्तेच नाही विरोधकांच षडयंत्र. मी पक्षाचा आणि अपक्ष दोन्हीही फॉर्म भरणार आहे, अशी माध्यमांशी संवाद साधताना प्रतिक्रिया... महाविकास आघाडीमध्ये तिकीट जाहीर होतात बंडाचा झेंडा. 

 

जनतेच्या हिताची जपणूक करणारं सरकार देऊ हे वचन देतो- शरद पवार 

युगेंद्र पवार या तरुण उमेदवाराचा आम्ही फॉर्म भरला असं सांगताना शरद पवार यांनी माध्यमांशी संवाद साधला. मविआच्या जागावाटपाच्या समीकरणाविषयी बोलचाना सगळे मिळून एकवाक्यता करण्याचा प्रयत्न करत आहोत या परिस्थिती जनतेच्या हिताची जपणूक करणारं सरकार देऊ हे वचन देतो असं ते म्हणाले. महायुतीविषयी बोलताना पक्षफुटी,सत्तेचा गैरवापर लोकांना आवडला नाही असं त्यांनी स्पष्टपणे सांगितलंय. 

 

धंगेकर आज भरणार उमेदवारी

कसबा पेठ विधान सभा मतदार संघातील काँग्रेसचे उमेदवार रवींद्र धंगेकर आज उमेदवारी अर्ज भरणार आहेत. कसबा गणपतीचे दर्शन घेऊन ते अर्ज भरण्यासाठी जाणार आहेत.

भाजपच्या 6 उमेदवारांच्या हातात धनुष्यबाण 

भाजपं आतापर्यंत 121 जागांवरी उमेदवार जाहीर केले आहेत. शिवसेना शिंदे गटाला गेलेल्या 6 जागांवर भाजपमधून आयात उमेदवार शिवसेना शिंदे गटानं दिले आहेत.  

निलेश राणे - कुडाळ मालवण
राजेंद्र गावीत - पालघर
विलास तरे - बोईसर
मुरज पटेल -  अंधेरी पूर्व
संतोष शेट्टी - भिवंडी पूर्व
राजेंद्र राऊत - बार्शी

एकनाथ शिंदे यांच्या बंडातील एकमेव सीटिंग आमदाराचा पत्ता कट?

बंडातील 40 आमदारांपैकी पालघरचे आमदार श्रीनिवास वनगा यांच्या उमेदवारीवर अजूनही टांगती तलवार. वनगा यांच्या जागी पालघरचे माजी खासदार राजेंद्र गावित यांना उमेदवारी दिल्याने वनगा यांच्या उमेदवारी बाबत अजूनही सस्पेन्स कायम. बंडावेळी गुजरात कडे जाण्यासाठी एकनाथ शिंदे यांच्यासह सहकाऱ्यांनी श्रीनिवास वनगा यांच्या मुलाच्या वाढदिवसाच कारण केलं होतं पुढे. महायुतीकडून डहाणू विधानसभेसाठी अजूनही उमेदवार जाहीर नाही.

भांडुप मधून उबाठा गटाचे सुनील राऊत आज उमेदवारी अर्ज दाखल करणार

संजय राऊत यांचे भाऊ सुनील राऊत हे आज उमेदवारी अर्ज दाखल करत आहेत दुपारी एक वाजता ते त्यांचा उमेदवारी अर्ज दाखल करणार आहेत दरम्यान सकाळपासूनच त्यांच्या निवासस्थानी भांडुप तमिल संघाकडून तामिळनाडू मधील पारंपारिक वाद्य वाजविली जात आहेत.. उमेदवारी अर्ज दाखल करताना सुनील राऊत यांच्याकडून जोरदार शक्ती प्रदर्शन केले जाणार आहे.

वसुबारसच्या मुहूर्तावर सातारा जिल्ह्यातील अनेक दिग्गज नेते भरणार आज उमेदवारी अर्ज 

वसुबारसच्या मुहूर्तावर सातारा जिल्ह्यातील अनेक दिग्गज आपला उमेदवारी अर्ज भरणार आहेत. कराड दक्षिणमधून माजी मुख्यमंत्री पृथ्वीराज चव्हाण, तर कराड उत्तर मधून माजी सहकार मंत्री बाळासाहेब पाटील, मनोज घोरपडे पाटण मधून मंत्री शंभूराज देसाई आपला उमेदवारी अर्ज भरणार आहेत. शंभूराज देसाई यांच्या विरोधात सत्यजित पाटणकर हे अपक्ष उमेदवारी अर्ज भरणार आहेत. तर साताऱ्यात शिवेंद्रराजे भोसले हे उदयनराजेंच्या सोबत मोठ्या शक्ती प्रदर्शन करत आज आपला उमेदवारी अर्ज भरणार आहेत. कोरेगाव मध्ये महेश शिंदे तर मान मध्ये जयकुमार गोरे आपला उमेदवारी अर्ज भरणार आहेत. फलटणमध्ये अजितदादा गटाचे सचिन पाटील हे आपला उमेदवारी अर्ज भरणार आहेत.

शिवसेनेचे सदा सरवणकर मंगळवारी अर्ज भरणार

शिंदेंच्या शिवसेना पक्षाकडून सदा सरवणकर भरणार अर्ज. समाधान सरवणकरांची सोशल मीडियावर पोस्ट. माहीममधून निवडणूक लढवण्यावर सरवणकर ठाम. माहीममध्ये तिरंगी लढत होणार

ठाण्यात प्रथमच दिघे विरुद्ध शिंदे लढत

महाराष्ट्रातील विधानसभा मतदारसंघान पैकी एका विधानसभेवर सर्वांचे लक्ष लागले आहे. ही विधानसभा म्हणजेच कोपरी पाचपाखाडी विधानसभा. मुख्यमंत्री एकनाथ शिंदे यांचा हा मतदारसंघ असून त्यांच्या विरोधात शिवसेनेचे दिवंगत नेते धर्मवीर आनंद दिघे यांचे पुतणे केदार दिघे यांना ठाकरे गटाने उमेदवारी जाहीर केले आहे यामुळे दिघे विरुद्ध शिंदे अशी चुरशीची लढत या कोपरी पाच पाखाडी मतदारसंघात पाहायला मिळणार आहे. मुख्यमंत्री एकनाथ शिंदे व ठाकरे गटाचे उमेदवार केदार दिघे हे आज मोठ्या प्रमाणात शक्तिप्रदर्शन करत कोपरी पाचपाखाडी विधानसभा मतदारसंघाचा उमेदवारी अर्ज दाखल करणार आहेत. येणाऱ्या काळात आता या कोपरी पाच पाखाडी विधानसभा मतदारसंघात नेमकी कोणाची वर्णी लागते हेच पाहणे महत्त्वाचे असेल. 

बारामतीत आज दोन्ही पवारांचे उमेदवारी अर्ज होणार दाखल 

बारामतीत आज पवार विरुद्ध पवार अशा लढाईला सुरुवात होणार आहे.उपमुख्यमंत्री अजित पवार आज जोरदार शक्ती प्रदर्शन करीत आपला उमेदवारी अर्ज दाखल करणार आहेत. तर त्यांचे पुतणे युगेंद्र पवार हे देखील आपले आजोबा पक्षाचे अध्यक्ष शरद पवार प्रदेशाध्यक्ष जयंत पाटील, खासदार सुप्रिया सुळे, आमदार रोहित पवार यांच्या उपस्थितीमध्ये आपला उमेदवारी अर्ज दाखल करणार आहेत. कन्हेरी येथील श्री हनुमान मंदिरात प्रचाराचा नारळ वाढवून ते या निवडणुकीचे रणसिंग फुंकतील. 

 

अजित पवारांच्या राष्ट्रवादीचे जिल्हाध्यक्ष युसुफ पुंजानी राजीनाम्यानंतर कारंजातून लढणार अपक्ष निवडणूक

मुस्लिम समाजावर अन्याय होत असताना युती सरकार कडून मुस्लिम समाजाला न्याय मिळत नसल्याने अजित पवारांच्या राष्ट्रवादी काँग्रेस पक्षाचे वाशिम जिल्हाध्यक्ष युसुफ पुंजाणी यांनी जिल्हाध्यक्ष पदाचा राजीनामा दिला आहे. आता ते कारंजा विधानसभा मतदार संघात अपक्ष निवडणूक लढणार असल्याचं त्यांनी सांगितले.2014 आणि 2019 च्या निवडणुकीत त्यांनी अनुक्रमे दुसऱ्या आणि तिसऱ्या क्रमांकाची मत मिळवली होती.त्यामुळे आता महायुतीच्या उमेदवाराला याचा फटका बसणार असल्याचं बोललं जातंय.

उमरखेड मध्ये काँग्रेसचे दोन माजी आमदार नाराज, बंडखोरी करणार

यवतमाळच्या उमरखेड मतदार संघात काँग्रेसने साहेबराव कांबळे या नवख्या उमेदवाराला निवडणूक रिंगणात उतरवल्याने काँग्रेसच्या ईतर गटांमध्ये प्रचंड नाराजीचा सूर उमटत आहे. माजी आमदार विजय खडसे यांनी नाराजी व्यक्त करीत आपण उमेदवारी अर्ज दाखल करू असे स्पष्ट केले. ही उमेदवारी प्रदेशाध्यक्ष नाना पटोले यांनी पैशांची सौदेबाजी करून विकली असा आरोप त्यांनी केला असून, कांबळे हे समृद्धीच्या ठेकेदारीतील पैसे घेऊन आव्हान देत असल्याने निष्ठावंत काँग्रेस कार्यकर्त्यांनी कांबळेचे पार्सल परत पाठविण्याचे आवाहन माजी आमदार विजय खडसे यांनी केले तर निष्ठा हरली पैसा जिंकला अशी प्रतिक्रिया देत बंडखोरीची भाषा माजी आमदार प्रकाश देवसरकर यांनी केली. 

 

 

मावळात भाजपला धक्का 

मावळात भाजपला धक्का बसला आहे. प्रदेश सहकार आघाडी सहसंयोजक पदी रुजू असलेले बाळासाहेब नेवाळे यांनी आपल्या पदाचा राजीनामा भाजप प्रदेश अध्यक्ष चंद्रशेखर बावनकुळे यांच्याकडे सुपूर्द केला आहे. मावळ तालुक्यात भाजप नेते मंडळी यांचे राजीनामा नाट्य सुरू असताना मावळ विधानसभा मतदारसंघात महायुतीचे उमेदवार सुनील शेळके यांना उमेदवारी जाहीर होताच तालुक्यात भाजपच्या गोटात असंतोष पसरला होता. त्यामुळे तालुक्यातील वातावरण ढवळून निघाले आहे.

मावळात भाजपला धक्का 

मावळात भाजपला धक्का बसला आहे. प्रदेश सहकार आघाडी सहसंयोजक पदी रुजू असलेले बाळासाहेब नेवाळे यांनी आपल्या पदाचा राजीनामा भाजप प्रदेश अध्यक्ष चंद्रशेखर बावनकुळे यांच्याकडे सुपूर्द केला आहे. मावळ तालुक्यात भाजप नेते मंडळी यांचे राजीनामा नाट्य सुरू असताना मावळ विधानसभा मतदारसंघात महायुतीचे उमेदवार सुनील शेळके यांना उमेदवारी जाहीर होताच तालुक्यात भाजपच्या गोटात असंतोष पसरला होता. त्यामुळे तालुक्यातील वातावरण ढवळून निघाले आहे.

 

विकास हेच माझं ध्येय असणार आहे आणि तो मी खेचून आणणार- भावना गवळी

वाशिमच्या रिसोड विधानसभा मतदार संघात माजी खासदार आणि विधान परिषद सदस्य भावना गवळी यांना शिंदे सेने कडून उमेदवारी मिळाली आहे. महायुतीत या जागेवरून मोठा पेच निर्माण झाल्याचं चित्र पाहायला मिळालं होत. इथ भाजपकडून माजी मंत्री अनंतराव देशमुख आणि शिंदे सेनेकडून भावना गवळी इच्छुक होत्या मात्र शिंदे सेनेच्या भावना गवळी यांना ही जागा सोडण्यात आली आहे. विकास हेच माझं ध्येय असणार आहे आणि तो मी खेचून आणणार आहे अशी प्रतिक्रिया भावना गवळी यांनी दिली. 

शरद पवारांना अहिल्यानगर जिल्ह्यात दुसरे लंके सापडल्याची चर्चा , पवारांची सर्वसामान्य कार्यकर्त्याला ताकद 

राष्ट्रवादीच्या फुटी नंतर ही पहिलीच विधानसभा निवडणूक होत असून कोपरगाव विधानसभा मतदारसंघातून कोल्हे परिवाराने माघार घेतल्यानंतर शरद पवारांनी विद्यमान आमदार आशुतोष काळे विरोधात सर्वसामान्य कार्यकर्त्याला संधी दिलीय. संदीप वर्पे यांना उमेदवारी जाहीर झाल्यानंतर शरद पवारांना अहिल्यानगर जिल्ह्यात अजून एक निलेश लंके सापडला ही चर्चा जोरदार कोपरगाव मतदार संघात रंगताना दिसत आहे.

राज्याच्या राजकारणात काका पुतण्याचा नवा वाद

राज्याच्या राजकारणात काका पुतण्याचा नवा वाद. राष्ट्रवादी काँग्रेसमध्ये नव्या बंडाची चिन्ह. बीड जिल्ह्यात सोळंके कुटुंबात फूट पडण्याची शक्यता. माजलगांव विधानसभा मतदारसंघात तिकिटावरून प्रकाश सोळंके विरुद्ध जयसिंह सोळंके यांच्यात वाद. प्रकाश सोळंके यांना राष्ट्रवादी अजित पवार गटाकडून उमेदवारी तर आमदारकीसाठी इच्छूल असलेल्या पुतण्या जयसिंह सोळंकेकडून बंडखोरीचे संकेत. जयसिंह सोळंके समर्थक आज घेणार पक्षाध्यक्ष अजित पवारांची भेट. कुठल्याही परिस्थितीत निवडणूक लढवण्यावर जयसिंह सोळंके समर्थक ठाम. 

आज दिग्गज नेते उमेदवारी अर्ज भरणार 

मुख्यमंत्री एकनाथ शिंदे आज कोपरी पाचपाखाडी विधानसभेसाठी  उमेदवारी अर्ज भरणार आहेत. तर अजित पवार  बारामतीमधून उमेदवारीचा अर्ज दाखल करणार आहे. मनसेकडून अमित ठाकरे दादर-माहिमसाठी उमेदवारी अर्ज दाखल करणार असून, राज ठाकरे यांच्या उपस्थितीत ते अर्ज भरणार आहे. तर विरोधी पक्षनेते  विजय वडेट्टीवारही उमेदवारी अर्ज दाखल करणार  आहेत. बारामतीतून युगेंद्र पवार उमेदवारी अर्ज भरणार आहे तर सदा सरवणकरही उमेदवारी अर्ज भरणार आहे.

 

स्नेहल जगताप भरणार उमेदवारी अर्ज 

रायगडच्या महाडमधील ठाकरेंच्या पक्षाच्या उमेदवार स्नेहल जगताप आज उमेदवारी अर्ज दाखल करणार आहे. आदित्य ठाकरे आणि शिवसेना नेते सुभाष देसाई यांच्या उपस्थितीत अर्ज भरणारेय. यावेळी छत्रपती शिवाजी महाराज चौकात रॅलीसह जाहीर सभेचं  ही आयोजन करण्यात आलंय. तर स्नेहल जगताप या शिवसेनेचे  आमदार भरत गोगावले यांच्या विरुद्ध लढणारे. त्यामुळे  आदित्य ठाकरे आज गोगावलेंवर काय बोलणार, याकडे सर्वांचं लक्ष लागलंय..